Ushbu maqolada umumiy o‘rta ta’lim maktablarida ona tili darslarida mustaqil ishlarni tizimli va samarali tashkil etishning nazariy-metodik asoslari tadqiq etilgan. Tadqiqotda o‘quvchilarda nutqiy va kommunikativ kompetensiyalarni shakllantirish, ularni ijodiy va mustaqil fikrlashga yo‘naltirish hamda dars jarayonida ma’naviy-ma’rifiy inqilobiy yondashuvlarni qo‘llash mexanizmlari yoritiladi. Shuningdek, yangi avlod darsliklari asosida o‘quvchilarning lingvistik salohiyatini oshirishda o‘qituvchining metodik mahorati va psixologik yondashuvining o‘rni tahlil qilingan.

O‘zbek adabiyotining ko‘zga ko‘ringan namoyandasi Said Ahmad o‘zining yorqin hikoyalari, inson tabiatini chuqur psixologik mushohadalagani bilan mashhur. Mazkur maqolada Said Ahmadning ,,Sarob’’ hikoyasi va uning mavzusi, syujet o‘ziga xosligi, boshqa badiiy jihatlari haqida xulosalar beriladi. Jumladan, hayot va badiiy haqiqat masalalari to‘g‘risida mulohazalar bildiriladi.

Мақолада корхоналарда маркетинг фаолиятини ривожлантиришнинг назарий, институционал ва амалий масалалари чуқур таҳлил қилинади. Маркетинг фаолияти фақат реклама ёки сотувни рағбатлантириш воситаси сифатида эмас, балки бозорни ўрганиш, истеъмолчи эҳтиёжини аниқлаш, рақобат устунлигини шакллантириш, бренд қийматини ошириш ва корхона даромадини барқарор таъминлашга хизмат қилувчи стратегик бошқарув тизими сифатида талқин қилинади. Мақолада АҚШ, Европа Иттифоқи, Япония, Жанубий Корея ва Сингапур тажрибалари қиёсий таҳлил қилиниб, Ўзбекистон корхоналари учун маркетингни рақамлаштириш, CRM тизимларини жорий этиш, мижозлар тажрибасини бошқариш, электрон тижорат каналларидан фойдаланиш ва маркетинг самарадорлигини KPI асосида баҳолаш бўйича илмий-амалий таклифлар ишлаб чиқилган.

Ushbu maqolada o‘zbek nasrining yetuk namoyandasi Murod Muhammad Doʻst asarlarida qo‘llanilgan frazeologik birliklarning struktur-semantik xususiyatlari tahlil qilinadi. Tadqiqot davomida frazeologizmlarning tuzilishi, semantik qatlamlari, kontekstual funksiyalari hamda muallif uslubini shakllantirishdagi o‘rni yoritiladi. Shuningdek, yozuvchi ijodida frazeologik birliklarning transformatsiyasi va ularning badiiy-estetik imkoniyatlari ilmiy asosda ochib beriladi.

Mazkur mavzu Turkiston o‘lkasining Rossiya imperiyasi tomonidan bosib olinishi natijasida uning iqtisodiy jihatdan xom ashyo manbai va tayyor mahsulotlar bozori sifatida shakllantirilishi jarayonini yoritishga bag‘ishlangan. Unda mustamlakachilik siyosatining asosiy yo‘nalishlari, jumladan, paxtachilikni majburiy kengaytirish, mahalliy hunarmandchilik va sanoatning inqirozga uchrashi, hamda o‘lkaning Rossiya sanoati uchun xom ashyo yetkazib beruvchi hududga aylantirilishi tahlil qilinadi. Shuningdek, temir yo‘llar qurilishi, savdo aloqalarining biryoqlama rivojlanishi va mahalliy bozorlarning Rossiya mahsulotlariga qaram bo‘lib qolishi kabi omillar ochib beriladi. Natijada Turkiston iqtisodiyotining mustaqilligi cheklanib, u imperiya manfaatlariga xizmat qiluvchi mustamlaka hududga aylangani ilmiy asosda ko‘rsatib beriladi.