Mazkur maqolada davlat sektorida ichki nazorat va ichki audit tizimining iqtisodiy mohiyatamarali boshqarishdagi o‘rni hamda O‘zbekistonda ushbu yo‘nalishda amalga oshirilayotgan institutsional islohotlar o‘rganilgan. Tadqiqotda ichki nazorat va ichki auditning o‘zaro bog‘liqligi, davlat budjeti mablag‘laridan maqsadli va samarali foydalanishni ta’minlash, budjet intizomini mustahkamlash, moliyaviy xatolar va qonunbuzilishlarning oldini olishdagi ahamiyati tahlil qilingan. O‘zbekiston Respublikasida ichki audit xizmatlarini tashkil etish, ichki auditorlarni sertifikatlash, xavfga asoslangan auditni joriy etish, masofaviy nazoratni kengaytirish va audit jarayonlarini raqamlashtirish bo‘yicha erishilgan natijalar baholangan. Tadqiqot natijasida davlat sektorida ichki nazoratning yagona metodologik modelini yaratish, ichki auditning funksional mustaqilligini kuchaytirish, risklarni boshqarish tizimini takomillashtirish, raqamli audit va ma’lumotlar tahlilini keng joriy etish hamda audit tavsiyalarining bajarilishini avtomatik monitoring qilish bo‘yicha ilmiy-amaliy takliflar ishlab chiqilgan.

Mazkur maqolada raqamli muhit sharoitida bolalarning yozma nutqini rivojlantirishda oilaning pedagogik, psixologik va kommunikativ roli ilmiy-nazariy jihatdan tahlil qilinadi. Bugungi kunda raqamli texnologiyalarning bolalar hayotiga chuqur kirib borishi ularning axborot qabul qilish, fikrlash, muloqot qilish hamda o‘z fikrlarini yozma shaklda ifodalash usullariga sezilarli ta’sir ko‘rsatmoqda. Raqamli vositalar — kompyuter, planshet, smartfon, elektron ta’lim platformalari, messenjerlar va interaktiv dasturlar — yozma nutqni rivojlantirish uchun yangi imkoniyatlar yaratishi bilan birga, qisqartmalar, imloviy xatolar, og‘zaki nutq unsurlarining yozuvga ko‘chishi va yuzaki muloqot kabi muammolarni ham yuzaga keltirmoqda. Tadqiqotda oilaviy kommunikativ muhit, ota-onaning nutqiy namunasi, bolani mustaqil yozishga rag‘batlantirish, raqamli vositalardan maqsadli foydalanish, yozma topshiriqlarni nazorat qilish va ota-ona hamda ta’lim muassasasi hamkorligining ahamiyati tahlil qilinadi. Shuningdek, raqamli muhitdan foydalanishda bolaning yosh xususiyatlari, individual qobiliyati va psixologik ehtiyojlarini hisobga olish zarurligi asoslanadi. Tadqiqot natijalari oilaning raqamli savodxonligi va pedagogik kompetensiyasi bolalarning yozma nutqini shakllantirishda muhim omillardan biri ekanligini ko‘rsatadi.

Bugungi kunda xoreografiya san’ati insoniyat madaniy hayotining muhim tarkibiy qismlaridan biri hisoblanadi. U nafaqat estetik zavq bag‘ishlovchi san’at turi, balki ma’naviy tarbiya, jismoniy rivojlanish va madaniy qadriyatlarni avloddan-avlodga yetkazuvchi vositadir.

Ushbu maqolada mahalla yoshlar yetakchilari uchun tashkil etilgan “Yetakchi camp”ning mazmun-mohiyati, maqsad va vazifalari, yoshlar yetakchilarining kasbiy hamda shaxsiy rivojlanishidagi o‘rni yoritilgan.

В статье рассматривается влияние регионального экономического потенциала на трансформацию рынка труда Узбекистана. Анализируются динамика занятости и безработицы, отраслевые особенности регионов, показатели ВРП на душу населения, роль промышленности, сферы услуг и малого бизнеса. Обосновано, что развитие экономического потенциала региона способствует созданию более качественных и стабильных рабочих мест.