Ushbu maqolada bank sektoridagi moliyaviy innovatsiyalar va ularni takomillashtirish yo‘llari tahlil qilinadi. Moliyaviy innovatsiyalar bank xizmatlarini avtomatlashtirish, xavfsizligini oshirish va mijozlarga qulay sharoit yaratish uchun muhim ahamiyat kasb etadi. Maqolada raqamli bank xizmatlari, blokcheyn texnologiyalari, sun’iy intellekt, katta hajmdagi ma’lumotlar (Big Data) va ochiq bank tizimi kabi zamonaviy innovatsion yondashuvlar muhokama qilinadi. Shuningdek, bank sektorida moliyaviy innovatsiyalarni yanada rivojlantirish uchun taklif etilgan chora-tadbirlar, jumladan, raqamli infratuzilmani takomillashtirish, yangi moliyaviy mahsulot va xizmatlarni rivojlantirish, regulyator siyosatini moslashtirish va fintech kompaniyalari bilan hamkorlikni kuchaytirish muhimligi ta’kidlanadi. Maqola bank tizimida zamonaviy innovatsiyalarni joriy etish orqali moliyaviy xizmatlarning samaradorligini oshirishga qaratilgan tahliliy va amaliy tavsiyalarni o‘z ichiga oladi.

Maqolada turkiy xalqlarning dostonlari va afsonalari asosida turkiy xalqlar mifologiyasi tahlil qilindi. “Qo’rqut ota” kabi boshqa bir qator turkiy xalqlar dostonlaridan keng foydalanildi.

Ushbu maqolada innovatsion iqtisodiyot sharoitida davlatning ijtimoiy siyosatini rivojlantirish masalalari chuqur tahlil qilinadi. Innovatsion iqtisodiyotning asosiy xususiyatlari – texnologik taraqqiyot, raqamli transformatsiya, ilm-fan va inson kapitaliga asoslangan rivojlanish jarayonlari davlatning ijtimoiy siyosatini yangilash zaruratini keltirib chiqaradi. Davlat siyosati jamiyatdagi ijtimoiy tengsizlikni kamaytirish, aholining turmush darajasini oshirish va ijtimoiy himoyani kuchaytirishga yo‘naltirilishi lozim.

Mazkur maqolada jamoatchilik fikri asosida shakllangan tadbirlarni moliyalashtirish mexanizmini takomillashtirish masalalari keng tahlil qilinadi. Jamoatchilik ishtirokida moliyalashtirish fuqarolarning ijtimoiy tashabbuslarda faol ishtirok etishiga, davlat mablag‘laridan samarali foydalanishga hamda mahalliy muammolarni tezkor hal etishga imkon yaratadi. Maqolada jamoatchilik fikriga asoslangan tadbirlarni moliyalashtirishning mavjud mexanizmlari – davlat byudjeti, xususiy sektor mablag‘lari, xalqaro grantlar hamda kraudfanding va kraudsorsing tizimlari o‘rganiladi. Ushbu moliyaviy manbalarning afzalliklari va kamchiliklari tahlil qilinib, ularning samaradorligini oshirish yo‘llari taklif etiladi.

Ushbu maqolada o‘zbek va ingliz tillarining tipologik jihatdan o‘xshashlik va farqlari tahlil qilinadi. Tilshunoslikda tipologik tadqiqotlar tillarning tuzilishi, grammatikasi, fonetikasi va semantikasi kabi jihatlarni solishtirish orqali umumiy va o‘ziga xos xususiyatlarni aniqlashga yordam beradi. O‘zbek tili agglutinativ tuzilishga ega bo‘lib, so‘z yasalishi va grammatik shakllanishi qo‘shimchalar yordamida amalga oshiriladi. Ingliz tili esa analitik til bo‘lib, so‘z tartibi va yordamchi so‘zlarga asoslangan tizimga ega. Maqolada ushbu tillarning so‘z yasalishi, gap qurilishi, morfologik va sintaktik xususiyatlari qiyosiy tahlil qilinadi. Shuningdek, ularning umumiyliklari va farqlari misollar yordamida yoritiladi. Tadqiqot natijalari o‘zbek va ingliz tillarining o‘zaro ta’siri va o‘rganish jarayoniga ta’sirini tushunishga xizmat qiladi.