Ona tili va adabiy ta`lim jarayonida asosiy diqqat – e’tiborni o`quvchilarda so`z boyligini oshirish, ma`no nozikliklari, farq va o`xshashlikarini his qilish hamda anglab yetish, to`g`ri talaffuz qilish va bexato yozish, so`zlarni to`g`ri qo`llash, fikrni gap va matn tarzida to`g`ri ifodalash ko`nikmalarini shakllantirishga qaratish zarur. Insonda tafakkur va til o`zaro chanbarchas bog`liq bo`lib, ijodiy va mustaqil fikrli, ma`naviy yetuk shaxsni tarbiyalashda ona tili va adabiy ta`lim usuli, shuningdek, vositalarining o`rni, ro`li beqiyos.

Ushbu maqolada O‘zbekiston Respublikasida kredit bozorining hozirgi holati, asosiy rivojlanish tendensiyalari va istiqbollari tahlil qilinadi. Tadqiqotda mamlakat moliyaviy tizimida tijorat banklari va boshqa kredit institutlarining roli, kredit siyosatini liberallashtirish yo‘nalishlari hamda raqamli texnologiyalarni joriy etish orqali kreditlash mexanizmlarini modernizatsiya qilish imkoniyatlari ko‘rib chiqilgan. Maqola 2020–2024-yillar statistik ma’lumotlari asosida tahliliy yondashuvni qo‘llagan holda ishlab chiqilgan. Natijalar kredit bozorida raqobatni kuchaytirish, moliyaviy resurslar oqimini optimallashtirish va innovatsion kredit mahsulotlarini keng joriy etish zarurligini ko‘rsatadi. Shuningdek, xalqaro tajriba asosida O‘zbekiston kredit infratuzilmasini yanada mustahkamlash bo‘yicha takliflar ilgari suriladi.

Ushbu maqolada fuqarolarning konstitutsiyaviy huquq va erkinliklarini himoya qilish mexanizmlarini takomillashtirish masalalari tahlil qilingan. Inson huquq va erkinliklarini ta’minlash davlat siyosatining ustuvor yo‘nalishi sifatida qaralib, ularning huquqiy, institutsional va protsessual mexanizmlari o‘rganilgan. Shuningdek, O‘zbekiston Respublikasida inson huquqlarini kafolatlashga qaratilgan islohotlar, xalqaro huquqiy standartlarga muvofiqlik, sud-huquq tizimini mustahkamlash va fuqarolik jamiyati institutlarining roli yoritilgan. Maqolada zamonaviy sharoitda inson huquqlarini himoya qilishning dolzarb masalalari, ularni takomillashtirish bo‘yicha amaliy tavsiyalar ham keltirilgan.

Ushbu maqolada O‘zbekiston ta’lim tizimida akademik erkinlik tushunchasi, uning mazmuni va huquqiy asoslari keng yoritilgan. Akademik erkinlik — ta’lim muassasalari, o‘qituvchilar va talabalar faoliyatida ilmiy izlanish, ta’lim mazmuni va metodlarini erkin tanlash imkoniyatini beruvchi demokratik tamoyil sifatida tahlil qilinadi.

Globallashuv jarayonida sport nafaqat ijtimoiy-madaniy hodisa, balki tilshunoslik nuqtayi nazaridan ham alohida tadqiq etilayotgan sohalardan biridir. Sport terminlari milliy tillarning lug‘at boyligini boyitishda, yangi so‘z yasash jarayonlarida va xalqaro muloqotda muhim ahamiyat kasb etadi. O‘zbek va ingliz tillarida sportga oid terminlarning shakllanishida umumiylik va farqlanish mavjud bo‘lib, ular affiksatsiya, kompozitsiya, abbreviatsiya, semantik kengayish va qabul qilingan so‘zlar orqali yasaladi. Mazkur tadqiqot ushbu ikki til paralleligida sport terminlarining yasalishini o‘rganish va ularning lingvistik xususiyatlarini aniqlashga qaratilgan.