Polycystic Ovary Syndrome reproduktiv yoshdagi ayollarda keng tarqalgan endokrin-metabolik kasalliklardan biri hisoblanadi. So‘nggi yillarda Vitamin D tanqisligi ushbu sindrom rivojlanishida muhim patogenetik omil sifatida qaralmoqda. Mazkur maqolada vitamin D ning insulin signalizatsiyasi, steroidogenez, follikulogenez, yallig‘lanish mediatorlari hamda gen ekspressiyasiga ta’siri bilan bog‘liq molekulyar mexanizmlar zamonaviy ilmiy manbalar asosida tahlil qilindi. Adabiyotlar tahliliga ko‘ra, vitamin D yetishmovchiligi insulinrezistentlikni kuchaytiradi, androgenlar sintezini oshiradi hamda ovulyator funksiyaning buzilishiga olib keladi. Bundan tashqari, VDR genlari polimorfizmlarining PTTS rivojlanish xavfi bilan bog‘liqligi aniqlangan. Vitamin D ning immunomodulyator va antioksidant xususiyatlari surunkali yallig‘lanish hamda oksidlovchi stressni kamaytirishda muhim ahamiyat kasb etadi. Olingan ma’lumotlar vitamin D metabolizmi PTTS patogenezining asosiy molekulyar bo‘g‘inlaridan biri ekanligini ko‘rsatadi.

Ushbu maqolada Markaziy Osiyo xalqlarining antik davr (mil. avv. III — mil. V asrlar) xo‘jalik turmush tarzi va savdo aloqalarining antropologik tahlili amalga oshirilgan. Tadqiqotda Sog‘diyona, Baqtriya, Xorazm va Parfiya hududlarida yashovchi etnoslarning chorvachilik, dehqonchilik, hunarmandchilik va xalqaro savdosiga asoslangan iqtisodiy yo’nalishlari qiyosiy-tipologik usul yordamida o‘rganilgan. Buyuk Ipak yo‘lining shakllanishi va mintaqaviy madaniy almashinuv jarayonlarida ushbu xalqlarning o‘rni aniqlandi. Arxeologik, etnografik va yozma manbalar tahlili asosida xulosa qilindi, antik davr Markaziy Osiyo xo‘jaligi ko’p markazli, ko‘p tarmoqli va mobil bo‘lib, uzoq hududlararo xo’jalik va madaniy aloqalar almashinuvning asosiy harakatlantiruvchi kuchi bo‘lgan. Tadqiqot natijalari mintaqaviy antropologiya, iqtisodiy etnologiya va qadimgi savdo tarixi sohalarida qo‘llanilishi mumkin.

Ushbu maqolada mijozlar bilan ishlash tizimining iqtisodiy mohiyati va korxona faoliyatidagi ahamiyati chuqur o‘rganib chiqildi. Tadqiqot natijalari shuni ko‘rsatdiki, samarali mijozlar bilan ishlash tizimini joriy etish korxonalarda mijozlar ehtiyojlarini aniq aniqlash, xizmat ko‘rsatish sifatini oshirish, xaridorlar sodiqligini mustahkamlash hamda daromad va raqobatbardoshlikni sezilarli darajada yuksaltirishga sababchi bo‘ladi. Shu bilan birga, zamonaviy axborot texnologiyalari, raqamli platformalar va mijozlar bilan munosabatlarni boshqarish vositalari orqali korxonalarning bozor talablariga moslashuvchanligi, boshqaruv samaradorligi va strategik qarorlar qabul qilish imkoniyatlari kengayadi. Tadqiqot korxona rahbariyati, xodimlar va mijozlar o‘rtasidagi samarali hamkorlik hamda mijozlarga yo‘naltirilgan boshqaruv tamoyillari ushbu tizimning natijadorligini yanada oshirishini isbotlaydi. Mijozlar bilan ishlash tizimini korxona faoliyatida muntazam takomillashtirib borish barqaror iqtisodiy o‘sishni ta’minlashga, mijozlar bazasini kengaytirishga va korxonaning bozordagi mavqeini mustahkamlashga xizmat qiladi.

Bul maqalada oqıwshılarda ushrasatuǵın agressiv minez-qulıqtıń psixologiyalıq ózgeshelikleri, onıń payda bolıw sebepleri hám rawajlanıw faktorları sáwlelendirilgen. Mektep jasındaǵı balalardıń minez-qulıqındǵı agressiyanıń túrleri, onıń shaxs qalıplesiwine hám oqıw procesine tásiri tahlil etiledi. Sonday-aq, oqıwshılardaǵı agressiyanıń aldın alıw hám onı korreksiyalaw boyınsha psixologiyalıq usıllar hám usınıslar islep shıǵılǵan.

Visseral semizlik bugungi kunda metabolik sindrom, 2-tur qandli diabet va yurak-qon tomir patologiyalarining rivojlanishida asosiy xavf omillaridan biri sifatida e’tirof etiladi. Visseral yog‘ to‘qimasi oddiy energiya zaxirasi emas, balki faol endokrin organ bo‘lib, metabolik jarayonlarni boshqaruvchi biologik faol moddalarni ishlab chiqaradi. Ushbu maqolada visseral semizlik sharoitida insulin signalizatsiyasining buzilishi, adipokinlar muvozanatining o‘zgarishi, surunkali yallig‘lanish va lipid almashinuvining izdan chiqish mexanizmlari tahlil qilindi. Adabiyotlar asosida visseral yog‘ to‘qimasining metabolik sindrom patogenezidagi markaziy o‘rni yoritildi.