Ushbu maqolada mamlakatning “Yashil iqtisodiyot”ga o‘tish jarayonini tartibga soluvchi huquqiy va me’yoriy hujjatlar ko‘rib chiqiladi. Yashil iqtisodiyotga o‘tishning maqsad va asosiy bosqichlariga, shuningdek, mamlakat hududlarida barqaror rivojlanish mezonlarini tahlil qilishga alohida e’tibor qaratilgan. Yashil yondashuv doirasida barqaror rivojlanishning asosiy yo‘nalishlari e’tiborga olinib, qurilish faoliyatining atrof - muhitga ta’siri organilib qurilih jarayoning “Yashil iqtisodiyot”ga o’tish bugungi kunning asosiy jarayonlaridan biri ekanligidan kelib chiqib, mintaqaviy rivojlanishda xizmat qiladigan ushbu ilmiy maqola natijalarining ahamiyatini alohida ta’kidlashni lozim deb bilamiz.

Qurilish sohasining o‘sishi, O‘zbekiston iqtisodiyotining rivojlanishida muhim rol o‘ynaydi. Biroq, uning tez sur'atlar bilan o‘sishi atrof-muhitga salbiy ta’sir ko‘rsatmoqda. Ushbu tadqiqot qurilish sohasining barqaror rivojlanish strategiyalarini o‘rganishga qaratilgan bo‘lib, ayniqsa "yashil iqtisodiyot" tashabbuslari orqali qurilish faoliyatining ekologik ta’sirini kamaytirish imkoniyatlariga diqqat qaratadi. Tadqiqot, xalqaro tajribalarni va mahalliy imkoniyatlarni tahlil qilib, qurilish sohasida atrof-muhitga zarar yetkazmaslik uchun samarali yechimlarni aniqlashni maqsad qilgan. Innovatsion texnologiyalar, tartibga solish tizimlari va eng yaxshi amaliyotlarni tadbiq etish orqali, O‘zbekiston qurilish sohasini ekologik jihatdan mas'uliyatli va barqaror qilish yo‘llarini izlaydi. Bu sa’y-harakatlar O‘zbekistonni iqtisodiy o‘sish va ekologik muhofazani birlashtirgan holda global barqarorlik maqsadlariga erishishga yordam beradi.

Ushbu maqolada qurilish materiallari ishlab chiqarish jarayonining atrof-muhitga ko‘rsatadigan salbiy ta’siri tahlil qilingan. Sement, g‘isht, metall va boshqa qurilish mahsulotlarini ishlab chiqarish natijasida atmosferaga chiqadigan zararli moddalarning miqdori, tabiiy resurslarning kamayishi hamda chiqindilarning ortishi ekologik muammolarni keltirib chiqarayotgani ko‘rsatib o‘tilgan. Shuningdek, maqolada ekologik xavfni kamaytirishning asosiy yo‘nalishlari — resurslarni tejaydigan texnologiyalar, qayta ishlangan materiallardan foydalanish, ekologik toza mahsulotlar ishlab chiqarish va muqobil energiya manbalaridan foydalanish masalalari yoritilgan. Tadqiqot natijasida qurilish sohasida “yashil texnologiyalar”ni joriy etish atrof-muhitni muhofaza qilishda muhim omil ekanligi ta’kidlangan.

Ushbu maqolada yashil iqtisodiyot konsepsiyasi sharoitida qurilish tarmog‘ining o‘zgarish jarayonlari, transformatsiya yo‘nalishlari, ekologik va iqtisodiy omillarning o‘zaro bog‘liqligi tahlil qilingan. Shuningdek, O‘zbekiston misolida qurilishda ekologik barqarorlikni ta’minlash, energiya tejamkor texnologiyalarni joriy etish va xalqaro tajribani o‘rganishning dolzarb masalalari yoritilgan.

Maqolada yashil iqtisodiyot strategiyasi doirasida qurilishning hozirgi holati tahlil qilinadi. Energiya samaradorligi, ekologik materiallar, barqaror dizayn va suv resurslarini tejash kabi yashil qurilish texnologiyalari ko‘rib chiqiladi. Global va mahalliy tendensiyalar, muammolar va istiqbollar tahlil qilinib, O‘zbekistonda yashil qurilishning rivojlanish imkoniyatlari ko‘rsatildi.