Ushbu maqolada yuqori sinf o‘quvchilarida tolerantlik (bag‘rikeynglik) ko‘nikmalarini rivojlantirishning pedagogik va psixologik xususiyatlari IMRAD standarti asosida tahlil qilingan. O‘smirlik va ilk o‘spirinlik davridagi shaxsiy va ijtimoiy-psixologik o‘zgarishlar, tolerant dunyoqarashni shakllantirish omillari va unga ta'sir etuvchi pedagogik usullar o‘rganildi. Tadqiqot davomida 120 nafar yuqori sinf o‘quvchilari o‘rtasida so‘rovnoma va ekspress-diagnostika testlari o‘tkazildi. Natijalar shuni ko‘rsatdiki, interaktiv pedagogik texnologiyalar va trening mashg‘ulotlari o‘quvchilarning emotsional va kognitiv tolerantlik darajasini 22% ga oshirish imkonini berdi.

Inson organizmi normal ishlashi, energiya almashinuvi va kasalliklarga qarshi kurashishi uchun vitaminlar suvdek zarur. Biroq, ko‘pincha ovqatlanish tartibsizligi yoki mavsumiy o‘zgarishlar tufayli vitamin yetishmovchiligi yuzaga keladi. Bu holat tibbiyotda gipovitaminoz va avitaminoz tushunchalari bilan farqlanadi.

Maqolada suv tanqisligi sharoitida sholining (Oryza sativa L.) “Sadaf” va “Lazurniy” navlarining gullash davridagi bayroq bargi suv rejimi ko‘rsatkichlari (umumiy suv miqdori, transpiratsiya jadalligi, suv saqlash qobiliyati) hamda quruq biomassa to‘planishi o‘rganilgan. Tadqiqot natijalariga ko‘ra, ikkala navda ham umumiy suv miqdori yuqori va teng darajada (94,2–94,3%) saqlangani holda, “Sadaf” navida transpiratsiya jadalligi (398,5 mg H₂O/g·soat) va suv ushlash xususiyati (suv yo‘qotish ko‘rsatkichi 55,2%) “Lazurniy” naviga nisbatan yuqori ekanligi aniqlandi. “Lazurniy” navi esa bayroq bargining quruq og‘irligi (14,1 mg) bo‘yicha ustunlik ko‘rsatib, yuqori agrofon va maqbul sug‘orish tartibiga talabchan intensiv nav sifatida tavsiflanadi. “Sadaf” navi esa kuchli ildiz tizimi va morfo-fiziologik moslashuvchanligi hisobiga suv tanqisligi stressiga yuqori bardoshlilik namoyon etdi.

Mazkur maqolada o‘quvchilarda tarixiy tafakkurni shakllantirishning pedagogik asoslari, nazariy-metodologik yondashuvlari va zamonaviy ta’lim jarayonidagi ahamiyati yoritilgan. Tarixiy tafakkurning mazmuni, tarkibiy komponentlari hamda uni rivojlantirishga ta’sir etuvchi pedagogik omillar tahlil qilingan. Shuningdek, tarixiy manbalar bilan ishlash, muammoli ta’lim, qiyosiy tahlil, munozara va interfaol metodlardan foydalanishning didaktik imkoniyatlari asoslab berilgan. O‘quvchilarda tarixiy voqea-hodisalarni sabab-oqibat munosabatlari asosida tahlil qilish, tarixiy jarayonlarni muayyan davr kontekstida baholash va dalillar asosida mustaqil xulosa chiqarish ko‘nikmalarini rivojlantirish bo‘yicha metodik tavsiyalar ishlab chiqilgan.

Mazkur maqolada O‘zbekistonda professional musiqa san’atining shakllanishi va rivojlanish jarayonlari tahlil qilinadi. O‘zbek xalqining qadimiy musiqa an’analari, maqom san’ati, xalq ijrochiligi hamda XX asr boshlarida professional musiqa ta’limi va kompozitorlik ijodining shakllanishi masalalari yoritiladi. Shuningdek, milliy musiqa an’analari bilan Yevropa musiqa tajribasining o‘zaro ta’siri, opera, simfonik, kamer va xor musiqasi janrlarining rivojlanishi hamda zamonaviy professional musiqa san’atining asosiy yo‘nalishlari ko‘rib chiqiladi.