Globallashuv shiddat bilan rivojlanayotgan dunyoda inson huquqlarini ta’minlash va himoya qilish xalqaro hamjamiyatning asosiy vazifasi bo‘lib kelmoqda. Davlat uning tarkibida xalq bo‘lganligi uchun ham davlat hisoblanadi. Agarda u o‘z hududidagi insonlarning huquqlarini himoya qilolmasa va insonlarga huquqlaridan foydalanish imkoniyatini ta’minlay olmasa uning davlatchiligiga ziyon yetishi aniq. Shuning uchun ham inson manfaatlari oliy o‘ringa qo‘yilmoqda. Hech narsa undan ustun bo‘lishi mumkin emas. Dunyo mamlakatlarining ichki va tashqi siyosatdagi asosiy maqsadi inson huquqlarini oliy qadriyat sifatida mustahkamlash bo‘lib kelmoqda va bu tamoyilni amalga oshirish uchun bir qancha sa’y- harakatlar amalga oshirilmoqda. Ayollarning, bolalarning, yoshlarning, keksalar va nogironlarning manfaatlari milliy konstitutsiyalarda va xalqaro hujjatlarda mustahkamlandi. Bunga zid harakatlarni amalga oshirganlar va inson huquqlarini poymol qilganlar belgilangan tartibda javobgarlikka tortilmoqdalar.

Mazkur maqolada boshlang‘ich sinf o‘quvchilarining ijodiy qobiliyatlarini shakllantirish va rivojlantirish masalasi nazariy va metodik jihatdan yoritilgan. Xususan, ona tili darslari misolida o‘quvchilarning mustaqil fikrlashi, tasavvuri va nutqiy faolligini oshirishga xizmat qiluvchi samarali usullar tahlil qilinadi. Ijodkorlikni rivojlantirishda darsning mazmuni, metodikasi hamda o‘qituvchining yondashuvi muhim omillar sifatida ko‘rib chiqiladi.

Mazkur maqolada boshlang‘ich sinf o‘quvchilarini badiiy matnni tahlil qilishga o‘rgatishda integrativ yondashuvning samaradorligi tahlil qilinadi. Integrativ yondashuv asosida adabiyot, ona tili, tasviriy san’at, musiqa kabi fanlararo bog‘liqlikda o‘quvchilarning tahliliy fikrlashi, estetik didi va og‘zaki nutqi rivojlanishi ko‘rsatilgan. Tadqiqotda amaliy tajriba asosida bu yondashuvning dars jarayonida o‘quvchilarning faol ishtirokini ta’minlashi, o‘quv motivatsiyasini oshirishi va matnga chuqur yondashuvni shakllantirishdagi o‘rni yoritilgan. Shuningdek, maqolada dars dizaynini integratsiyalashgan holda tashkil etish bo‘yicha metodik tavsiyalar ham bayon etilgan.

Ushbu tadqiqot xalqaro sport tashkilotlari (XST) faoliyatida yuzaga keladigan asosiy muammolarni aniqlash va ularni hal etish bo‘yicha takliflar ishlab chiqishga qaratilgan. Tadqiqotda korrupsiya, dopping, siyosiy aralashuv, moliyaviy qiyinchiliklar va tengsizlik kabi muammolar tahlil qilindi. Adabiyotlarni tahlil qilish, qiyosiy tahlil va ekspertlar fikrini so‘rash usullari qo‘llanilgan holda, ushbu muammolarni hal etish uchun shaffoflikni oshirish, moliyaviy nazoratni kuchaytirish, doppingga qarshi kurashni kuchaytirish, siyosiy aralashuvni taqiqlovchi qoidalarni qat’iy qo‘llash, moliyaviy barqarorlikni ta’minlash va teng imkoniyatlarni yaratish kabi chora-tadbirlar taklif etildi. Ushbu chora-tadbirlar XSTlarning faoliyatini yaxshilash va sportning halolligi va barqaror rivojlanishini ta’minlashga yordam berishi kutilmoqda.

Ushbu maqolada ajrashgan oilalardagi ota-onalar o‘rtasidagi munosabatlarning farzand psixologiyasiga ta’siri turli ilmiy manbalar asosida tahlil qilingan. Adabiyotlar tahlili orqali ajralishdan keyingi oilaviy muhitda farzandning hissiy-emotsional holatida yuzaga keladigan o‘zgarishlar, psixologik bosimlar va moslashuv jarayonlari yoritilgan. Tahlil falsafiy, psixologik va etnopsixologik nuqtai nazardan olib borilgan. Maqolada milliy qadriyatlar kontekstida o‘zbek oilalarida ajrashuv holatining bolalarga ta’siri alohida ko‘rib chiqilgan.