Mintaqaviy iqtisodiyot — hududlararo iqtisodiy aloqalar va o‘zaro ta’sirlar natijasida yuzaga keladigan o‘sish, rivojlanish va tafovut masalalarini o‘rganadigan ilmiy soha. Ushbu maqolada hududlararo iqtisodiy tengsizlik, resurslardan samarali foydalanmaslik, mintaqaviy integratsiya va texnologik rivojlanishdagi tafovutlar kabi dolzarb muammolar tahlil qilinadi. Shuningdek, maqolada hududiy farqlarni kamaytirish, resurslardan yanada samarali foydalanish, hamda innovatsion hamkorlikni rivojlantirish orqali yechimlar taklif etiladi. Mintaqaviy siyosat, iqtisodiy hamkorlik va hududlararo integratsiya jarayonlari orqali barqaror o‘sish va adolatli rivojlanishni ta’minlashga yo‘naltirilgan.

Ushbu maqolada O‘zbekiston mintaqalari o‘rtasidagi iqtisodiy integratsiya jarayonlari, ularning rivojlanish dinamikasi, mavjud muammolar va istiqbolli yo‘nalishlar tahlil qilinadi. Hududlar o‘rtasida resurslar, ishlab chiqarish quvvatlari, infratuzilma va investitsiya oqimlarining notekis taqsimlanishi iqtisodiy integratsiya samaradorligiga bevosita ta’sir etishi ko‘rsatib o‘tiladi. Shuningdek, maqolada hududlararo iqtisodiy aloqalarni mustahkamlash, transport va logistika tizimlarini rivojlantirish hamda innovatsion hamkorlikni kengaytirish orqali iqtisodiy integratsiyani chuqurlashtirish yo‘llari taklif etiladi.

Qishloq va shahar hududlari o‘rtasidagi iqtisodiy tafovutlar mamlakat iqtisodiy rivojlanishining dolzarb masalalaridan biridir. Ushbu maqolada hududlararo daromad, ish o‘rinlari, ta’lim, sog‘liqni saqlash, infratuzilma va resurslardan foydalanishdagi farqlar tahlil qilinadi. Shuningdek, tafovutlarni kamaytirish uchun davlat siyosati, investitsiya dasturlari, infratuzilmani rivojlantirish, innovatsion texnologiyalar va ekologik barqaror yechimlar kabi chora-tadbirlar ko‘rib chiqiladi. Maqola hududiy barqarorlikni ta’minlash va ijtimoiy adolatni oshirishga yo‘naltirilgan strategiyalarni taklif etadi.

Ushbu ilmiy maqolada korxonaning asosiy vositalar samaradorligini ifodalovchi ko’rsatkichlar hamda korxonada ishlab chiqrish texnologiyasining asosiy vositalari tadqiq qilib aniqlangan.

O‘zbekiston ko‘chmas mulk bozorining shakllanish jarayoni, rivojlanish tendensiyalari ham mavjud va bu muammolar chuqur tahlil qilingan. Ko‘chmas mulk bozori mamlakat iqtisodiyotining muhim tarkibiy qismi bo‘lib, u turar joy, tijorat va sanoat mulklarini sotish, ijaraga berish, investitsiya kiritish hamda boshqarish faoliyatlarini o‘z ichiga oladi. O‘zbekiston sharoitida ushbu bozorning iqtisodiy ahamiyati, davlat siyosatining roli, mavjud qonunchilik bazasi hamda xorijiy tajribalar o‘rganilgan. Shuningdek, ko‘chmas mulk bozorini rivojlantirishda uchrayotgan asosiy muammolar — moliyalashtirishning cheklanganligi, raqamli infratuzilmaning yetarli emasligi, qonunchilikdagi noaniqliklar va investitsiya muammolari alohida tahlil qilinadi. Ushbu muammolarga qarshi samarali yechim sifatida raqamli platformalarni joriy etish, elektron monitoring tizimini yaratish, ipoteka kreditlash mexanizmlarini soddalashtirish va xorijiy investorlar uchun soliq imtiyozlarini kengaytirish taklif etilgan.