Ushbu maqolada o‘simlik to‘qima madaniyati (in vitro) biotexnologiyasida ozuqa muhitining asosiy komponenti bo‘lgan uglevod manbalarining o‘simlik o‘sishi va rivojlanishiga ta’siri atroflicha tahlil qilingan. Maqolada uglevodlarning (xususan, saxaroza, glyukoza, fruktoza, maltoza va sorbitol) nafaqat geterotrof oziqlanish va energiya manbai ekanligi, balki hujayra turgor bosimini boshqaruvchi osmotik agent hamda gormonal faollikni tartibga soluvchi birlamchi signal molekulasi sifatidagi kompleks funksiyalari ilmiy asoslab berilgan. Tadqiqotda turli xil uglevodlarning kallusogenez, organogenez (novda va ildiz hosil bo‘lishi) va somatik embriogenez jarayonlaridagi samaradorligi qiyosiy baholangan. Xususan, glyukozaning hujayra proliferatsiyasidagi ustunligi, saxarozaning rizogenezdagi o‘rni va sorbitolning Rosaceae oilasi vakillari uchun ahamiyati yoritilgan.

Бул махалада тилдиң раўажланыўы ишки ҳәм сыртқы жоллар менен әмелге асады. Ал, бул раўажланыў сөз ҳәм терминлердиң жасалыўы арқалы иске асады. Мақалада дұнья тил билиминдеги сөз ҳәм термин жасалыў мәселесин ұйренип шығамыз. Дұнья тил билиминде сөзлердиң жасалыўы тарийхый ҳәм салыстырмалы аспектлерде ұйренилген. Ал, тараўлық терминлердиң жасалыўы бойынша бұгинги кұнде рус тил билиминде илимий мақалалар көринисинде изертлеўлер алып барылмақта. Сондай-ақ, инглис тилиндеги терминлердиң жасалыўы бойынша илимий жумыслар мақалалар көринисинде баспаларда жәрияланған.

Mazkur maqolada O‘zbekistonda soliq ma’muratchiligini raqamlashtirish jarayonlarining hozirgi holati, ularning xufiyona iqtisodiyot ulushini qisqartirishdagi ahamiyati hamda amaliy samaradorligi kompleks tarzda ilmiy tahlil qilinadi. Tadqiqot doirasida soliq tizimida joriy etilgan elektron soliq xizmatlari, soliq to‘lovchilarning shaxsiy kabinetlari, raqamli fiskal nazorat mexanizmlari, onlayn nazorat-kassa mashinalari, elektron hisob-fakturalar, tovarlarni raqamli markirovkalash hamda davlat organlari o‘rtasida soliq ma’lumotlarini integratsiyalash tizimlarining iqtisodiy va institutsional ta’siri baholanadi. Maqolada raqamli texnologiyalarning soliq ma’muratchiligida qo‘llanilishi natijasida soliq tushumlari barqarorligining oshishi, soliq intizomining mustahkamlanishi, korrupsion xavflarning kamayishi va yashirin iqtisodiy faoliyatni aniqlash imkoniyatlarining kengayishi ilmiy dalillar asosida yoritiladi. Shuningdek, raqamlashtirish jarayonining soliq to‘lovchilarning ixtiyoriy rioya darajasiga ta’siri ham alohida tahlil qilinadi.

Mazkur maqolada Oʻzbekistonda importni almashtirish siyosatining shakllanishi, institutsional asoslari hamda amaliy ijro mexanizmlari mintaqalar kesimida kompleks ilmiy tahlil qilinadi. Tadqiqot jarayonida import oʻrnini bosuvchi mahsulotlar ishlab chiqarish hajmi va tarkibiga taʼsir etuvchi asosiy hududiy omillar, xususan, tabiiy-resurs salohiyati, ishlab chiqarish infratuzilmasining rivojlanish darajasi, mehnat resurslarining miqdoriy va sifat koʻrsatkichlari, logistika va transport-kommunikatsiya tizimlarining holati chuqur baholanadi. Shuningdek, sanoatlashuv darajasi yuqori boʻlgan hududlar bilan agrar yoʻnalishga ixtisoslashgan mintaqalarda importni almashtirish jarayonining oʻziga xos jihatlari aniqlanib, ularning iqtisodiy samaradorligi va hududiy rivojlanishga taʼsiri qiyosiy tahlil asosida ochib beriladi. Tadqiqotda mintaqaviy ixtisoslashuv, sanoat kooperatsiyasi va mahalliylashtirish dasturlarining importga qaramlikni qisqartirishdagi roli asoslab beriladi. Maqola natijalari hududiy sanoat siyosatini takomillashtirish, importni almashtirish jarayonida mintaqalarning nisbiy ustunliklaridan samarali foydalanish hamda ichki bozorni mahalliy mahsulotlar bilan toʻldirishga qaratilgan strategik qarorlar ishlab chiqishda ilmiy-amaliy ahamiyat kasb etadi.

Mazkur maqolada tijorat banklarida ichki audit standartlarini joriy etishning nazariy va amaliy jihatlari kompleks tarzda tahlil qilinadi. Tadqiqotda ichki audit tizimining bank faoliyatida risklarni boshqarish, ichki nazorat mexanizmlarini takomillashtirish hamda korporativ boshqaruv samaradorligini oshirishdagi o‘rni yoritiladi. Xalqaro ichki audit standartlari asosida ichki audit faoliyatini tashkil etishning ustuvor yo‘nalishlari aniqlanib, ularni milliy bank amaliyotiga moslashtirish masalalari tahlil qilinadi. Shuningdek, ichki audit tizimini modernizatsiya qilish, riskga asoslangan audit yondashuvini joriy etish va audit jarayonlarida raqamli texnologiyalardan foydalanish istiqbollari asoslab beriladi. Tadqiqot natijalari tijorat banklarida ichki audit faoliyatini takomillashtirishga qaratilgan ilmiy xulosalar va amaliy tavsiyalar ishlab chiqish imkonini beradi.