Ushbu maqolada din va urf-odatlar o‘rtasidagi tarixiy va ijtimoiy uyg‘unlik masalasi o‘rganilgan. Islom dini kontekstida urf-odatlarning ahamiyati, ularning ijtimoiy hayotdagi roli, diniy mezonlar asosida baholanishi tahlil etilgan. Maqolada shuningdek, urf-odatlarning ijobiy va salbiy jihatlari yoritilib, diniy qadriyatlar bilan uyg‘un holda qo‘llanishiga oid takliflar bildirilgan. Maqola dinshunoslik sohasi bilan qiziqadigan talabalar, tadqiqotchilar va keng omma uchun mo‘ljallangan.

Ushbu maqolada Xristianlik va Islomning asosiy diniy ta’limotlari taqqosiy dinshunoslik asosida o‘rganilgan. Xudo tushunchasi, payg‘ambarlik, muqaddas matnlar, najot va oxirat, axloqiy amaliyotlar, diniy rasm-rusumlar kabi asosiy jihatlar tahlil qilingan. Maqola zamonaviy dinlararo muloqot, bag‘rikenglik va madaniyatlararo tushunishni shakllantirishda ahamiyatlidir. Tadqiqot ilmiy, nazariy va amaliy jihatdan talaba, tadqiqotchi va keng kitobxonlar uchun mo‘ljallangan. “Xristianlik va Islomning diniy ta’limotlari: dinshunoslik nuqtai nazaridan”

Mazkur maqolada din va ma’naviy kamolot o‘rtasidagi uzviy bog‘liqlik yoritib berilgan. Islom dini inson qalbini poklash, axloqiy barkamollikka erishish hamda jamiyatda ezgulikni qaror toptirishda muhim omil sifatida talqin etiladi. Maqolada Qur’oni karim oyatlari va hadisi shariflar asosida ma’naviy yetuklik mezonlari tahlil qilinib, buyuk allomalar va ajdodlarimizning ibratli hayoti orqali ushbu tushunchaning tarixiy ildizlari ochib berilgan. Shuningdek, mustaqillik yillarida O‘zbekistonda din va ma’naviyat sohasida amalga oshirilayotgan islohotlar, yosh avlodni ma’naviy tarbiyalash borasidagi sa’y-harakatlar ham yoritilgan. Maqola jamiyatda sog‘lom ma’naviy muhitni shakllantirishda dinning o‘rni va ahamiyatini chuqur anglashga xizmat qiladi.

Maqolada kichik tadbirkorlik faoliyatining nazariy asoslari va oʻziga xos xususiyatlari yoritilgan. Kichik tadbirkorlikning iqtisodiyotni rivojlantirishga ijobiy ta'siri asoslangan. Faoliyat koʻrsatayotgan kichik tadbirkorlik sub'ektlari soni, ularning mamlakat yalpi ichki mahsuloti hajmidagi va jami bandlikdagi salmogʻi tahlil qilingan. Iqtisodiy faoliyat turlari boʻyicha yangi tashkil etilgan kichik korxona va mikrofirmalar soni hamda ularning mahsulotlar (ishlar va xizmatlar) eksporti-import hajmi va ulushining oʻzgarish dinamikasi tadqiq etilgan. Kichik tadbirkorlik sub'ektlari faoliyatidagi oʻziga xos muammolar bayon qilingan.

Mazkur maqolada hadislarda bayon etilgan ta’lim va tarbiya masalalari tahlil qilinadi. Rasululloh Muhammad (s.a.v.)ning hadislari asosida ilm olish, axloqiy tarbiya, oilaviy mas’uliyat, ustoz-shogird munosabatlari hamda ijtimoiy muomala madaniyati kabi mavzular yoritilgan. Hadislar orqali insonning ma’naviy barkamollikka erishishidagi yo‘llar ko‘rsatiladi. Shuningdek, zamonaviy ta’lim-tarbiyaga hadislarning qanday tadbiq etilishi mumkinligi haqida ham fikr yuritiladi. Maqola islomiy tarbiyaning universal qadriyat sifatidagi o‘rni va ahamiyatini ochib beradi.