Ushbu maqolada o‘quvchilarda yozma nutq ko‘nikmalarini shakllantirish metodikasi va samarali usullari ko‘rib chiqilgan. Yozma nutq o‘quvchilarning fikrlarini yozma shaklda aniq va ravon ifodalash imkoniyatini yaratadi. Maqolada yozma nutqni rivojlantirishning zamonaviy pedagogik yondashuvlari, metodologik asoslari va o‘quv jarayonida qo‘llaniladigan usullar tahlil qilingan. Shuningdek, yozma nutq ko‘nikmasini baholash mezonlari va o‘quvchilarning yozma ishlari sifatini yaxshilash yo‘llari haqida ilmiy ma’lumotlar berilgan. Tadqiqotda ikki xil jadval yordamida o‘quvchilarning yozma nutq darajasi o‘rganilib, samarali metodlarning ta’siri ko‘rsatildi. Tadqiqot natijalari pedagoglarga amaliy tavsiyalar berishga qaratilgan.

Ushbu maqolada tijorat banklarining konsalting xizmatlari bo‘yicha olib borayotgan faoliyati chuqur tahlil qilinib, bu xizmatlarning bank tizimidagi o‘rni va ahamiyati yoritilgan. Konsalting xizmatlari nafaqat bank mijozlari uchun qo‘shimcha axborot va maslahat manbai, balki banklarning raqobatbardoshligini oshirish, mijozlarga chuqur individual yondashuvni joriy etish hamda yangi daromad manbalarini shakllantirish vositasi sifatida baholangan. Maqolada banklar tomonidan ko‘rsatilayotgan konsalting xizmatlarining hozirgi holati, rivojlanish darajasi, mavjud infratuzilma, xizmatlar sifati, kadrlar salohiyati va mijozlar ehtiyojlariga javob bera olish darajasi o‘rganilgan. Tadqiqot natijalari shuni ko‘rsatadiki, O‘zbekiston tijorat banklarida konsalting xizmatlari asosan yirik korporativ mijozlarga qaratilgan bo‘lib, kichik va o‘rta biznes subyektlari hamda jismoniy shaxslar bilan ishlash yo‘nalishi sust rivojlangan. Shuningdek, raqamli texnologiyalar asosida masofaviy maslahatlar berish tizimlari yetarlicha rivojlanmagan bo‘lib, bu xizmatlarning keng joriy etilishi uchun kadrlar malakasi va texnologik platformalarning rivojlanishi dolzarb masala hisoblanadi.

Ushbu maqolada “Uz CLAAS Agro” MChJ faoliyati misolida aylanma mablag‘larni boshqarish jarayoni tahlil qilinadi va ularning samaradorligini oshirish bo‘yicha amaliy takliflar ishlab chiqiladi. Aylanma mablag‘lar korxonaning qisqa muddatli moliyaviy holatini belgilovchi muhim resurs bo‘lib, ularni oqilona boshqarish ishlab chiqarish barqarorligi, likvidlik va foyda ko‘rsatkichlariga bevosita ta’sir ko‘rsatadi. Maqolada korxonaning 2022–2024 yillardagi moliyaviy ko‘rsatkichlari asosida tahlil o‘tkazilib, debitor qarzdorlikni, ombor zaxiralarini optimallashtirish hamda raqamli boshqaruv tizimlarini joriy etish orqali aylanma mablag‘lar aylanishini tezlashtirish yo‘llari ko‘rib chiqiladi. Tadqiqot natijalari asosida korxonaga moliyaviy barqarorlikni ta’minlash va resurslardan samarali foydalanishga qaratilgan konkret takliflar berilgan.

Tuyalar yil bo‘yiga o‘rista o‘tlagani bilan ularning vazni o‘zgarib turadi. Masalan: voyaga etgan yoshdagi qolmoq porodasining qishda dekabrdan aprelgacha oraliqda 19,7% to‘rt yoshli tuyalar 10,1%, uch yoshlilari 9,1%, ikki yasharlari 5% vaznini yo‘qotadiganini tadqiqotlarda aniqlangan. Kichik bo‘talar onasining sutini emib yurgandan keyin ularning vaznida o‘zgarishlar bo‘lmaydi. Tuyalarning faqat kuchidan boshqa ular odam organizmi uchun eng bir foydali suti ham bor. Bularning sutlaridan qozoq, qirg‘iz, turkman, mongol, o‘zbek, qoraqalpoq xalqlari keng turda foydalanadi. Tuyaning sutining tarkibida sigir sutiga qaraganda ancha odam uchun foydali mikroelementlar ko‘p uchraydi.

Mazkur maqolada astronomiyaga oid matnlarni ingliz tilidan o‘zbek tiliga va aksincha tarjima qilishda uchraydigan asosiy muammolar tahlil qilinadi. Tarjima jarayonida yuzaga keladigan lingvistik, terminologik va madaniy tafovutlar, shuningdek, ilmiy atamalarning to‘g‘ri ekvivalentlarini topishdagi qiyinchiliklar yoritilgan. Shuningdek, maqolada tarjima jarayonida qo‘llanilishi mumkin bo‘lgan samarali strategiyalar, xususan, kontekstual tahlil, atamalar bazasi yaratish va tarjimonning ixtisoslashuvi muhim omil sifatida ko‘rsatib o‘tiladi. Tadqiqotda inglizcha va o‘zbekcha astronomik matnlar tahlil qilinib, amaliy misollar orqali muammolar va ularning yechimlari ko‘rsatib berilgan.