Ushbu maqolada Sovet Ittifoqining O‘rta Osiyo musulmonlariga nisbatan olib borgan diniy siyosati tarixiy manbalar asosida tahlil qilinadi. 1917-yildan boshlab dastlabki pragmatik munosabat, 1920–1930-yillardagi keskin ateistik kampaniyalar, Ikkinchi jahon urushidan keyingi qisman yumshash va 1980-yillarda kuzatilgan diniy uyg‘onish jarayonlari yoritiladi. Masjid va madrasalarning yopilishi, ulamolarning ta’qib etilishi, diniy ta’limning izdan chiqarilishi hamda sovet diniy idoralarining faoliyati o‘rganilib, ushbu siyosatning mintaqa madaniy merosi va musulmon jamiyatining ma’naviy hayotiga ko‘rsatgan ta’siri tahlil qilinadi.

Ushbu tezisda STEAM (Science, Technology, Engineering, Art, Mathematics) yondashuviga asoslangan holda algebra va geometriya fanlarini integratsiyalashgan shaklda o‘qitishning metodik asoslari tahlil qilingan. Integrativ o‘qitish orqali o‘quvchilarda matematik tafakkurni rivojlantirish, nazariy bilimlarni amaliy jarayon bilan bog‘lash va muammoli vaziyatlarni hal etish kompetensiyalarini shakllantirish yo‘llari yoritilgan. STEAM yondashuvi o‘qituvchidan fanlararo bog‘liqlikni ta’minlash, o‘quvchilarda ijodiy fikrlash va loyihaviy faoliyatni rivojlantirishni talab etadi.

Ushbu maqolada emotsional intellekt tushunchasi, uning tarkibiy qismlari va inson faoliyatiga ta’siri ilmiy nuqtai nazardan tahlil qilinadi. Tadqiqotda emotsional intellekt shaxsiy va kasbiy rivojlanish, stressni boshqarish, jamoaviy ish va ijtimoiy munosabatlarda muvaffaqiyatga erishishda qanday rol o‘ynashi ko‘rib chiqiladi. Shu bilan birga, maqolada emotsional intellektni rivojlantirish usullari, psixologik treninglar, refleksiya mashqlari va o‘quv dasturlari orqali shaxsning hissiy barqarorligi va ijtimoiy ko‘nikmalarini oshirish imkoniyatlari tahlil qilinadi. Tadqiqot natijalari shuni ko‘rsatadiki, emotsional intellekt insonning ruhiy sog‘ligi, kasbiy samaradorligi va shaxsiy muvaffaqiyatiga bevosita ta’sir qiladi.

Ushbu maqolada sanoat chiqindilarining atrof-muhitga ta’siri va ularni GIS (geoaxborot tizimlari) yordamida baholashning ilmiy asoslari tahlil qilinadi. Sanoat chiqindilari havo, suv va tuproq resurslarini ifloslantirib, biologik xilma-xillikni kamaytiradi va inson salomatligiga salbiy ta’sir ko‘rsatadi. An’anaviy monitoring usullari ko‘pincha hududiy va ekologik o‘zgarishlarni yetarlicha aniqlay olmaydi. Shu sababli GIS texnologiyalari chiqindilar tarqalishi, konsentratsiyasi va ekologik xavf zonalarini aniqlashda samarali vosita sifatida qo‘llaniladi. Tadqiqot natijalari sanoat chiqindilarini boshqarish va ekologik barqarorlikni ta’minlash bo‘yicha amaliy tavsiyalar ishlab chiqish imkonini beradi.

Ushbu maqolada o‘zbek badiiy matnlarida uchraydigan duo va tilak birliklarining lingvistik xususiyatlari, ularning semantik-pragmatik mohiyati, xalqning diniy-ma’naviy dunyoqarashi bilan bog‘liq jihatlari hamda poetik funksiyalari tahlil qilingan.