Qadimgi turkiy tillar, xususan XIII asrgacha bo‘lgan davr til materiallarini to‘plagan Sir Gerard Clauson o‘zining “An Etymological Dictionary of Pre-Thirteenth-Century Turkish” nomli nodir asarida turkiy tillar etimologiyasiga yirik hissa qo‘shgan. Mazkur lug‘atda minglab fe’llar fonetik, morfologik va semantik mezonlar asosida izohlangan. Qadimiy matnlardagi shakllari, turli turkiy lahjalardagi variantlari, qo‘llanish konteksti, hosila so‘zlar yasalishi haqida batafsil ma’lumotlar berilgan. Ushbu maqolada Sir Gerard Clausonning etimologik lugʻati asosida Chigʻatoy tilidagi ayrim fe’llarning kelib chiqishi, semantik o‘zgarishlari va boshqa turkiy tillardagi shakllari tahlil qilinadi. Etimologik izlanishlar orqali bu fe’llarning tarixiy-maʼnaviy qatlamlari yoritilib, ularning zamonaviy o‘zbek tilidagi izlari ko‘rsatiladi.

Ushbu maqolada ta’lim jarayonida innovatsion texnologiyalar va zamonaviy metodlardan foydalanishning ahamiyati, ularning o‘quvchilarning bilim olish motivatsiyasiga, mustaqil fikrlashiga va amaliy ko‘nikmalarni shakllantirishga ta’siri tahlil qilinadi. Shuningdek, STEAM, interfaol metodlar, raqamli platformalar, elektron darsliklar, multimedia vositalari kabi vositalarning ta’lim samaradorligini oshirishdagi roli yoritiladi. Maqolada tajriba asosida olingan natijalar, amaliy misollar va innovatsion yondashuvlar asosida berilgan takliflar ham bayon etilgan.

Ushbu maqolada Gerard Clauson tuzgan “An Etymological Dictionary of Pre-Thirteenth-Century Turkish” asari asosida Chigʻatoy tilidagi otlar grammatik tahlil qilinadi. Tadqiqot 821 ta otga asoslanib, ularning grammatik ko‘rinishlari, semantik yo‘nalishi va til tafakkuridagi o‘rni statistik jihatdan ko‘rsatib beriladi.

Ushbu maqolada didaktik o‘yinlarning bolalar rivojlanishidagi ahamiyati yoritilgan. Xususan, o‘yinlar orqali bolalarning bilish faoliyati, nutqi, tafakkuri, xotirasi va emotsional salohiyati qanday shakllanishi tahlil etilgan. Maqolada turli yosh guruhlariga mos didaktik o‘yin turlari, ularning pedagogik maqsadlari va samaralari misollar bilan asoslab berilgan. Shuningdek, zamonaviy texnologiyalarga asoslangan interaktiv o‘yinlarning ta’limdagi o‘rni va natijadorligi amaliy tajribalar asosida ko‘rsatib o‘tilgan.

Oziq-ovqat chiqindilari bugungi kunda dunyo miqyosida ekologik va iqtisodiy muammolarni keltirib chiqarmoqda. Ushbu maqolada oziq-ovqat chiqindilarining turlari, ularning atrof-muhitga ta'siri, hamda chiqindilarni kamaytirish va qayta ishlash usullari haqida batafsil ma'lumot berilgan. Asosiy e'tibor chiqindilarni qayta ishlashning innovatsion texnologiyalari va ularni samarali boshqarish tizimlariga qaratilgan. Shuningdek, oziq-ovqat chiqindilarini kamaytirish bo'yicha ta'lim, rag'batlantirish va iqtisodiy rag'batlar haqidagi takliflar ham muhokama qilingan.