Мазкур тадқиқотда электр энергетика соҳасидаги ҳуқуқий муносабатларнинг тартибга солиниши ва ушбу соҳада прокурор назоратининг аҳамияти таҳлил этилган. Электр энергетикаси иқтисодиётнинг “мотори” сифатида давлат ва жамият ҳаётида алоҳида ўрин тутади. Шу боис, бу соҳада қонунлар ижросини таъминлаш, фуқаролар ва жамоат манфаатларини муҳофаза қилишда прокурор назоратининг роли беқиёсдир. Тадқиқотда соҳадаги назорат объектлари фаолиятининг ўзига хос жиҳатлари, ҳуқуқбузарликларнинг олдини олиш, давлат органлари ўртасидаги ҳамкорлик механизмлари ҳамда прокурор назоратининг умумий, махсус ва жорий вазифалари аниқланиб берилган. Ҳисоботларда энергия ресурсларидан ноқонуний фойдаланиш ҳолатлари таҳлил қилиниб, мазкур қонунбузилишларни бартараф этиш бўйича амалга оширилган чора-тадбирлар келтирилган. Электр энергетика соҳасида прокурор назоратини самарали ташкил этишда рақамлаштириш, платформа ва дастурий таъминотларни жорий қилишнинг аҳамияти, шунингдек халқаро ва трансчегаравий муносабатларнинг таъсирига ҳам алоҳида эътибор қаратилган. Умуман олганда, ушбу соҳада прокурор назоратининг комплекс, тизимли ва мувофиқлаштирилган тарзда амалга оширилиши ҳуқуқий муносабатларда қонунийликни таъминлашга хизмат қилиши қайд этилган.

Ushbu maqola smart-kontraktlar va an’anaviy shartnomalarning o‘xshash va farqli jihatlarini taqqosiy tahlil qiladi. Maqolada ularning mohiyati, tuzilishi, ijro etilishi, qo‘llanilish sohalari ko‘rib chiqiladi. Alohida e’tibor smart-kontraktlarni tuzish, ijro etish va buzishning huquqiy oqibatlariga qaratiladi. Tahlil natijasida smart-kontraktlarning afzalliklari va cheklovlari aniqlanadi hamda ularning zamonaviy fuqarolik huquqidagi o‘rni baholanadi.

Ушбу мақолада Бухоро амирлигининг жануби-шарқий ҳудуди шаҳарларининг Россия босқини туфайли уларнинг амирликдаги аҳамияти ҳусусида шунингдек, уларнинг бошқарув шакли ва хусусиятлари хусусияти тўғрисида маълумотлар келтирилади. Шаҳарларнинг гузарлари ва уларнинг бошқарув тизими ҳақида маълумотлар берилган.

Ushbu maqolada yorugʻlikning asosiy to‘lqin xossalari interferensiya, difraksiya va dispersiya hodisalari tahlil qilinadi. Interferensiya yorugʻlik to‘lqinlarining bir-biriga qoʻshilishi orqali hosil bo‘ladigan kuchayish va susayish hodisasi hisoblanadi. Difraksiya esa yorugʻlikning to‘siqlardan o‘tganda egilishi va tarqalishini ifodalaydi. Dispersiya esa yorugʻlikning to‘lqin uzunligiga qarab har xil burchaklarda yoyilishini, ya’ni ranglarga ajralishini anglatadi. Bu hodisalar fizikadagi optika bo‘limining muhim qismlaridan bo‘lib, turli ilmiy va texnik sohalarda tibbiyotda, aloqa texnologiyalarida, lazer tizimlarida, optik asboblardagi qo‘llanmalarga ega. Maqola davomida nazariy tushunchalar, formulalar, tarixiy kashfiyotlar va amaliy tajriba misollariga asoslanilgan. Shuningdek, bu mavzu orqali talabalarda yorugʻlikning to‘lqin xossalari haqidagi bilimlar chuqurlashadi va fanlararo bogʻliqliklarni tushunish ko‘nikmalari shakllanadi.

Мазкур мақолада нотўлиқ оилаларда ўсган болаларда шахсий масъулият ва эмпатия ҳиссини шакллантириш масаласи ижтимоий-педагогик нуқтаи назардан таҳлил қилинган. Ота ёки онасиз муҳитда вояга етаётган болаларда руҳий ҳимоясизлик, ҳиссий номувозанатлик ва ижтимоий муносабатлардаги муаммолар кузатилиши таъкидланган. Шунингдек, мактаб, маҳалла, оммавий ахборот воситалари, болалар марказлари ва нодавлат ташкилотларнинг тарбиявий ролини кучайтириш орқали бундай болаларда шахсий камолотни таъминлаш механизмлари таклиф этилган. Хорижий тажрибаларга асосланиб, миллий шароитга мос амалий ечимлар баён этилган.