Ushbu maqolada bank-moliya tizimida iqtidorli xodimlarni saqlab qolishda motivatsiyaning iqtisodiy va tashkiliy roli ilmiy tahlil qilinadi. Global raqobat muhiti va raqamli transformatsiya sharoitida banklar uchun inson kapitalini yo‘qotmaslik strategik ustuvorlikka aylanmoqda. Tadqiqot davomida O‘zbekistonning yetakchi tijorat banklari misolida xodimlar oqimi, motivatsion vositalarning samaradorligi, ish haqi, malaka oshirish, rag‘batlantirish va karera o‘sish imkoniyatlari bo‘yicha empirik ma’lumotlar tahlil qilindi. Tahlillar shuni ko‘rsatdiki, motivatsiya omillarining tizimli va innovatsion boshqaruvi xodimlarning sodiqligi, ishlab chiqarish samaradorligi va kredit portfeli o‘sishiga ijobiy ta’sir ko‘rsatmoqda. Maqola yakunida iqtidorli kadrlarga yo‘naltirilgan kompleks motivatsiya siyosatining asosiy yo‘nalishlari ishlab chiqilgan. Tadqiqot natijalari banklar uchun amaliy tavsiyalar sifatida foydali bo‘lishi mumkin.

Mazkur maqolada din va ma’naviy kamolot o‘rtasidagi uzviy bog‘liqlik yoritib berilgan. Islom dini inson qalbini poklash, axloqiy barkamollikka erishish hamda jamiyatda ezgulikni qaror toptirishda muhim omil sifatida talqin etiladi. Maqolada Qur’oni karim oyatlari va hadisi shariflar asosida ma’naviy yetuklik mezonlari tahlil qilinib, buyuk allomalar va ajdodlarimizning ibratli hayoti orqali ushbu tushunchaning tarixiy ildizlari ochib berilgan. Shuningdek, mustaqillik yillarida O‘zbekistonda din va ma’naviyat sohasida amalga oshirilayotgan islohotlar, yosh avlodni ma’naviy tarbiyalash borasidagi sa’y-harakatlar ham yoritilgan. Maqola jamiyatda sog‘lom ma’naviy muhitni shakllantirishda dinning o‘rni va ahamiyatini chuqur anglashga xizmat qiladi.

Ushbu maqolada diniy ekstremizm tushunchasi, uning kelib chiqish sabablari, jamiyatga ta’siri hamda unga qarshi kurashishning samarali usullari tahlil etilgan. Muallif diniy ekstremizmga qarshi kurashda ma’naviy-ma’rifiy ishlarning, huquqiy chora-tadbirlarning, ijtimoiy-iqtisodiy islohotlarning va axborot xavfsizligining o‘rni haqida fikr yuritadi. O‘zbekiston tajribasi misolida diniy bag‘rikenglik va sog‘lom diniy muhitni shakllantirishga qaratilgan chora-tadbirlar tahlil qilinadi. Maqola diniy mafkuraviy tahdidlarni bartaraf etish yo‘llarini izlovchi ilmiy-ommabop manba sifatida xizmat qiladi.

Maqolada kichik tadbirkorlik faoliyatining nazariy asoslari va oʻziga xos xususiyatlari yoritilgan. Kichik tadbirkorlikning iqtisodiyotni rivojlantirishga ijobiy ta'siri asoslangan. Faoliyat koʻrsatayotgan kichik tadbirkorlik sub'ektlari soni, ularning mamlakat yalpi ichki mahsuloti hajmidagi va jami bandlikdagi salmogʻi tahlil qilingan. Iqtisodiy faoliyat turlari boʻyicha yangi tashkil etilgan kichik korxona va mikrofirmalar soni hamda ularning mahsulotlar (ishlar va xizmatlar) eksporti-import hajmi va ulushining oʻzgarish dinamikasi tadqiq etilgan. Kichik tadbirkorlik sub'ektlari faoliyatidagi oʻziga xos muammolar bayon qilingan.

Ushbu maqolada diniy bilimlarning jamiyat taraqqiyotidagi o‘rni va ahamiyati tahlil qilinadi. Diniy bilim inson ma’naviyatini boyitib, axloqiy mezonlarni mustahkamlaydi hamda ijtimoiy birlik va barqarorlikni ta’minlashda muhim omil sifatida namoyon bo‘ladi. Maqolada shuningdek, diniy-ma’rifiy tarbiyaning yosh avlod ongini shakllantirishdagi o‘rni va uni zamonaviy jamiyat taraqqiyoti bilan uyg‘unlashtirish zarurati ilmiy asosda yoritilgan.