So‘nggi yillarda sun’iy intellekt (AI) texnologiyalari jahon biznes muhitini tubdan o‘zgartirib, qaror qabul qilish jarayonini tezlashtirmoqda, amallar samaradorligini oshirmoqda va mijozlar bilan muloqotni yangi bosqichga olib chiqmoqda. Ushbu maqolada sun’iy intellektning zamonaviy biznes boshqaruvini takomillashtirishdagi strategik ahamiyati yoritiladi. Tadqiqot doirasida marketing, ta’minot zanjiri va moliya sohalaridagi qo‘llanmalar tahlil qilinib, AI joriy etishdagi muammolar hamda ularning yechimlari o‘rganiladi. Mualliflar etik me’yorlarga asoslangan, barqaror va samarali AI strategiyasini ishlab chiqish zarurligini ta’kidlaydilar.

Ushbu maqolada O‘zbekiston qurilish sektorida raqobatbardoshlikni oshirishda kadrlar salohiyatining ahamiyati tahlil qilinadi. Qurilish sanoatidagi muvaffaqiyatli faoliyatning asosi sifatli va malakali mutaxassislar ekanligi ta’kidlanadi. Maqolada kadrlar tayyorlash, professional rivojlantirish va ularning bilim hamda amaliy ko‘nikmalarini oshirish orqali qurilish korxonalari raqobatbardoshligini mustahkamlash strategiyalari ko‘rib chiqilgan. Shuningdek, maqolada kadrlar salohiyatini rivojlantirishning dolzarb muammolari, ularni bartaraf etish yo‘llari va amaliy tavsiyalar berilgan.

Ushbu maqolada qurilish sohasida innovatsion texnologiyalar, xususan raqamlashtirish va sun’iy intellekt (SI) tizimlarining joriy etilishi, ularning ishlab chiqarish samaradorligini oshirishdagi o‘rni hamda yuzaga kelishi mumkin bo‘lgan xavf-xatarlar tahlil qilinadi. Maqola davomida qurilish jarayonlarini avtomatlashtirish, loyiha boshqaruvi, resurslardan samarali foydalanish va xavfsizlik tizimlarini takomillashtirishda SI imkoniyatlari o‘rganiladi. Shu bilan birga, texnologik xavfsizlik, ma’lumotlar himoyasi va inson omiliga bog‘liq risklar muhokama qilinadi.

Maqolada hududda qurilish faoliyatini boshqarishda tadbirkorlik faoliyatining roli va o’rni uning echimlari, hamda qurilish majmuasida tadbirkorlikni rivojlantirsa nimalarga e’tibor berish kerakligi va tadbirkorlikni rivojlantirsa qurilishda qanday o’zgarishlar bo’lishi mumkinligi, hamda bugungi kunda tadbirkorlar tamonidan qilinayotgan o’zgarishlar xususidagi ishlarga yondashilgan va hudud qurilishini samarali boshqarishda tadbirkorlik faoliyatini tashkil etish asosida raqobat rivojlanishi negizida nimalar bo’lishi mumkinligi borasida fiklif va tavsiyalar berilgan.

Maqolada kapital qurilish sohasida innovatsion-investitsion jarayonlarni samarali boshqarish masalalari, ularning zamonaviy iqtisodiy islohotlar sharoitida tutgan o‘rni, raqamlashtirish, sun’iy intellekt va ilg‘or texnologiyalarni joriy etish orqali boshqaruv mexanizmlarini takomillashtirish yo‘llari tahlil etiladi. Shuningdek, investitsion faoliyat samaradorligini oshirish, xavf-xatarlarni kamaytirish hamda davlat va xususiy sektor o‘rtasidagi hamkorlikni kuchaytirish bo‘yicha taklif va tavsiyalar ilgari suriladi.