Ushbu maqolada musiqiy faoliyat turlarini kreativ tarzda tashkil etishning zamonaviy yondashuvlari, nazariy asoslari va amaliy ahamiyati o'rganiladi. Tadqiqot davomida O'zbekiston va xorijiy mamlakatlar tajribasi tahlil qilinib, musiqiy ta'limda innovatsion usullarni qo'llash imkoniyatlari ochib berilgan. Natijalar musiqiy ta'lim jarayonini kreativ tashkil etish orqali o'quvchilarning bilim, ko'nikma va malakalari shakllantirishga ijobiy ta'sir ko'rsatishini isbotlaydi. Xulosa qismida musiqiy faoliyatni kreativ tashkil etishning istiqbolli yo'nalishlari taklif etilgan.

Ushbu maqola zardushtiylik diniy an’analari va amaliyotlarida muhim o‘rin tutuvchi kalendarga bag‘ishlangan. Zardushtiylik kalendari, asosan, qadimgi Fors imperiyasi va uning atrofidagi hududlarda tarqalgan zardushtiylik e'tiqodlari bilan bog‘liq bo‘lib, turli diniy bayramlar va marosimlarning sanalari ushbu kalendarda aniq belgilangan. Maqolada zardushtiylikning yilni hisoblash tizimi, asosiy bayramlar va muqaddas kunlarning ahamiyati, shuningdek, bu kalendarning zamonaviy zardushtiylar orasida qanday saqlanib kelayotgani tahlil qilinadi. Zardushtiylik kalendari, yirik tabiiy o‘zgarishlar va uning ruhiy, diniy mazmuni bilan birga, zamonaviy dunyoda milliy va diniy meros sifatida qadrlanadi.

Ushbu maqolada qandli diabet bilan kasallangan bemorlarda insult rivojlanishi xavfi, patofisiologik mexanizmlari, va profilaktika choralarini o'z ichiga olgan adabiyotlar tahlili keltirilgan. Tadqiqotlar ko'rsatishicha, qandli diabet insult xavfini 2-4 barobar oshiradi, Markaziy Osiyo mintaqasida, jumladan O'zbekistonda ham bu muammo dolzarbdir. Rivojlanayotgan mamlakatlarda qandli diabet va insult kasalliklari soni rivojlangan mamlakatlarga qaraganda ko'proq bo'lib, bu holat aholining samarali profilaktika choralaridan xabardorligining pastligi bilan bog'liq.

Yuqumli kasalliklar infeksiyalarning tarqalishi va oldini olish muhim sogʻliq masalalari hisoblanadi. Ushbu maqolada kasalliklarning qanday tarqalayotgani, ularning manbalari va yoyilish yoʻllari koʻrib chiqiladi. Immunitetning roli, odam organizmining himoyasini kuchaytirish uchun zarur bo'lgan usullar, jumladan, vaksinatsiya, sanitariya-gigiyena va sogʻlom turmush tarzi haqida ma'lumotlar beriladi. Maqola, shuningdek, infeksiyaning tarqalishini toʻxtatish va epidemiyalarning oldini olish usullariga e'tibor qaratadi. Oʻquvchilarni yuqumli kasalliklar va immunitetni mustahkamlash bo'yicha foydali tavsiyalar bilan tanishtiradi.

Kardioonkologiya – bu yurak-qon tomir tizimi va onkologik kasalliklar o‘rtasidagi o‘zaro bog‘liqlikni o‘rganadigan tibbiyot sohasi bo‘lib, bugungi kunda juda muhim ilmiy-amaliy yo‘nalishga aylanmoqda. Ushbu maqolada kardioonkologiyaning mazmuni, yurak va o‘sma kasalliklarining umumiy xavf omillari, shuningdek, onkologik davolash jarayonida yuzaga keladigan kardiotoksik ta’sirlar yoritilgan. Kimyoterapiya, radioterapiya va yangi davo usullarining yurakka salbiy ta’siri, yurak kasalliklarining rivojlanish mexanizmlari va ularni aniqlash usullari tahlil qilinadi. Shuningdek, profilaktika, monitoring va kardiolog-onkolog mutaxassislar hamkorligining ahamiyati ko‘rsatib o‘tilgan. Maqolada kardioonkologiya sohasining O‘zbekistonda va jahon miqyosida rivojlanish istiqbollari ham muhokama qilinadi.