Mazkur maqolada oziq-ovqat mahsulotlari tarkibidagi nitrat ionlari miqdorini potensiometrik usul yordamida aniqlashning nazariy va amaliy asoslari yoritilgan. Tadqiqot davomida turli sabzavot va oziq-ovqat namunalaridagi nitrat miqdori ion-selektiv elektrodlar asosida potensiometrik analiz usuli orqali aniqlandi. Ushbu usulning yuqori sezgirligi, tezkorligi hamda tahlil natijalarining aniqligi baholandi. Tajribalar davomida namunalarni tayyorlash, standart eritmalar bilan kalibrlash va potensial qiymatlar asosida nitrat konsentratsiyasini aniqlash bosqichlari o‘rganildi. Olingan natijalar oziq-ovqat mahsulotlarida nitratlarning me’yoriy miqdorini nazorat qilishda potensiometrik usul samarali analitik usullardan biri ekanligini ko‘rsatdi. Tadqiqot natijalari ekologik monitoring, sanitariya-gigiyena nazorati hamda oziq-ovqat xavfsizligini ta’minlashda muhim ilmiy-amaliy ahamiyatga ega.

Maqolada raqamli davrda bolalar va yoshlarning ijtimoiy tarmoqlar hamda ekran texnologiyalaridan foydalanish darajasi, uning psixologik va ijtimoiy ta’siri yoritib berilgan. Ijtimoiy tarmoqlarning insonlar o‘rtasidagi muloqotni yengillashtirishdagi ijobiy jihatlari bilan bir qatorda, ekran qaramligi, yolg‘izlik hissining kuchayishi, diqqatning sustlashuvi hamda yoshlar dunyoqarashiga salbiy ta’siri yoritilgan. Bolalarning raqamli muhitda ulg‘ayishi, sun’iy intellekt va qisqa videokontentlarning ta’lim hamda psixologik rivojlanishga ta’siri ko‘rib chiqilgan.

Ushbu maqolada Mengnor Ollomurod she’riyatidagi lirik qahramon va obrazlar xarakteri tahlil qilinadi. Shoir ijodida inson qalbining ruhiy iztiroblari, ma’naviy inqiroz, haqiqat va adolat izlash motivlari yetakchi o‘rin egallashi yoritilgan. Tadqiqotda “Sahrolarning sarobida”, “Bir nokas ko‘nglimni…”, “Ko‘nglimni sindirdi…” kabi she’rlar misolida lirik qahramonning ichki kechinmalari, iztirob va umid o‘rtasidagi ruhiy holati poetik jihatdan tahlil etiladi. Shuningdek, shoirning metafora, antiteza, kinoya va simvolik obrazlardan foydalanish mahorati ochib beriladi. Maqolada xalqona til unsurlari bilan mumtoz she’riyat an’analarining uyg‘unlashuvi Mengnor Ollomurod uslubining muhim xususiyati sifatida baholanadi. Tadqiqot natijasida shoir yaratgan lirik qahramon obrazida zamonaviy insonning ma’naviy qiyofasi, ijtimoiy qarashlari va ruhiy olami aks etishi asoslab beriladi.

Odam savdosi zamonaviy dunyoda insonning asosiy huquqlari jiddiy poymol etilishining eng og‘ir ko‘rinishlaridan biri bo‘lib qolmoqda va u barcha mintaqalardagi millionlab insonlarga salbiy ta’sir ko‘rsatmoqda. Mazkur maqolada odam savdosi tushunchasi va uning zamonaviy ko‘rinishlari tadqiq etiladi, ushbu hodisaga qarshi kurashishga qaratilgan asosiy xalqaro-huquqiy hujjatlar tahlil qilinadi hamda bu sohadagi xalqaro hamkorlik mexanizmlari baholanadi. Profilaktika strategiyasi sifatida yoshlar o‘rtasida huquqiy ta’lim va huquqiy ongni yuksaltirish masalalariga alohida e’tibor qaratilgan. Odam savdosiga qarshi qonunchilikni amaliyotga tatbiq etish borasidagi O‘zbekiston tajribasi mintaqaviy amaliy tadqiqot (case study) sifatida ko‘rib chiqiladi. Maqola yakunida tizimli muammolar aniqlangan bo‘lib, ko‘p tomonlama hamkorlikni mustahkamlash hamda yoshlarga yo‘naltirilgan huquqiy savodxonlik dasturlariga asoslangan yechimlar taklif etiladi.

Ushbu ilmiy maqolada o‘zbek tilining o‘g‘uz lahjasiga oid maishiy leksikaning geneologik tahlili keltiriladi. O‘g‘uz lahjasiga oid turli ishlar va lug‘atlar asosida yig‘ilgan so‘zlar doirasida ularning qaysi tildan kelib chiqib, o‘rganilayotgan lahjada qay darajada ishlatilganligi statistik va tahliliy metodlar asosida yoritilgan. Maqolaning maqsadi – o‘g‘uz lahjasi o‘rganilishini yanada kengaytirish, leksik qatlamning kelib chiqishini tahlil qilish orqali lahjaning o‘ziga xos jihalarini ochib berish. Tadqiqot natijalari o‘g‘uz lahjasi va uning o‘rganilish masalalariga qo‘shimcha ilmiy manba bo‘la oladi.