Ushbu maqolada chet tillarini bilishning yoshlar hayotidagi dolzarbligi yoritilgan. Globallashuv jarayonida til o‘rganish yoshlarning raqobatbardosh bo‘lishi, xalqaro muloqotga kirishishi va zamonaviy bilimlarga ega bo‘lishida muhim omil ekani ta’kidlanadi. Maqolada chet tilining ta’lim, ilm-fan, kasbiy rivojlanish va madaniy aloqalardagi o‘rni iqtiboslar asosida asoslab berilgan. Shuningdek, O‘zbekistonda til o‘rganishga qaratilgan davlat e’tibori ham ko‘rsatilib, chet tili yoshlarni keng dunyoqarash va shaxsiy rivojlanishga yetaklovchi asosiy vosita ekani xulosa qilinadi.

Maqolada Turkiya ta’lim tizimida olib borilayotgan zamonaviy islohotlar – raqamlashtirish, kompetensiyaga asoslangan o‘qitish, o‘qituvchilar malakasini oshirish va ta’lim sifatini nazorat qilish mexanizmlari tahlil qilinadi. Shuningdek, Turkiya tajribasi Finlyandiya, Janubiy Koreya va boshqa ilg‘or davlatlar ta’lim tizimi bilan qiyosiy o‘rganiladi. Tadqiqot natijalari Turkiya islohotlarining samaradorligi hamda ularning O‘zbekiston ta’lim tizimi uchun ahamiyatli jihatlarini yoritadi.

Ushbu maqolada O‘zbekiston Respublikasida raqamli iqtisodiyotning shakllanish jarayoni, uning milliy iqtisodiyotdagi o‘rni, afzalliklari va rivojlanish istiqbollari tahlil qilinadi. Raqamli texnologiyalarni ishlab chiqarish, moliya, ta’lim, sog‘liqni saqlash va davlat boshqaruvi tizimlariga joriy etish orqali iqtisodiy samaradorlikni oshirish, byurokratik to‘siqlarni kamaytirish va xalqaro raqobatbardoshlikni kuchaytirish masalalari yoritilgan. Maqolada “Raqamli O‘zbekiston – 2030” strategiyasi doirasida amalga oshirilayotgan islohotlar, ularning natijalari hamda istiqboldagi ustuvor yo‘nalishlar haqida fikr yuritiladi.

Ushbu ilmiy tadqiqot Surxondaryo viloyati sharoitida o‘suvchi na’matak (Rosa canina L.) o‘simligining ildiz tizimi rizosferasidan ajratib olingan Mesorhabditis (Osche, 1952) avlodiga mansub nematoda turlarining morfologik va biologik xususiyatlarini o‘rganishga bag‘ishlangan. Tadqiqot davomida namunalar tuproq-rizosfera qatlamidan standart nematologik usullar asosida ajratib olindi va laboratoriya sharoitida morfometrik, mikroskopik hamda identifikasion tahlillar amalga oshirildi. Olingan natijalar Mesorhabditis turlarining tana tuzilishi, og‘iz apparati, reproduktiv tizimi, o‘lcham ko‘rsatkichlari kabi morfologik belgilarini aniqladi, shuningdek ularning ko‘payishi, rivojlanish bosqichlari va rizosfera biotsenozidagi ekologik roli yoritildi. Tadqiqot Surxondaryo hududidagi yovvoyi dorivor o‘simliklar bilan bog‘liq nematofaunaning xilma-xilligini aniqlashga va Mesorhabditis avlodiga mansub turlarni regional diagnostika mezonlari bo‘yicha tavsiflashi bilan ahamiyatlidir.

Ушбу мақолада пилла қуртининг маҳаллий навлари пилласидан замонавий пилла ўраш машиналарида хом ипак сифат кўрсаткичларини баҳолаш ишлаб чиқиш бўйича олиб борилган илмий-тадқиқот ишлари натижалари келтирилган. Тадқиқот доирасида пилла ипларининг чизиқли зичлиги ЎзНИИШП ЛC тизимининг лаборатория пилланинг жонли ва қуруқ технологик кўрсаткичлари ўрганилди. Пиллаларни ўрганиш натижаларига кўра пиллалар сони, яъни чизиқли зичлиги 1,56 ва 1,89 текс бўлган ипак хомашёсини ечишда қайта ўраш машинасининг ушлагичи остида аниқланган. Шунингдек, махалий пиллалардан ишлаб чиқарилган хом ипак сифат кўрсаткичларини тадқиқ қилинди.