Ushbu maqolada Buxoro hududida islom dinining kirib kelishi, uning ijtimoiy-siyosiy va madaniy hayotdagi o‘rni, shuningdek, mahalliy aholi tomonidan islom e’tiqodiga nisbatan bo‘lgan munosabat tarixiy jarayonlar asosida tahlil etiladi. Buxoroning “Islom gumbazi” sifatida shakllanishi, sovet davrida e’tiqodga bo‘lgan bosim va mustaqillik yillarida diniy qadriyatlarning tiklanish jarayoni ilmiy asosda yoritilgan.

Ushbu maqolada islom dinining Movarounnahr hududiga kirib kelishi, uning dastlabki davrdagi tarqalish jarayoni, mahalliy aholining e’tiqodga bo‘lgan munosabati va islomning bu mintaqada mustahkamlanish omillari tahlil etilgan. Shuningdek, islomning siyosiy, madaniy va ma’naviy hayotga ko‘rsatgan ta’siri tarixiy manbalar asosida yoritiladi.

Bul maqalada qaraqalpaq xalqınıń ullı shayırlarınıń biri bolǵan Berdaq shayır hám baqsı ekenligi tuwralı, sonıń menen birge Berdaq shayır haqqında onıń sóz zergeri retinde ulıǵlap sóz jazǵan, qosıq dóretken shayırlarımız Berdaqtı táriplegeni haqqında sóz etilgen.

Mazkur maqolada raqamli laboratoriyalar va simulyatsion dasturlarning fizika fanini o‘qitish jarayonidagi o‘rni, ahamiyati hamda ularning ta’lim sifatiga ta’siri nazariy jihatdan yoritilgan. Fizika ta’limining raqamli transformatsiyasi, virtual tajribalar, interaktiv modellashtirish vositalari va simulyatsion muhitlarning o‘quvchilarda ilmiy tafakkur, analitik fikrlash va eksperimental kompetensiyalarni shakllantirishdagi roli tahlil qilinadi. Shuningdek, raqamli laboratoriyalarni o‘quv jarayoniga integratsiya qilishda metodik, texnik va didaktik yondashuvlarning muhim jihatlari ko‘rsatib beriladi.

Maqolada tijorat banklarini soliqqa tortish jarayonidagi dolzarb muammolar, ularning sabablari va iqtisodiy oqibatlari tahlil qilingan. O‘zbekiston bank tizimida amalda qo‘llanilayotgan soliqqa tortish mexanizmlari, ularning xalqaro tajribadagi o‘rni va farqli jihatlari yoritilgan. Shuningdek, soliqqa tortish jarayonining tijorat banklari faoliyati samaradorligiga ta’siri statistik ma’lumotlar asosida baholangan. Tadqiqot natijalarida soliq yukining ortib borishi, soliqqa tortish tizimida tabaqalashtirilmagan yondashuv va byurokratik jarayonlarning murakkabligi asosiy muammo sifatida ko‘rsatib o‘tilgan. Muallif tomonidan banklarni soliqqa tortish tizimini optimallashtirish, soliq hisobi jarayonlarini raqamlashtirish, shaffoflikni oshirish hamda xalqaro moliyaviy institutlar tavsiyalaridan foydalanish orqali soliq mexanizmlarini takomillashtirish bo‘yicha ilmiy-amaliy takliflar ishlab chiqilgan.