Maqolada o‘zini o‘zi boshqarish organlari, xususan mahallalar, fuqarolar yig‘inlari va jamoatchilik tuzilmalarining fuqarolik jamiyatini shakllantirishdagi va rivojlantirishdagi tutgan o‘rni chuqur ilmiy-nazariy va amaliy jihatdan yoritilgan. O‘zbekistonda amalga oshirilayotgan demokratik islohotlar jarayonida fuqarolarning ijtimoiy faolligini kuchaytirish, mahalla institutining ahamiyatini oshirish va davlat boshqaruvi bilan jamiyat o‘rtasida samarali vositachilik mexanizmini yaratish muhim vazifalardan biri sifatida ko‘rilmoqda. Maqolada o‘zini o‘zi boshqarish organlarining funksiyalari, ularning huquqiy asoslari, fuqarolik jamiyati institutlari bilan o‘zaro aloqasi, hamda aholining ijtimoiy, iqtisodiy va madaniy hayotidagi faolligini oshirishdagi hissasi tahlil qilingan. Shuningdek, ilg‘or xorijiy tajribalar bilan solishtirma tahlillar asosida, O‘zbekistondagi mavjud tizimning ustun va zaif jihatlari ochib berilgan. Maqola yakunida o‘zini o‘zi boshqarish organlarining fuqarolik jamiyatini yanada mustahkamlashdagi salohiyatini to‘liq ro‘yobga chiqarish uchun zarur bo‘lgan taklif va tavsiyalar ishlab chiqilgan. Ushbu ilmiy ish ijtimoiy fanlar sohasi tadqiqotchilari, davlat boshqaruvi mutaxassislari hamda fuqarolik jamiyatining rivojlanishiga qiziqqan keng jamoatchilik uchun foydali bo‘lishi mumkin.

Maqolada terrorizmga qarshi kurashishning zamonaviy shakllari, yoshlarning bu jarayondagi o‘rni, ma’naviy immunitetni shakllantirish hamda fuqarolik mas’uliyatini yuksaltirish masalalari tahlil qilingan. Terrorizmga qarshi kurashda mafkuraviy tarbiya, ta’lim tizimi va ijtimoiy ongning o‘rni yoritilgan.

Mazkur maqolada bugungi zamonaviy hamda shiddat bilan rivojlanib borayotgan davrda huquqiy ong va huquqiy madaniyatning roli qanchalik muhimligi va uni oshirish qanchalik zarurligi o’z ifodasini topgan.

Ushbu maqolada sud hokiniyatining mustaqilligi adolatli sudlov tamoyillarining mazmuni va O’zbekistonda amalga oshirilayotgan sud-huquq tizimidagi islohotlari chuqurroq o’rgatilgan va yoritib o’tilgan.

Ushbu maqolada O‘zbekiston Respublikasi Jinoyat kodeksining 168-moddasida nazarda tutilgan firibgarlik jinoyatining huquqiy belgilariga ilmiy-huquqiy tahlil berilgan. Firibgarlikning mazmuni, uning tarkibiy elementlari obyekt, obyektiv tomoni, subyekt va subyektiv tomoni amaldagi qonunchilik hamda sud amaliyoti misolida yoritiladi.