Ushbu maqolada islom olamining buyuk muhaddisi Imom Buxoriyning asarlari, xususan, 'Sahih al-Buxoriy'ning xorijiy mamlakatlardagi mashhur universitetlarda o'rganilishi va tadqiq qilinishi yoritiladi. Shuningdek, chet ellik olimlarning Imom Buxoriy merosi haqidagi ilmiy ishlari tahlil qilinadi va ulardan iqtiboslar keltiriladi.

Ushbu maqola zardushtiylik diniy an’analari va amaliyotlarida muhim o‘rin tutuvchi kalendarga bag‘ishlangan. Zardushtiylik kalendari, asosan, qadimgi Fors imperiyasi va uning atrofidagi hududlarda tarqalgan zardushtiylik e'tiqodlari bilan bog‘liq bo‘lib, turli diniy bayramlar va marosimlarning sanalari ushbu kalendarda aniq belgilangan. Maqolada zardushtiylikning yilni hisoblash tizimi, asosiy bayramlar va muqaddas kunlarning ahamiyati, shuningdek, bu kalendarning zamonaviy zardushtiylar orasida qanday saqlanib kelayotgani tahlil qilinadi. Zardushtiylik kalendari, yirik tabiiy o‘zgarishlar va uning ruhiy, diniy mazmuni bilan birga, zamonaviy dunyoda milliy va diniy meros sifatida qadrlanadi.

Korxona faoliyatining samaradorligi va uzoq muddatli raqobatbardoshligini ta’minlashda uning moliyaviy holatini tahlil qilish va barqarorlik darajasini aniqlash muhim ahamiyat kasb etadi. Ushbu maqolada korxonalarda moliyaviy holatni kompleks baholash metodikasi, tahliliy ko‘rsatkichlar tizimi hamda moliyaviy barqarorlikni mustahkamlash yo‘llari ilmiy-nazariy va amaliy jihatdan o‘rganilgan. Xususan, likvidlik, to‘lovga qobiliyatlilik, foydalilik va kapital tuzilmasi bilan bog‘liq asosiy ko‘rsatkichlar asosida korxona moliyaviy holatining har tomonlama tahlili olib borilgan. Shuningdek, ichki boshqaruvdagi xatoliklar, makroiqtisodiy omillar va moliyaviy muhitdagi beqarorlik korxona barqarorligiga qanday ta’sir ko‘rsatishi tahlil etilgan. Maqolada moliyaviy barqarorlikni oshirish uchun kapital strukturasini diversifikatsiyalash, naqd pul oqimlarini prognozlash, moliyaviy risklarni minimallashtirish, zamonaviy raqamli boshqaruv tizimlarini joriy etish bo‘yicha tavsiyalar ishlab chiqilgan. Tadqiqot natijalari moliyaviy tahlil jarayonida qo‘llanilishi mumkin bo‘lgan amaliy vositalar va strategik yondashuvlarni shakllantirishda asos bo‘lib xizmat qiladi. Mazkur ish kichik va o‘rta biznes subyektlari, yirik ishlab chiqaruvchilar hamda investitsiya muassasalari uchun foydali metodologik manba sifatida tavsiya etiladi.

Kardioonkologiya – bu yurak-qon tomir tizimi va onkologik kasalliklar o‘rtasidagi o‘zaro bog‘liqlikni o‘rganadigan tibbiyot sohasi bo‘lib, bugungi kunda juda muhim ilmiy-amaliy yo‘nalishga aylanmoqda. Ushbu maqolada kardioonkologiyaning mazmuni, yurak va o‘sma kasalliklarining umumiy xavf omillari, shuningdek, onkologik davolash jarayonida yuzaga keladigan kardiotoksik ta’sirlar yoritilgan. Kimyoterapiya, radioterapiya va yangi davo usullarining yurakka salbiy ta’siri, yurak kasalliklarining rivojlanish mexanizmlari va ularni aniqlash usullari tahlil qilinadi. Shuningdek, profilaktika, monitoring va kardiolog-onkolog mutaxassislar hamkorligining ahamiyati ko‘rsatib o‘tilgan. Maqolada kardioonkologiya sohasining O‘zbekistonda va jahon miqyosida rivojlanish istiqbollari ham muhokama qilinadi.

Mamlakatimizda bank tizimini modernizatsiyalash va inson resurslarini samarali boshqarish masalasi dolzarb ahamiyat kasb etmoqda. Ushbu jarayonda xodimlarning ish faoliyatini mezon asosida baholash tizimi – KPI (Kalit Ko‘rsatkichlar Tizimi) bank menejmentida muhim vosita sifatida namoyon bo‘lmoqda. Mazkur ilmiy maqolada KPI tizimining nazariy asoslari, uning tijorat banklaridagi o‘rni hamda u orqali xodimlarning ish samaradorligini oshirish mexanizmlari chuqur tahlil qilinadi. Tadqiqot ob’ekti sifatida O‘zbekiston Respublikasi Tashqi iqtisodiy faoliyat milliy banki ("O‘zmilliybank" AJ) tanlangan bo‘lib, bankda joriy etilgan KPI tizimining amaliy jihatlari o‘rganilgan. Xususan, KPI ko‘rsatkichlari qanday belgilanayotgani, baholash mezonlari, xodimlar motivatsiyasi va rag‘batlantirish tizimi bilan bog‘liqligi tahlil qilingan. Mavjud kamchiliklar aniqlanib, ularni bartaraf etish bo‘yicha ilmiy asoslangan takliflar ishlab chiqilgan. Maqolada shuningdek, xorijiy banklarning ilg‘or KPI amaliyotlari (HSBC, DBS, ING va boshqalar) tahlil qilinib, ularning foydali jihatlari "O‘zmilliybank" misolida tatbiq etish imkoniyatlari ko‘rib chiqilgan. KPI tizimini raqamlashtirish, real vaqt rejimida monitoring qilish, nomoliyaviy ko‘rsatkichlarni kuchaytirish, sun’iy intellekt asosida tahlil qilish kabi takliflar ilgari surilgan.