Ushbu maqola O‘zbekiston va Ozarbayjon o‘rtasidagi tarixiy va zamonaviy munosabatlarni o‘rgangan holda, ularning umumiy ildizlari, hamkorlikning qizg’in davrlari hamda ikki tomonlama aloqalarining hozirgi holatini ko‘rib chiqadi. Ularning munosabatlariga ta’sir etuvchi omillar, jumladan, geosiyosiy mulohazalar, iqtisodiy manfaatlar va madaniy aloqalarni o‘rganadi.

Ushbu maqolaning asosiy mazmun mohiyati bugungi kunda jahon miqyosida tabora ommalashib va dolzorblashib borayotgan multimedia kontentlarning asosiy xususiyatlari, ularning afzalliklari hamda kamchiliklari va ularga qarshi amalga oshirilayotgan xavflar haqida fikr-mulohazalar bayon etilgan.

O‘zbek jadid xotin-qizlarining maqolalari va maktublari bilan tanishar ekanmiz, o‘sha suronli yillarda yangi bir hayot qurish istagida katta yo‘lga otlangan jadid bobolarimiz safidagi o‘zbek ayollari qismati hukmron zamonning shafqatsiz mashinasi ostida yanchib tashlanganiga guvoh bo‘lamiz. Biroq... ularning qisqa bo‘lsa-da, ibratli qismati biz uchun o‘lmas saboqdir!

Ushbu maqola informatika fanini o’qitishda samarali pedagogik texnologiyalarni qo’llashning natijalari va ularning o’quv jarayoniga ta’sirini o’rganishga bag’ishlangan. Axborot-kommunikatsion texnologiyalar (AKT), interaktiv o’qitish usullari asosida o’qitish, ta’lim va o’yin texnologiyalari kabi zamonaviy usullar tahlil qilinadi. Ushbu texnologiyalar yordamida o’quvchilarning bilim darajasi oshgani, ko’nikma va malakalari rivojlangani, muammolarni yechish qobiliyatlari yaxshilangani va fan bilan qiziqishlari oshgani aniqlanadi. Maqolada keltirilgan tahlillar informatika fanini samarali o’qitishning muhimligini ko’rsatadi va ta’lim sifatini yaxshilashda innovatsion texnologiyalarning ahamiyatini yoritadi.

Sharq adabiyoti, xususan, o‘zbek adabiyotining tarixiy taraqqiyotini kuzatsak, unda ramziylik badiiy asarning badiiyatni ta’minlovchi muhim omil bo‘lishi bilan birga, asar stukturasida mazmun va g‘oyani bog‘lab turuvchi element sifatida ko‘zga tashlanadi. Bundan tashqari, ramzlar butun millat va xalq turmush tarzining ajralmas qismi sifatida xalqning tarixiy, madaniy, ijtimoiy hayoti bilan chambarchars bog‘liq. Har bir xalqning an’analari, qadriyatlari va urf-odatlari ramzlar orqali ifodalanadi va ular avlod-avlodga o‘tib boradi. Shu bois, ramz va u bilan bog‘liq qarashlar turli fanlar doirasida muhokama qilinadi.