Ushbu maqolada to‘y marosimlarini ixchamlashtirish va soddalashtirish masalasi yosh oilalar farovonligini ta’minlashning muhim omili sifatida tahlil qilinadi. Muallif to‘y va boshqa marosimlardagi ortiqcha dabdaba, isrof hamda iqtisodiy bosimning oilaviy barqarorlikka salbiy ta’sirini ijtimoiy-iqtisodiy va ma’naviy nuqtai nazardan asoslaydi. Maqolada milliy an’analarni saqlagan holda zamonaviy, tejamkor va ma’naviy jihatdan boy to‘ylarni tashkil etish bo‘yicha taklif va tavsiyalar beriladi.

Ushbu maqolada kimyo fanini o‘qitishda mobil dasturlardan foydalanishning didaktik, metodik va pedagogik asoslari, mobil texnologiyalarning o‘quv jarayoniga ta’siri, kimyoviy jarayonlarni modellashtirishda, vizual materiallarni taqdim etishda va virtual laboratoriyalarni tashkil etishda tutgan o‘rni haqida ilmiy tahlil beriladi. Mobil dasturlar yordamida o‘quvchilarda mantiqiy tafakkur, fazoviy tasavvur va mustaqil o‘quv ko‘nikmalarining shakllanishi amaliy misollar asosida yoritiladi.

Ushbu maqolada o‘zbek tili fonetikasining asosiy masalalari, tovush tizimi, unli va undosh tovushlarning xususiyatlari, shuningdek bo‘g‘in va urg‘u haqidagi nazariy ma’lumotlar yoritilgan. Maqolada fonetika fanining ahamiyati, uning o‘quvchi nutq madaniyatini shakllantirishdagi o‘rni tahlil qilinadi.

Davlat boshqaruvidagi tezkor raqamli transformatsiya elektron hukumatni xizmatlar ko‘rsatish, shaffoflik va samaradorlikni oshirishning eng muhim vositasiga aylantirdi. Biroq elektron hukumatning samarali faoliyati kuchli huquqiy tartibga solishsiz mumkin emas. Ushbu maqolada raqamli boshqaruvning asosiy huquqiy poydevorlari — ma’lumotlarni himoya qilish, o‘zaro moslashuvchanlik (interoperabilty), kiberxavfsizlik, elektron identifikatsiya va raqamli ma’muriy jarayonlar tahlil qilinadi. Shuningdek, 2022–2025 yillardagi xalqaro amaliyotlar ko‘rib chiqilib, raqamli tengsizlik, maxfiylik xavflari va texnologik eskiruv kabi muammolar ochib beriladi. Rivojlangan va rivojlanayotgan davlatlar uchun siyosiy-huquqiy tavsiyalar ham taqdim etiladi.

Ushbu tadqiqotda Farg‘ona viloyati suv havzalarining elementar tarkibi va og‘ir metallar bilan ifloslanish darajasi ICP-OES usuli orqali aniqlanib, natijalar xalqaro ekologik me’yorlar bilan solishtirildi. Og‘ir metallarning hayvonlar organizmiga potentsial ta’siri jigar, buyrak, qon tizimi va nerv-mushak faoliyati kabi asosiy fiziologik jarayonlar kesimida baholandi.