Mazkur maqolada O‘zbekistonda nodavlat notijorat tashkilotlari (NNT) faoliyatini tartibga soluvchi qonunchilik hujjatlarining holati va ularni takomillashtirish zarurati tahlil qilingan. NNTlar faoliyatini tartibga soluvchi normativ-huquqiy bazaning ko‘pligi, tarqoqligi va o‘zaro nomuvofiqligi ularning samarali faoliyat yuritishiga salbiy ta’sir ko‘rsatayotganini asoslab berilgan. Shuningdek, NNTlarning tashkiliy-huquqiy shakllarini aniq belgilashdagi muammolar, yuridik terminlarning chalkashligi, ayrim shakllarning qonunchilikda noto‘g‘ri tasniflanishi kabi muhim masalalarga e’tibor qaratilgan. Tadqiqot ishida xalqaro huquq tajribalariga asoslangan holda NNTlar faoliyatini tartibga soluvchi yagona kodeks ishlab chiqish, “NNT to‘g‘risida”gi qonunga yangi modda va ta’riflar kiritish, shuningdek “NNT” atamasini “jamoat tashkilotlari” bilan almashtirish kabi takliflarni ilgari surilgan. Maqola NNTlar faoliyatini huquqiy jihatdan tartibga solish mexanizmlarini takomillashtirishga oid dolzarb ilmiy-amaliy masalalarni yoritadi.

Ushbu maqolada mental arifmetikaning boshlang‘ich sinf o‘quvchilarining matematik tafakkurini rivojlantirishdagi roli o‘rganiladi. Mental arifmetika nafaqat tez hisoblash malakalarini, balki tafakkur, xotira, diqqat va tasavvur kabi kognitiv kompetensiyalarni ham rivojlantiradi. Tadqiqotda turli metodlar asosida tajriba sinf o‘quvchilari bilan ish olib borilib, ularning natijalari tahlil qilindi.

Ушбу мақола жиноят ҳуқуқий нормалар рақобатида қилмишни квалификация қилишнинг назарий ва амалий жиҳатларини кўриб чиқади. Мақолада жиноятлар ва уларнинг квалификацияси жараёнидаги муаммолар, жиноят ҳуқуқий нормалар орасидаги рақобат ва бу ҳолатнинг ҳуқуқий тизимдаги таъсири таҳлил қилинган. Жиноятларни тўғри классификация қилишда юзага келадиган қийинчиликлар, нормаларнинг бевосита қўлланилиши ва ҳукм чиқаришдаги хато омиллари баён этилган. Мақолада шунингдек, жиноят ҳуқуқи соҳасидаги норматив ҳужжатларнинг такомиллаштирилиши ва амалий тажрибалар орқали квалификацияни тўғри ишлатиш усуллари ҳам кўрсатилган. Судлар ва ҳуқуқшунослар учун амалиёт ва назарий жиҳатларнинг ўзаро алоқаси муҳим эътиборга олинган. Мақола жиноят ҳуқуқи нормалар рақобатини минималлаштириш ва квалификация қилиш жараёнини такомиллаштиришга қаратилган амалий тавсиялар билан якунийлашади.

Mazkur ishda bezorilikka moyil va oʻzlashtirishi sust oʻquvchilar bilan ishlashning psixologik-pedagogik jihatlari yoritilgan. Tatqiqotda bunday oʻquvchilarning xulq-atvori, oʻzlashtirish darajasining past boʻlish sabablari va ularning jamoadagi ijtimoiy moslashuvi muammolari tahlil qilinadi. Shuningdek, ularni ijobiy yoʻnaltirish, darsga qiziqishini oshirish, motivatsiyasini kuchaytirish hamda individual yondashuv asosida taʼlim-tarbiya jarayoniga faol jalb etish boʻyicha samarali usullar koʻrib chiqiladi. Ushbu mavzu boʻyicha olib borilgan ishlar maktab psixologi, sinf rahbari va ota-onalar hamkorligini talab etadi. Ish natijalari bezorilik holatlarini kamaytirish va oʻzlashtirish darajasini oshirishga xizmat qiladi.

Shartnomaviy munosabatlar keng tarmoqli tushuncha bo‘lib, ijtimoiy munosabatlar, subyektiv, obyektiv jihatlarga qarab turli xil ko‘rinishlarda tahlil qilinishi mumkin. Shu bilan birga yuqoridagilarni inobatga olib normativ jihatdan tartibga solinishi mumkin. Sport sohasida shartnomaviy munosabatlarning o‘ziga xos jihatlari, shu bilan birga ularning turlar, holati hamda boshqa bir qancha holatlarini tahlil qilish bilan bir sport sohasidagi shartnomaviy munosabatlarning boshqa munosabatlardan farqli jihatlarini keltirish mumkin.