Ushbu maqolada Abu Tohirxo'janing "Samariya" asarida keltirilgan gidronimlar lingvistik va etimologik jihatdan tahlil qilingan. Asarda keltirilgan sakkizta asosiy suv obyekti nomlari tarixiy va zamonaviy manbalarga tayanib o'rganilgan. Tadqiqot natijasida gidronimlarning kelib chiqishi, ma'no xususiyatlari va hozirgi kundagi ahamiyati aniqlangan.

Ushbu maqola g‘arb pedagogikasining umumisoniy qadriyatlarini o‘rganishga bag‘ishlangan hamda ularning boshqa xalqlar umuminsoniy pedagogikasining rivojlanishida tutgan o‘rni, G‘arb ta’lim tizimida shakllangan asosiy tamoyillar, erkinlik, tenglik, inson huquqlari ijtimoiy adolat va demokratiya kabi qadriyatlar tahlil qilinadi.

Ushbu maqolada o‘zbek xalqining qadimiy san’at turi bo‘lgan baxshichilikning ta’limiy, tarbiyaviy va pedagogik imkoniyatlari chuqur tahlil qilinadi. An’anaviy musiqaning yosh avlodning ma’naviy kamolotiga ta’siri, estetik tarbiyada tutgan o‘rni, pedagogik jarayondagi samaradorlik jihatidan o‘rganiladi. Musiqa va xalq ijodiyotining integratsiyasi asosida zamonaviy ta’lim metodikasini boyitish imkoniyatlari yoritiladi.

O‘ziga xos badiiy-estetik strukturaga ega yirik epik janr – roman strukturasida insonning shaxsiy hayotiga bog‘liq muammolargina emas, jamiyat hayoti, davlat boshqaruvi, siyosiy-mafkuraviy muammolar ham tasvirlanadi. Bular badiiy ijod namunasi matnidagi diskurs vositasida kitobxonga yetkaziladi. Ushbu maqolada Abdulla Qahhorning “Sarob” romani matnidagi qahramonlararo muloqot va ularning ichki monologi orqali ifodalangan diskurs tahlil qilindi.

XIX asrning 2-yarmidagi Buxoroning siyosiy-ijtimoiy hayoti amir Nasrulloxon(1826-1860) hamda amir Muzaffarxonlar(1860-1885)ning nomlari bilan ko’zga tashlanadi. Fikr yuritilayotgan davr tarixini, xalqning turmush tarzi, ijtimoy hayotini o’rganishda esa ular bilan hamnafas bo’lgan zamondosh olimlarning bizgacha yetib kelgan asarlari muhim rol o’ynaydi. XIX asr oxiridagi Buxoro amirligidagi axloqiy qadriyatlar haqida ma'lumot beruvchi asarlar orasida bir necha muhim manbalar mavjud. Ushbu davrda yozilgan asarlar, ayniqsa, Buxoro amirligining axloqiy qadriyatlari, diniy qarashlar va madaniy an'analari haqida muhim ma'lumotlarni taqdim etgan. Ushbu maqolada ijtimoiy sohaning asosiy metodlaridan chuqur tahlil qilish hamda tarixiylik usuli asosida aniqlangan ma’lumotlardan foydalanilgan holda Vozehning asarlari misolida amirlikdagi ijtimoy hayot qisman bo’lsada yoritib beriladi. Aynan fikr yuritilayotgan davr tojik adabiyotida ko’zga koʻringan namoyandalardan biri Rahmatulloh Vozehdir. Vozeh qalamiga mansub bir necha mashhur asarlardan xususan, “Aqoid un nisa” risolasidan foydalanib Buxoro xalqining ijtimoiy tarixi bayon etiladi. Olimning boshqa zamondosh shoirlardan farqini ham aynan Buxoro amirligidagi ijtimoiy hayotni ochiqchasiga, hech qanday oshirib yozishlarsiz, xolis va haqqoniy bayon etganligida, kamchiliklarni yashirmaganligida ko’rish mumkin.