Bugungi kunda sog‘liqni saqlash tizimi doimiy monitoring va aniq tashxisga muhtoj. Ayniqsa yurak urishi, nafas olish va qand miqdori kabi hayotiy ko‘rsatkichlarni real vaqtli tahlil qilish orqali kasalliklar erta bosqichda aniqlanishi mumkin. Ushbu maqola kognitiv texnologiyalar, sun’iy intellekt va real vaqtli monitoring usullarini birlashtirib, tibbiy ma’lumotlarga asoslangan ogohlantirish tizimini yaratishga bag‘ishlangan. Taklif etilayotgan model LSTM (Long Short-Term Memory) neyron tarmog‘i asosida yurak, nafas va glyukoza darajasini tahlil qiladi va anomaliyani avtomatik tarzda aniqlaydi. Bunda signal filtrlash, ketma-ketlikni bashorat qilish va individual sog‘liq profili orqali shaxsiy qaror qabul qiluvchi tizimlar ishlab chiqiladi. Tajribada real hayotga yaqinlashtirilgan sun’iy datasetlar asosida tahlillar o‘tkazilib, aniqlik, faollik va ogohlantirish tizimining ishonchliligi baholandi. Natijalar ushbu texnologiya yordamida sog‘liqni kuzatishda yuksak samaradorlikka erishish mumkinligini ko‘rsatdi. Modelga mobil ilova yoki web interfeys integratsiyasi orqali foydalanuvchi sog‘lig‘ini 24/7 nazorat ostida ushlab turish imkoniyati yaratish rejalashtirilgan. Maqolada kardiologik signallarga raqamli ishlov berishning kognitiv modeli va dasturiy majmuasini ishlab chiqish bo‘yicha kognitiv yondashuvlarni ishlab chiqish va u asosida model, algoritm, diagramma, dasturiy komponentlar va amaliy tahlillar taqdim etilgan. Yurakning EEG signallari asosida aritmiya kasalligini aniqlash uchun kognitiv parametrlar (yosh, jins, kasb, jismoniy faollik va anamnez) bilan birga yurakning muhim 8 ta xususiyati o‘rganildi. EKG signallarining asosiy intervallari (RR, PR, QRS, QT) va yurak ritmidagi o‘zgarishlar HRV, ST segment, T va P to‘lqinlar orqali o‘rganildi. Ma’lumotlar Random Forest klassifikatori yordamida tahlil qilindi.

Mazkur maqolada ijtimoiy tarmoqlarning yoshlar ruhiyatiga ko‘rsatadigan ta’siri psixologik nuqtai nazardan tahlil etilgan. Yoshlar ongida virtual "men" obrazining shakllanishi, ijtimoiy taqqoslash, tashqi baholarga qaramlik holatlari, emotsional beqarorlik, kiberzo‘ravonlik, internetga qaramlik kabi salbiy omillar yoritilgan. Shu bilan birga, ijtimoiy tarmoqlarning ijobiy jihatlari — axborot olish, o‘z fikrini erkin bildirish, psixologik qo‘llab-quvvatlash va ta’limiy kontentlarga kirish imkoniyati ham ko‘rsatib o‘tilgan. Maqolada yoshlarning raqamli madaniyatini oshirish, media savodxonligini shakllantirish va psixologik profilaktika tadbirlarining zarurligi asoslab berilgan. Mavzuga oid xalqaro tadqiqotlar, statistik ma’lumotlar hamda milliy qonunchilik hujjatlariga tayanilgan holda tavsiyalar berilgan.

Bul maqalada imkaniyatı sheklengen shaxslardıń huqıqları, sociallıq turmıstaǵı ornı hám duwshar bolıp atırǵan máseleler sáwlelendirilgen. Sonday-aq, olardıń bilim alıwı, kásip-óner úyreniwi hám jámiyette integraciyalasıwı baǵdarındaǵı mámleket siyasatı hám xalıqaralıq huqıqıy hújjetler haqqında maǵlıwmat beriledi. Maqala mayıplardıń sociallıq teńligi hám insanıy qádiriyatların támiyinlew máselesine jámáát dıqqatın qaratadı.

Bugungi kunda zamonaviy innovatsion yondashuvlar va texnologiyalarni joriy etish barcha sohalarning rivojlanishi uchun muhim omillardan biri hisoblanadi. Innovatsiyalar ta’lim, iqtisodiyot, sog‘liqni saqlash, sanoat va xizmat ko‘rsatish tarmoqlarida samaradorlikni oshirishga, resurslarni optimallashtirishga va raqobatbardoshlikni ta’minlashga yordam beradi. Ushbu maqolada innovatsion texnologiyalarning ahamiyati, ularni joriy etish usullari hamda zamonaviy yondashuvlarning rivojlanishga ta’siri tahlil qilinadi. Shuningdek, xalqaro tajribalar, ilg‘or texnologik echimlar va ularni O‘zbekistonda tatbiq etish bo‘yicha takliflar keltiriladi. Innovatsion jarayonlarni samarali boshqarish, sun’iy intellekt, raqamli transformatsiya va avtomatlashtirishning iqtisodiy hamda ijtimoiy sohalarga ta’siri keng yoritilgan.

Mazkur mavzuda XIX asr oxiri va XX asr boshlarida Toshkent shahrining demografik holati, aholining milliy, ijtimoiy va kasbiy tarkibidagi oʻzgarishlar tahlil qilinadi. Rossiya imperiyasi tomonidan Toshkentning bosib olinishi va bu davrda olib borilgan siyosiy, iqtisodiy islohotlar shaharning aholisi soni va tarkibida sezilarli oʻzgarishlarga olib kelgan. Ayniqsa, rus aholisi ulushining ortishi, yangi mahallalar va sanoat tumanlarining vujudga kelishi, migratsiya jarayonlari natijasida aholi tarkibining xilma-xillashuvi kabi omillar ko‘rib chiqiladi. Shuningdek, bu oʻzgarishlarning shaharning ijtimoiy-iqtisodiy hayotiga ta’siri ham yoritiladi.