Bu maqolda talabalarning estetik madaniyatini rivojlantirish sifatlari va badiiy madaniyati va talabalarning badiiy-estetik savodxonligini oshirish jarayonida pedagogik muommolar haqida sóz etilgan.

Diabetik nefropatiya (DN) —Qandli diabet kasalligiga xos bo‘lgan og‘ir asoratlardan biri bo‘lib, so’ngi bosqichdagi buyrak yetishmovchiligi (SBBY)ning asosiy sababidir. Garchi mikro- va makroalbuminuriya DNni aniqlashda "oltin standart" bo‘lib kelgan bo‘lsa-da, yangi ma’lumotlarga ko‘ra, buyrak shikastlanishi siydikdagi albumin miqdori ortishidan ancha oldin boshlanadi. An’anaviy ravishda DNning oldini olish bo‘yicha klinik tavsiyalar qonda glyukoza miqdori, qon bosimi va lipid darajasini nazorat qilishga qaratilgan. Surunkali buyrak yetishmovchiligi (SBY)dagi dislipidemiya, asosan, triglitseridlarning ko‘payishi, yuqori zichlikdagi lipoprotein (YZLP) kamayishi va past zichlikdagi lipoprotein (PZLP) o‘zgaruvchan darajalari bilan tavsiflanadi. Bundan tashqari, juda past zichlikdagi lipoproteinlar (JPZLP) almashinuvi buzilgan bo‘ladi. SBY rivojlanishi va uning davosi lipid almashinuviga ham ta’sir ko‘rsatadi va dislipidemiya holatini yanada og‘irlashtiradi. Ushbu patofiziologik mexanizmlarni chuqur tushunish — DN va SBYga chalingan bemorlar uchun lipidlar miqdorini optimal boshqarish va natijalarni yaxshilashda muhim ahamiyatga ega.

Mazkur maqolada mahsulot sifati va xavfsizligi tushunchalari, ularning nazariy asoslari hamda amaliy ko‘rsatkichlari har tomonlama tahlil qilinadi. Sifat va xavfsizlik bugungi kundagi iste’molchi talablariga javob beruvchi mahsulot yaratishda muhim omil hisoblanadi. Maqolada xalqaro va milliy standartlar, ISO tizimi, texnik reglamentlar hamda mahsulotni baholash mezonlari asosida sifat va xavfsizlikning o‘zaro bog‘liqligi yoritiladi. Shuningdek, mahsulot sifati va xavfsizligini ta’minlashda ishlab chiqaruvchining mas’uliyati, davlat nazorati, sertifikatlashtirish va iste’molchi huquqlari muhim o‘rin tutishi asoslanadi. Tadqiqotda O‘zbekiston sharoitida mavjud qonunchilik va amaliy tajriba misolida tahlillar keltirilib, zamonaviy yondashuvlar muhokama qilinadi.

Ishonchnoma va vakillik fuqarolik huquqining muhim tarmoqlaridan biri bo’lib ular shaxslarning huquqiy munosabatlarida o’z manfaatlarini boshqalar orqali ifodalash imkonini beradi. Vakillik orqali vakil beruvchi, o’z manfaatlarini ishonchli shaxs orqali himoya qiladi, ishonchnoma esa ushbu vakolatni yozma ravishda tasdiqlaydi. Vakillik huquqning turli tarmoqlariga mos keladi. Shu o’rinda vakolat beruvchi vakilga ishonch bildirgan holda muhim vazifalarni bajarishni ishonib topshiradi. Quyida berilgan Koreya va Singapur davlatlarida ham vakillik va ishonchnoma, qulay va muhim huquqiy vosita bo’lib kelmoqda.

Ushbu maqolada Atoiy devonida kelgan etnonimlar tahlil etiladi. Devonda uchraydigan etnik nomlar turli xalqlar, qabilalar bilan bog`liq bo`lib, ularning leksik-semantik va badiiy-estetik vazifalari yoritilgan. Shoir ijodida etnonimlarning qo`llanish uslubiyati hamda o`ziga xosliklari ochib beriladi. Etnik birliklarning qo`llashdagi Atoiyning badiiy mahorati yoritiladi.