Ushbu maqolada Buxoro amirligini mustamlaka qilish bosqichlari koʻrib chiqilib, Rossiya imperiyasining 19-asr davomida Markaziy Osiyodagi ekspansionistik kun tartibi, asosiy siyosiy va ijtimoiy-iqtisodiy omillar bilan bir qatorda, bu harakatning hududiy-siyosiy oqibatlari ham koʻrib chiqiladi. Buxoro amirligining muxtoriyat siyosatini amalga oshira olmasligi, Rossiyaning iqtisodiy va harbiy tazyiqlari, ichki siyosiy nizolar bu istiloga turtki bergan unsurlar sifatida baholanadi. Tadqiqot tarixiy yozuvlar, diplomatik yozishmalar va zamonaviy tarixshunoslikka asoslangan.

Mazkur maqolada iqtisodiy barqarorlik tushunchasi, uning asosiy omillari va jamiyat taraqqiyotidagi o‘rni yoritilgan. Pul-kredit siyosati, budjet muvozanati va tashqi savdo kabi muhim yo‘nalishlar asosida barqarorlikni ta’minlash yo‘llari tahlil qilingan. Iqtisodiy barqarorlikning ijtimoiy hayotga, xususan, bandlik va investitsion muhitga ta’siri yoritiladi. Shuningdek, O‘zbekistonda amalga oshirilayotgan iqtisodiy islohotlar hamda ularning natijalari haqida misollar asosida tushuncha berilgan. Ushbu maqola barqaror va farovon jamiyat qurish yo‘lida iqtisodiy muvozanatning nechog‘lik muhimligini ochib beradi.

Mazkur maqolada Alisher Navoiy tomonidan yozilgan “Saddi Iskandariy” dostoni tahlil qilinadi. Asarning umumiy hajmi, tuzilishi, janr xususiyatlari hamda tarixiy va diniy manbalarga asoslangani ilmiy yondashuv asosida yoritilgan. Dostonning Qurʼoni Karimdagi Zulqarnayn haqidagi oyatlar bilan bogʻliqligi, shuningdek, unda Iskandar obrazining badiiy-falsafiy talqini ochib beriladi. Asar orqali adolatli va ilmli rahbar timsoli yaratilib, o‘zbek epik an’analarida yangi bosqich boshlab berilgani ko‘rsatib o‘tiladi. Shuningdek, dostondagi g‘oyaviy mazmunning bugungi davr uchun ham dolzarbligi asoslab beriladi.

Ushbu maqola “O‘zbekiston Energetikasining kelajagi va unga Innovatsion Yechimlar” mavzusida O‘zbekiston energetikasidagi muammolarni hal qilish uchun kichik modulli reaktorlar (SMR), quyosh va shamol energiyasini tahlil qilishga qaratilgan. Maqolaning asosiy maqsadi – ushbu barqaror energiya manbalarini quvvati, ekologik ta’siri, xarajati va mahalliy sharoitlarda qo‘llash imkoniyatlari solishtirilib, innovatsion yechimlar taklif qilishdir. Tadqiqotda solishtirish usuli va mahalliy kuzatuvlar asosida tahlil olib borildi. Natijalarda SMR’larning barqaror bazaviy yuk ta’minlashi, quyosh energiyasining tezkor o‘rnatilishi va shamol energiyasining ekologik afzalliklari aniqlangan, ammo ularning kamchiliklari (chiqindilar, ob-havoga bog‘liqlik) ham ko‘rib chiqilgan. Innovatsion yechim sifatida uchalasini birlashtirish orqali energiya taqchilligini kamaytirish taklif qilinadi.

Turkiyada Alisher Navoiy haqidagi tadqiqotlar faol ravishda amalga oshirib kelinmoqda. O‘zbek adabiyotshunoslari bu tadqiqotlarni o‘rganib, tahlil qilib ular haqida bir qancha maqola va dissertatsiyalar yaratganlar. Ushbu maqolada turk navoiyshunosligi haqida yurtimizda amalga oshirilgan tadqiqotlar tahlil qilinadi.