Ushbu maqolada zamonaviy elektron asboblardagi nosozliklarni aniqlash usullari va diagnostika texnologiyalarining samaradorligi tahlil qilindi. Passiv, aktiv hamda raqamli diagnostika yondashuvlari solishtirilib, ularning afzallik va cheklovlari eksperimental natijalar asosida baholandi. Mahalliy tadqiqotchilar tomonidan taklif etilgan termografik monitoring, Arduino asosidagi self-test moduli va OBD-II adapterlar yordamida tashxislash usullari o‘rganildi. Qiyosiy tahlil shuni ko‘rsatdiki, gibrid yondashuvdan foydalanilganda nosozliklarni aniqlash aniqligi 2 barobar oshadi. Maqolada diagnostika madaniyatini rivojlantirish, sun’iy intellekt asosida prediktiv monitoring tizimlarini yaratish bo‘yicha takliflar ilgari surilgan.

Maqolada pensiya ta’minoti tizimining moliyaviy barqarorligini kuchaytirish masalasi manbalarni diversifikatsiya qilish va fiskal xatarlarni boshqarish mexanizmlari nuqtayi nazaridan tahlil qilinadi. Pensiya tizimining barqarorligi faqat badallarni oshirish yoki xarajatlarni qisqartirish bilan cheklanmasligi, balki daromad manbalarini ko‘paytirish, ularning siklik tebranishlarga sezgirligini kamaytirish, majburiyatlarni prognozlash va budjet xatarlarini oldindan boshqarish orqali ta’minlanishi asoslanadi.

Mazkur maqolada meva va sabzavotlardan tayyorlangan quyuqlashtirilgan mahsulotlarning Tovarlarni identifikatsiyalash va tashqi iqtisodiy faoliyat tovar nomenklaturasi (TIF TN) bo‘yicha tasniflanishi pozitsiya va subpozitsiyalar kesimida tahlil qilingan. Tadqiqot HS 2022 talqiniga asoslanib, 20-guruh doirasidagi 2002, 2007 va 2009-pozitsiyalar hamda ularning subpozitsiyalari misolida olib borilgan. Jadval va sxemalar yordamida quyuqlashtirilgan mahsulotlarni tasniflashda uchraydigan asosiy muammolar aniqlanib, mahsulotning fizik holati va funksional qo‘llanilishi hal qiluvchi mezon ekanligi asoslab berilgan.

Ushbu maqolada madaniyat va shaxs tushunchalari o‘rtasidagi o‘zaro munosabatlar tahlil qilinadi. Shaxsning shakllanishida madaniyatning o‘rni, xususan oila, ta’lim, diniy va milliy qadriyatlar, ommaviy axborot vositalarining ta’siri ochib beriladi. Shuningdek, madaniyatning shaxsni shakllantirishdagi roli bilan bir qatorda, shaxsning madaniyatni boyitishdagi ahamiyati ham ko‘rsatib o‘tiladi. Maqolada tarixiy va zamonaviy misollar orqali shaxs va madaniyat o‘rtasidagi o‘zaro bog‘liqlik asoslanadi.

Mazkur maqolada boshlang‘ich ta’lim jarayonida sun’iy intellekt (SI) texnologiyalaridan foydalanishning ahamiyati, afzalliklari hamda xorijiy tajribalar tahlil qilinadi. Sun’iy intellekt yordamida o‘quvchilarning individual o‘quv trayektoriyasini yaratish, o‘quv jarayonini optimallashtirish, shuningdek, o‘qituvchining metodik faoliyatini yengillashtirish imkoniyatlari ko‘rsatib o‘tilgan.