Gormonal boshqaruv organizmdagi turli tizimlarning o‘zaro muvozanatli ishlashini ta’minlaydigan markaziy nazorat mexanizmlaridan biridir. Endokrin bezlar ichki sekretsiya bezlari bo‘lib, ular o‘zlarida ishlab chiqarilgan gormonlarni to‘g‘ridan-to‘g‘ri qon oqimiga ajratadi. Bu gormonlar hujayralar faoliyatini regulyatsiya qiladi, metabolizm, o‘sish, rivojlanish, reproduktiv funksiyalar, stressga javob va boshqa ko‘plab fiziologik jarayonlarda muhim rol o‘ynaydi. Ushbu maqolada asosiy endokrin bezlar (gipofiz, qalqonsimon bez, buyrak usti bezlari, oshqozon osti bezi va jinsiy bezlar) va ular ajratadigan gormonlarning funksional ahamiyati, ularning o‘zaro bog‘liqligi va klinik holatlardagi roliga e’tibor qaratiladi.

Ushbu maqolada tarixiy imperializm siyosatining shakllanishi, buyuk davlatlar tomonidan amalga oshirilgan mustamlakachilik harakatlari va ularning zamonaviy siyosatdagi izlari tahlil qilinadi. Yevropa imperiyalari, Rossiya imperiyasi va AQSh kabi davlatlarning tarixiy harakatlari orqali global kuch muvozanati qanday o‘zgargani, ularning sobiq mustamlakalarga bo‘lgan ta’siri hamda neoimperialistik yondashuvlar ilmiy nuqtai nazardan yoritilgan. Maqolada tarixiy tahlil, siyosiy kontekst va hozirgi zamonaviy geosiyosiy oqibatlar o‘zaro bog‘liq holda tahlil qilinadi.

Mazkur maqolada Ikkinchi jahon urushidan keyingi davrda yuz bergan asosiy geosiyosiy o‘zgarishlar tarixiy-siyosiy tahlil asosida ko‘rib chiqilgan. Urush natijasida kuchlar muvozanatining AQSh va SSSR foydasiga o‘zgarishi, ikki qutbli dunyo tartibining shakllanishi, xalqaro tashkilotlarning vujudga kelishi va mustamlakachilik tizimining yemirilishi global siyosiy landshaftda tub burilish yasadi. Shuningdek, yadro qurolining paydo bo‘lishi, harbiy-siyosiy bloklarning tashkil topishi va ideologik qarama-qarshiliklarning kuchayishi jahon siyosatining yangi bosqichini boshlab berdi. Maqolada ushbu o‘zgarishlarning zamonaviy xalqaro munosabatlar tizimiga ta’siri ilmiy nuqtai nazardan tahlil qilinadi. Tadqiqot natijalari urushdan keyingi davrni anglash va hozirgi geosiyosiy jarayonlarni tushunishda muhim nazariy asos bo‘lib xizmat qiladi.

Tadqiqotimizda biz nazorat va tajribaviy gipotireoz holatidagi onalardan tug‘ilgan oq laborator kalamushlarni o‘rgandik. Postnatal ontogenezning turli davrlarida me’da osti bezining morfologik tahlillari natijasida, nazorat guruhi bilan taqqoslaganda, rivojlanish kechikishi va tomir devorining individual tarkibiy qismlarining shakllanishida sezilarli o‘zgarishlar aniqlangan. Tajriba boshlangandan keyingi birinchi kunlardan boshlab barcha tajriba hayvonlarida arteriya devoridagi o‘zgarishlar qayd etildi. Olingan natijalar shuni ko‘rsatadiki, gipotireoz holatidagi onalardan tug‘ilgan avlodlarda me’da osti bezi hujayralari va ularning qon tomirlarida morfologik o‘zgarishlar yuzaga keladi.

Ushbu maqolada tijorat banklarida asosiy vositalarning buxgalteriya hisobi va tahlil jarayonini takomillashtirish masalalari yoritilgan. Asosiy vositalar bank infratuzilmasining asosiy tarkibiy qismi sifatida ularning samarali boshqaruvi bankning moliyaviy barqarorligi va xizmatlar sifatiga bevosita ta’sir ko‘rsatishi ta’kidlangan. Tadqiqot davomida hisob va tahlilning hozirgi holati o‘rganilib, mavjud muammolar tahlil qilingan va ularni bartaraf etish bo‘yicha amaliy takliflar ishlab chiqilgan. Xususan, xalqaro moliyaviy hisobot standartlariga mos ravishda hisob yuritish, amortizatsiya siyosatini zamonaviylashtirish, analitik dasturlar asosida tahlilni avtomatlashtirish zarurligi asoslab berilgan. Maqola natijalari banklar uchun asosiy vositalarni boshqarishda strategik yondashuvni shakllantirishga xizmat qiladi.