Maqolada tibbiy tashxis qilish jarayonida qo‘llaniladigan ko‘p sinfli klassifikatsiya masalalarini yechish uchun ansamblli o‘rganish yondashuvlaridan foydalanish masalasi qaralgan. Stacking, Random Forest va LightGBM ansambl usullaridan foydalanib o‘quv tanlanmalaridagi klassifikatsiya aniqligini hisoblash kabi ishlar natija sifatida olingan.

Ушбу мақола жиноят ҳуқуқий нормалар рақобатида қилмишни квалификация қилишнинг назарий ва амалий жиҳатларини кўриб чиқади. Мақолада жиноятлар ва уларнинг квалификацияси жараёнидаги муаммолар, жиноят ҳуқуқий нормалар орасидаги рақобат ва бу ҳолатнинг ҳуқуқий тизимдаги таъсири таҳлил қилинган. Жиноятларни тўғри классификация қилишда юзага келадиган қийинчиликлар, нормаларнинг бевосита қўлланилиши ва ҳукм чиқаришдаги хато омиллари баён этилган. Мақолада шунингдек, жиноят ҳуқуқи соҳасидаги норматив ҳужжатларнинг такомиллаштирилиши ва амалий тажрибалар орқали квалификацияни тўғри ишлатиш усуллари ҳам кўрсатилган. Судлар ва ҳуқуқшунослар учун амалиёт ва назарий жиҳатларнинг ўзаро алоқаси муҳим эътиборга олинган. Мақола жиноят ҳуқуқи нормалар рақобатини минималлаштириш ва квалификация қилиш жараёнини такомиллаштиришга қаратилган амалий тавсиялар билан якунийлашади.

Cho‘lponning "Oydin kechalarda" va "Qor qo‘ynida lola" hikoyalarida xalqimizning milliy urf-odatlari, qaynona-kelin munosabatlari, ayollarning jamiyatdagi o’rni, oiladagi mehr-oqibat va hurmat kabi qadriyatlar aks ettiriladi. Mustamlakachilik, ichkilikbozlik, axloqiy inqiroz fosh etilib, ijtimoiy muammolar ko‘tariladi. Adib hikoyalarida o’tmishdagi illatlarning inson taqdiriga bo’lgan salbiy ta’sirini ishonarli va hayotiy tasvirlaydi, mehr-oqibat, sabr-toqat va ma’suliyat tamoyillarini yuksak badiiy mahorat bilan ochib beradi. Adib hikoyada muammolarning kelib chiqish sabablarini ko’rsatish bilan birga uning oqibatidan to’g’ri xulosa chiqarishga chaqiradi. Tadqiqot natijasida Cho‘lpon hikoyalarining badiiy-estetik va ijtimoiy ahamiyati aniqlanadi. Syujet, badiiy vositalar va qahramonlarning ichki kechinmalari o‘rganiladi. Cho‘lpon hikoyalarida milliy qadriyatlarimizning aks etishi badiiy jihatdan chuqur, ramziy va turli qirralarda namoyon bo‘ladi.

Mazkur maqolada boshlang‘ich sinf o‘quvchilarini badiiy matnni tahlil qilishga o‘rgatishda integrativ yondashuvning samaradorligi tahlil qilinadi. Integrativ yondashuv asosida adabiyot, ona tili, tasviriy san’at, musiqa kabi fanlararo bog‘liqlikda o‘quvchilarning tahliliy fikrlashi, estetik didi va og‘zaki nutqi rivojlanishi ko‘rsatilgan. Tadqiqotda amaliy tajriba asosida bu yondashuvning dars jarayonida o‘quvchilarning faol ishtirokini ta’minlashi, o‘quv motivatsiyasini oshirishi va matnga chuqur yondashuvni shakllantirishdagi o‘rni yoritilgan. Shuningdek, maqolada dars dizaynini integratsiyalashgan holda tashkil etish bo‘yicha metodik tavsiyalar ham bayon etilgan.

Gap tarkibidagi oʻzaro tobe bogʻlanishda boʻlgan soʻzlardan bittasi tobe boʻlak ikkinchisi hokim boʻlak vazifasini bajaradi. Tobe boʻlak hokim boʻlakka bogʻlanib hokim boʻlak talab etgan sintaktik vazifada keladi. Ana shu vazifa gap boʻlagi nomi bilan yuritiladi. Gapda soʻzlar oʻzaro grammatik munosabatga kirishib gap boʻlaklarini hosil qiadi. Gap boʻlaklari vazifasini mustaqil soʻzlargina bajaradi.Har bir boʻlagi boshqa gap boʻllaklari bilan boʻlgan grammatik munosabatlariga koʻra belgilanadi, ya’ni har bir gap boʻlagi oʻzi munosabatga kirishgan soʻz bilan ma'lum sintaktik aloqada boʻladi. Quyidagilar gap boʻlaklari turlarini belgilashda eng asosiy xususiyat boʻla olmaydi: 1) soʻzlarning qaysi turga mansubligi; 2) soʻzlarning qaysi soʻroqqa javob boʻlishi; 3) soʻzlarning gap ichida joylashish tartibi; 4) soʻzlarning qanday qoʻshimchalar olishi.