Ushbu maqolada surunkali stressning inson miyasi, xususan, gepokamp strukturasi va funksiyasiga ta’siri ko‘rib chiqilgan. Gepokamp — xotira, o‘rganish va emotsional regulyatsiyada muhim rol o‘ynovchi miya strukturasi bo‘lib, stressga sezgir zonalardan biridir. Maqolada avvalo gepokampning morfologiyasi va vazifalari, so‘ngra stress tushunchasi hamda organizmga ta’siri yoritilgan. Asosiy e’tibor surunkali stress holatlarida glukokortikoidlar va boshqa neyromediatorlarning gepokampga ko‘rsatadigan zararli ta’sirlariga qaratiladi. Surunkali stress natijasida neyrogenezning susayishi, nevronlar sonining kamayishi, sinaptik aloqalarning buzilishi va gepokamp atrofiyasi kabi o‘zgarishlar yuzaga keladi. Ushbu o‘zgarishlar kognitiv faoliyatning pasayishi, xotira buzilishlari, depressiya va tashvish holatlari bilan bog‘liq bo‘ladi. Shuningdek, maqolada stress oqibatlarini kamaytirish va gepokamp funksiyalarini tiklash bo‘yicha farmakologik. Tadqiqotlar natijasida kelgusida ushbu sohada chuqurroq izlanishlar olib borish zaruriyati asoslab berilgan.

This study investigates the impact of specialized training methods on the development of speed-strength qualities in freestyle wrestling aged 14 to 16. A total of 24 athletes were divided into 2 groups: an experimental group that followed an 8-week target program focusing on explosive strength, and a control group that continued traditional wrestling training. Physical performance was assessed using standard motor test, including the standing long jump, vertical jump, and 10-meter sprint, before and after the intervention. The result showed statistically significant improvements in the experimental group compared to the control group (p <0.05), indicating the effectiveness of the applied methods in enhancing speed-strength indicators. These findings support the integration of innovative training approaches to improve the physical preparedness of adolescent freestyle wrestlers.

Ushbu maqola o‘quvchilarda tinglab tushunish ko‘nikmasini shakllantirish masalasiga bag‘ishlangan. Tinglab tushunish — bu kommunikativ faoliyatning muhim qismi bo‘lib, o‘quvchilarning tilni samarali o‘zlashtirishida hamda o‘rganilayotgan fanlar bo‘yicha ma’lumotni to‘g‘ri qabul qilishda asosiy omillardan biridir. Maqolada tinglab tushunish ko‘nikmasini rivojlantirish metodlari, pedagogik yondashuvlar va samarali usullar o‘rganilgan. Shuningdek, turli pedagogik tadqiqotlar natijalari asosida o‘quvchilarda tinglab tushunishni oshirishga qaratilgan amaliy tavsiyalar keltirilgan. Tadqiqot jarayonida aniq ma’lumotlar va ikki xil jadval yordamida tinglab tushunish ko‘nikmasining o‘quvchilarda shakllanish darajasi tahlil qilingan.

Mazkur ishda Temuriylar davrida tibbiyot sohasining taraqqiyoti, ilmiy an’analari va mashhur tabiblar faoliyati yoritilgan. Ayniqsa, Abu Ali ibn Sino ilmiy merosining davomchilari, Husayn Boyqaro davridagi ilmiy muhit, shuningdek, Alisher Navoiy va boshqa mutafakkirlarning tibbiyotga bo‘lgan e’tibori tahlil qilingan. Temuriylar davrida dorixonalar, shifoxonalar va ilmiy markazlar faoliyati, o‘sha davrdagi kasalliklarni davolash usullari hamda tibbiy adabiyotlarning yaratilishi haqida ma’lumotlar keltirilgan. Ushbu ish tarixiy manbalar va ilmiy tadqiqotlar asosida tayyorlangan bo‘lib, o‘rta asrlarda Markaziy Osiyoda tibbiyot fanining rivojlanish bosqichlarini o‘rganishga qaratilgan.

Mazkur maqolada o‘zbek tilidagi gul nomlari va ularni ifoda etuvchi so‘zlarning semantik xususiyatlari o‘rganiladi. Leksik-semantik tahlil asosida gul nomlarining milliy-madaniy xususiyatlari, obrazlilik darajasi hamda ularning metaforik va poetik ma’noda qo‘llanish holatlari yoritiladi. Mumtoz adabiyotda, ayniqsa Alisher Navoiy she’riyatida, gul obrazining poetik, ramziy va semantik jihatdan teran qo‘llanishi kuzatiladi. Shu sababli gul nomlarini faqat botanik terminlar sifatida emas, balki semantik struktura, poetik timsol, va lingvokulturologik birlik sifatida tadqiq qilish muhimdir. Shuningdek, turli adabiy manbalarda gul nomlarining sinonim, antonim, metafora va metonimiya kabi usullar bilan qanday ifodalangani tahlil qilinadi.