Mazkur maqolada tijorat banklari faoliyatiga islomiy bank xizmatlarini joriy etishning nazariy va amaliy jihatlari tadqiq etilgan. Islomiy moliya tamoyillarining mohiyati, foizsiz moliyalashtirish mexanizmlari hamda ularning an’anaviy bank tizimi bilan o‘zaro uyg‘unlashuvi ilmiy asosda tahlil qilingan. Tadqiqot jarayonida islomiy bank xizmatlarini joriy etish orqali moliyaviy inklyuziyani kengaytirish, real sektorni qo‘llab-quvvatlash va bank risklarini kamaytirish imkoniyatlari aniqlangan. Maqolada, shuningdek, rivojlanayotgan mamlakatlar, xususan O‘zbekiston bank tizimida islomiy bank xizmatlarini joriy etish istiqbollari va ushbu jarayonda yuzaga keladigan institutsional hamda normativ-huquqiy muammolar yoritilgan. Olingan xulosalar tijorat banklari faoliyatini diversifikatsiya qilish va bank tizimi barqarorligini oshirishga qaratilgan amaliy tavsiyalar ishlab chiqishga xizmat qiladi.

Ushbu maqolada davlat sektori loyihalarida boshqaruv samaradorligini ta’minlash masalalari ilmiy-nazariy va amaliy jihatdan tahlil qilingan. Tadqiqotda davlat loyihalarining o‘ziga xos xususiyatlari, ularni boshqarishda uchraydigan institutsional, tashkiliy va inson omili bilan bog‘liq muammolar tizimli yondashuv asosida yoritilgan. Boshqaruv samaradorligiga ta’sir etuvchi asosiy omillar aniqlanib, loyiha hayotiy siklining rejalashtirish, amalga oshirish, monitoring va baholash bosqichlarida yuzaga keladigan kamchiliklar tahlil etilgan. Shuningdek, natijaga yo‘naltirilgan boshqaruv, samaradorlik ko‘rsatkichlari (KPI) va raqamli boshqaruv vositalarining davlat sektori loyihalarida qo‘llanish imkoniyatlari asoslab berilgan. Tadqiqot natijalari davlat mablag‘laridan foydalanish samaradorligini oshirish, shaffoflik va hisobdorlikni kuchaytirish hamda davlat loyihalarining ijtimoiy-iqtisodiy ta’sirini yaxshilashga qaratilgan amaliy tavsiyalarni shakllantirishga xizmat qiladi.

Mazkur maqolada iqtidorli va intellektual faol yoshlar bilan samarali ish tashkil etishda faol yoshlar yetakchisining o‘rni va ahamiyati yoritilgan. Unda yoshlarning intellektual salohiyatini aniqlash, rivojlantirish hamda ijtimoiy-foydali faoliyatga yo‘naltirish jarayonida yetakchilik omilining muhim jihatlari tahlil qilinadi. Shuningdek, yoshlar bilan ishlashda individual yondashuv, motivatsiya va rag‘batlantirish tizimi, jamoaviy hamda innovatsion faoliyatni tashkil etishning samarali usullari asoslab beriladi. Maqolada yoshlar yetakchisining tashabbuskorligi va strategik faoliyati jamiyatning intellektual poydevorini mustahkamlashdagi muhim omil ekanligi ilmiy-nazariy jihatdan yoritilgan.

Ushbu maqolada qizamiq kasalligining kelib chiqish sabablari, klinik kechishi, asoratlari, oldini olish choralari va davolash usullari keng yoritilgan. Qizamiq — Morbillivirus tomonidan chaqiriladigan, havo-tomchi yo‘li bilan yuqadigan yuqori yuqumli virusli infeksiya hisoblanadi. Maqolada virusning epidemiologik xususiyatlari, organizmda immun javob shakllanishi, hamda emlashning profilaktik ahamiyati ilmiy manbalar asosida tahlil qilingan. Shuningdek, bemorlarni parvarish qilish, simptomatik davolash va asoratlarning oldini olish bo‘yicha amaliy tavsiyalar berilgan. Tadqiqot natijalari shuni ko‘rsatadiki, emlashning keng qamrovli dasturlarini amalga oshirish qizamiqning qayta tarqalish xavfini keskin kamaytiradi va jamoaviy immunitetni mustahkamlaydi.

Asrlar davomida korporativ huquq doirasida korporativ kengash a'zolarining fidusiar majburiyatlari kontseptsiyasi deyarli o‘zgarmas bo‘lib kelgan. Bu an'anaviy paradigma uzoq vaqt davomida aksiyadorlarning ustunligi (Shareholder Primacy) nazariyasiga asoslanib, korporativ kengashlarning majburiyatlari asosan, aksiyadorlar uchun moliyaviy foydani maksimallashtirish maqsadiga qaratgan. Korporativ huquqdagi bu yondashuv korporativ maqsadni iqtisodiy o‘sish va qisqa muddatli qiymat yaratish bilan tenglashtirdi. Biroq, XXI asrning boshidan boshlab, global miqyosdagi uchta fundamental omil Ekologik, Ijtimoiy va Boshqaruv (ESG) xatarlarining keskin kuchayishi fonida, bu tor doiradagi korporativ huquqdagi korporativ boshqaruv a’zolarining fudisar majburiyatlar tizimi sezilarli darajada bosim ostiga olinmoqda va inqirozga yuz tutmoqda. Natijada, bugungi kunda korporativ kengash qarorlari faqatgina qisqa muddatli moliyaviy natijalarni emas, balki uzoq muddatli barqarorlikni ta'minlash, ijtimoiy mas'uliyatni anglash va barcha manfaatdor tomonlar (stakeholders) oldidagi majburiyatni ham o‘z ichiga olishi qonuniy va amaliy jihatdan tartibga solinishi talab etilmoqda. Bunday yangi huquqiy transformatsiya jarayonlari korporativ huquqda korporativ kengash a'zolari uchun yangi, murakkab huquqiy savollarni yuzaga keltirmoqda.