Ushbu maqolada xitoy tili frazeologiyasi (成语学, 惯用语学) va paremiologiyasida (谚语学) toponimlarning lingvokulturologik, kognitiv va pragmatik funksiyalari keng ko‘lamda tahlil qilinadi. Xitoy tili misolida toponimlarning geografik nom sifatidagi dastlabki vazifasidan chetga chiqib, tarixiy alluziya, madaniy kod, mintaqaviy stereotip, mental xarita elementi, konseptual dominanta va metaforik sema sifatida namoyon bo‘lishi ilmiy asosda ochib beriladi. Tadqiqotda xitoy toponimlari asosida shakllanadigan “madaniy-geografik metafora”, “markaz–chekka paradigmasi”, “madaniy relyef”, “tarixiy-kognitiv qatlam” kabi yangi konseptual modellarning frazeologik va paremiologik birliklar tarkibidagi roli hamda ularning milliy tafakkur, ijtimoiy me’yor va madaniy identitetni shakllantirish jarayonidagi o‘rni ilk bor kompleks yondashuv asosida o‘rganilgan. Maqola natijalari xitoy tilini lingvokulturologik aspektda o‘rganishda, til–madaniyat munosabatlarini tahlil qilishda, shuningdek, frazeologik birliklar semantikasini kognitiv yondashuv asosida sharhlashda nazariy va amaliy ahamiyatga ega.

Mazkur maqolada Namangan viloyatining xizmat koʼrsatish sohasining iqtisodiy faoliyat turlari bilan aloqadorligi hamda ushbu sohaning faoliyat turlari boʼyicha natijalari hududlar kesimida tahlil qilingan.

Ushbu maqolada korrupsiyaning salbiy illatlari, uning vujudga kelish asoslari, jamiyat tanazzulida tutgan o’rni, korrupsiyaga qarshi kurashishda chet el davlati tajribalaridan foydalanish, korrupsiyaning oldini olishda ko’rilayotgan chora-tadbirlar xususida shuningdek, sud tizimi mustaqilligi va qonuniyligini mustahkamlashda ko’rilayotgan chora-tadbirlar hamda korrupsiyani oldini olishda mol-mulk deklaratsiyasining o’rni va roli to’g’risida so’z yuritilgan.

Ushbu maqola Alisher Navoiyning "Sab'ai Sayyor" dostonidagi hikoyatlarni taʼlim jarayonida oʻrgatishning nazariy-metodik asoslariga bagʻishlangan. Ikkinchi bobda dostonni oʻrganishda duch kelinadigan asosiy metodik muammolar tahlil qilinib, hikoyatlarning badiiy-gʻoyaviy xususiyatlarini ochib berishga qaratilgan usullar, shakllar va vositalar taklif etiladi. Maqolada oʻqituvchi suhbati, muammoli-dialog, izlanish, ijodiy topshiriqlar, klaster, Venn diagrammasi kabi zamonaviy pedagogik texnologiyalardan foydalanish boʻyicha aniq tavsiyalar berilgan. Shuningdek, dostonni oʻrganishda didaktik materiallardan, ayniqsa, matnni tahlil qilish, obrazlarni ochish va gʻoyaviy yoʻnalishni aniqlashga oid mashqlar hamda illyustratsiyalar, audio-video materiallardan foydalanish imkoniyatlari koʻrib chiqiladi.

Mazkur maqolada 15–17 yoshli qisqa masofaga yuguruvchi sportchilarda yillik tayyorgarlik mashg‘ulotlarini bosqichma-bosqich rejalashtirishning jismoniy tayyorgarlik darajasi va sport natijalariga ta’siri o‘rganildi. Tadqiqot pedagogik eksperiment asosida olib borilib, sportchilar eksperimental va nazorat guruhlariga ajratildi. Eksperimental guruh mashg‘ulotlari umumiy, maxsus, musobaqa va o‘tish bosqichlari asosida tashkil etildi, nazorat guruhida esa an’anaviy mashg‘ulot tizimi qo‘llanildi. Natijalar shuni ko‘rsatdiki, bosqichli rejalashtirish tezlik, tezkorlik-kuch va umumiy jismoniy tayyorgarlik ko‘rsatkichlarining barqaror oshishiga olib keladi, jarohatlanish xavfini kamaytiradi hamda mashg‘ulot jarayonining tizimliligini ta’minlaydi.