Ushbu maqolada ingliz va o‘zbek tillaridagi modal fe’llarning semantikasini solishtirma tahlil qilish taqdim etilgan. Modal fe’llar har ikkala tilda ham zarurat, mumkinlik, qobiliyat, ruxsat va majburiyatni ifodalashda muhim rol o‘ynaydi. Funktsional o‘xshashliklarga qaramay, ingliz va o‘zbek modal fe’llari qo‘llanishi, grammatik tuzilishi va pragmatik nuanslari bo‘yicha sezilarli farqlarga ega. Tadqiqot ushbu o‘xshashliklar va farqlarni ikkala tilning haqiqiy lingvistik misollarini tahlil qilish orqali o‘rganib, madaniy va lingvistik kontekstlarning ma’noga qanday ta’sir qilishini yoritadi. Natijalar shuni ko‘rsatadiki, ingliz tilidagi modal fe’llar ko‘pincha yordamchi konstruksiyalarga tayanadi, o‘zbek tilida esa modal ma’noni ifodalash uchun fe’l shakllari va zarflar kombinatsiyasi qo‘llaniladi. Ushbu tadqiqot tilshunoslar, tarjimonlar va til o‘rganayotganlar uchun til semantikasini chuqurroq tushunishga hamda solishtirma grammatika tadqiqotlariga hissa qo‘shishga xizmat qiladi.

Mazkur maqolada Yangi O‘zbekiston sharoitida davlat va jamiyat o‘rtasidagi munosabatlarning transformatsiya jarayoni zamonaviy tarixiy yondashuv asosida kompleks tahlil qilinadi. Tadqiqotda mustaqillikdan keyingi davrda, ayniqsa 2016-yildan boshlab amalga oshirilgan keng ko‘lamli siyosiy, huquqiy va ijtimoiy islohotlarning davlat boshqaruvi tizimiga hamda jamiyat hayotiga ta’siri ochib beriladi. Maqolada “davlat — jamiyat uchun” va “inson manfaatlari ustuvor” tamoyillarining shakllanishi, davlat hokimiyati organlari faoliyatida ochiqlik va shaffoflikni ta’minlash mexanizmlarining joriy etilishi, fuqarolik jamiyati institutlarining faollashuvi ilmiy asosda yoritiladi. Shuningdek, jamoatchilik nazorati, ommaviy axborot vositalari va nodavlat notijorat tashkilotlarining davlat va jamiyat o‘rtasidagi vositachi sifatidagi roli tahlil qilinadi. Tadqiqot natijalari Yangi O‘zbekistonda davlat va jamiyat o‘rtasidagi munosabatlar sifat jihatidan yangi bosqichga ko‘tarilayotganini, mazkur transformatsiya demokratik jamiyat qurish, huquqiy davlatni mustahkamlash va barqaror taraqqiyotga erishishda muhim omil ekanini ko‘rsatadi.

Мазкур параграфда Ўзбекистонда суд–пробация тизимида жиноятчиликнинг “рақамлилашуви” шароитида профилактика самарадорлигини таъминлаш масалалари илмий-амалий жиҳатдан таҳлил қилинади. Ахборот технологияларидан фойдаланиб содир этиладиган жиноятлар (киберфирибгарлик, онлайн талон-торож қилиш ва ҳ.к.) ортиб бораётгани фонида озодликни чеклаш жазосини ижро этишда анъанавий офлайн назорат индикаторларига суяниш “кўринмас рақамли девиация”ни барвақт аниқлаш имкониятини чеклаётгани асосланади. Суд амалиётида интернетдан фойдаланишни чеклаш чорасининг (ЖК 45-модда) қўлланилмаслиги ҳамда “E-probatsiya” риск баҳолаши реал киберхатарлар билан мос келмаслигига доир кейс орқали тизимли узилишлар очиб берилади. Хулосада назорат предметини офлайндан онлайн риск профилига кенгайтириш, чекловларни индивидуаллаштириш ва рақамли мониторинг механизмларини ҳуқуқий жиҳатдан мустаҳкамлаш йўналишлари таклиф этилади.

Ushbu maqolada akademik eshkak eshish sportida jamoaviy qayiqlar uchun ekipajni shakllantirishda sportchilarning morfologik va antropometrik ko‘rsatkichlarining ahamiyati ilmiy jihatdan tahlil qilinadi. Tadqiqot jarayonida bo‘y uzunligi, tana vazni, tana massasi indeksi, qo‘l va oyoq uzunligi hamda mushak massasining sport natijalariga ta’siri o‘rganildi. Olingan natijalar asosida ekipajni shakllantirishda individual yondashuvning samaradorligi asoslab berildi. Tadqiqot natijalari mashg‘ulot jarayonini rejalashtirish va sportchilarning tanlov tizimini takomillashtirishda amaliy ahamiyatga ega.

This article examines the role of active teaching technologies in the socialization of personality based on the IMRAD model. The study analyzes the theoretical foundations of active learning technologies and their impact on social adaptation, communication culture, cooperation, and social activity. Observation, surveys, and pedagogical experiments were used as research methods. The results demonstrate that active teaching technologies effectively contribute to the socialization of learners. The conclusions emphasize the importance of integrating active learning technologies into modern education.