Maqolada Islom ayollarga taqdim etgan asosiy huquqlarni — hayot huquqi, sha’nini himoya qilish, meros, mulkka egalik qilish va tasarruf etish, mahr olish, nafaqa, nikohga rozilik berish, ta’lim olish, ijtimoiy va diniy faoliyatlarda ishtirok etish huquqlarini atroflicha yoritib beriladi. Shu bilan birga, ayollarning oila va jamiyatdagi majburiyatlari — oilani saqlash, farzandlarni tarbiyalash, erga itoat va uy ishlarini boshqarish kabi jihatlari tahlil qilinadi.

Yuz-jagʻ flegmonasi — odontogen infektsiyalar, travmatik shikastlanishlar yoki immunitet zaiflashishi natijasida rivojlanadigan ogʻir yiringli yalligʻlanish jarayoni bo‘lib, to‘qimalarning chuqur qatlamlariga tarqalishi va bemorning umumiy holatiga salbiy ta’sir ko‘rsatishi mumkin. Flegmonaning muvaffaqiyatli davolanishi mikrobiologik tahlil natijalariga asoslangan antibiotik terapiyani toʻgʻri tanlashga bogʻliq. Ushbu maqolada yuz-jagʻ flegmonasining mikrobiologik xususiyatlari, bakterial flora tarkibi, antibiotik sezuvchanlik testlari va empirik hamda maqsadli antibiotik terapiyaning samaradorligi tahlil qilinadi. Tadqiqot yuz-jagʻ flegmonasi bilan kasallangan bemorlarda eng ko‘p uchraydigan bakteriyalarni aniqlash, sezuvchanlik testlarini amalga oshirish va antibiotik tanlashning optimal usullarini belgilashni maqsad qiladi. Ushbu ilmiy ish bakteriologik ekin va molekulyar-genetik diagnostika metodlari asosida olib borilib, davolashda qo‘llanilishi mumkin bo‘lgan antibiotiklar samaradorligi baholanadi. Maqolada empirik va maqsadli antibiotik terapiya yondashuvlari keltirilib, beta-laktam antibiotiklari (masalan, **Sefazolin**), klindamitsin va metronidazol kabi preparatlarning flegmonada qo‘llanilish samaradorligi tahlil qilinadi. Tadqiqot natijalari antibiotik terapiya strategiyalarini optimallashtirishga, kasallikning asoratlarini kamaytirishga va bemorlarning tezroq sogʻayishini ta’minlashga yordam beradi.

Зараутсой қоятош суратлари атрофидаги сойлардан янги тош расмлар топилди. Бу тош суратлар бронза ва темир даври билан характерланади. Бу эса Зараутсой қоятош суратларни қадимий эканлигидан далолат беради. Зараутсой қоятош суратлари Марказий Осиёнинг ибтидоий давр санъати тарихини ўрганишда муҳим манба бўлиб хизмат қилади.

Мазкур мақолада 11–12 ёшли бадиий гимнастика билан шуғулланувчи спортчиларнинг техник тайёргарлигига таъсир этувчи омиллар таҳлил қилинади. Ёш хусусиятларини ҳисобга олган ҳолда, жисмоний, техник ва психологик тайёргарликни такомиллаштириш бўйича самарали йўналиш ва услублар кўрсатилади.

Ушбу мақолада тезкор-қидирув фаолияти (ТҚФ) устидан суд назоратининг ҳуқуқий табиати, мақсади ва самарадорлиги масалалари атрофлича таҳлил этилган. Муаллиф суд назоратининг моҳиятини инсон ҳуқуқ ва эркинликларини ҳимоя қилиш ҳамда қонунийликни таъминлаш орқали адолатли судловни амалга оширишнинг муҳим институти сифатида ёритади. Шу билан бирга, суд назоратининг ташаббускорлик хусусияти, унинг процессуал шакллари ва ҳуқуқий тартибга солинишининг камчиликлари турли олимлар нуқтаи назаридан таҳлил қилинган. Мақолада суд назоратининг предмети аниқ белгиланиб, унинг ТҚТни амалга оширишда қонунийлик, тартиб ва ҳуқуқий мутаносибликка боғлиқ жиҳатлари асослаб берилган. Муаллиф суд назорати фақат расмий мақуллаш эмас, балки фаол ва ташаббускор ҳуқуқий институт бўлиши лозимлигини таъкидлайди.