Mazkur maqolada gandbol sport turida chiziq o‘yinchilarining musobaqa faoliyati jarayonidagi texnik-taktik harakatlari tahlil qilingan. Tadqiqot davomida uchta professional jamoaning (O‘zDJTSU, OTMK, ROPSTTM) chiziq o‘yinchilari tomonidan amalga oshirilgan hujumdagi texnik-taktik ko‘rsatkichlar statistik usullar yordamida o‘rganildi va ularning samaradorlik darajalari solishtirildi. Tadqiqot natijalari asosida chiziq o‘yinchilarining mashg‘ulot jarayonlarini takomillashtirish bo‘yicha ilmiy asoslangan tavsiyalar ishlab chiqildi.

Ushbu maqolada chet tillaridan yapon tiliga transkripsiyalash jarayonining lingvistik asoslari, usullari va muammolari tahlil qilinadi. Ayniqsa, fonetik va grafemik tafovutlar, yapon yozuv tizimining o‘ziga xos bo‘lgan cheklovlari, transkripsiya vaqtida sodir bo‘ladigan fonologik adaptatsiyalar chuqur ko‘rib chiqiladi. Misollar orqali chet so‘zlarining katakana yozuvida aks etishi va yapon talaffuziga moslashtirilish jarayoni yoritiladi. Maqola transkripsiya jarayonining tilshunoslikdagi va madaniyatlararo muloqotdagi ahamiyatini ochib beradi.

Ahmad ibn Mahmud Muin ul-Fuqaroning “Tarixi Mullozada” asari ziyorat odoblari, Buxoro shahri va uning atrofida dafn etilgan yoki maqbaralari joylashgan 160 ga yaqin ulug‘ ulama, faqih, so‘fiy, qozi, olim, podshoh, sulton va boshqalar to‘g‘risida qisqacha ma’lumot beruvchi asar bo‘lib, mazkur tadqiqot ishida ushbu asarning yozilish sabablari hamda undan ko‘zlangan maqsad, asarning tuzilishi, qo‘lyozma nusxalari borasida ma’lumotlar keltirilgan.

Ushbu maqolada maxsus pedagogika ta’lim yo‘nalishi talabalari uchun kasbiy mas'uliyatni shakllantirishning nazariy va metodologik asoslari haqida ma’lumotlar berilgan. Kasbiy mas'uliyat tushunchasining mohiyati, uning maxsus pedagogika sohasidagi ahamiyati va talabalarning kasbiy shakllanishiga ta’siri Shuningdek, maxsus pedagogika mutaxassislarini tayyorlash jarayonida kasbiy mas'uliyatni shakllantirishga yo‘naltirilgan pedagogik yondashuvlar, innovatsion ta’lim texnologiyalari hamda samarali metodlar tahlil qilinadi.

Ushbu maqolada gandbol ixtisosligi talabalarining texnik tayyorgarlik darajasini nazorat qilish va tahlil qilishga qaratilgan tadqiqot natijalari bayon etilgan. Tajriba davomida ishlab chiqilgan maxsus mashg‘ulotlar dasturi asosida pedagogik tajriba o‘tkazildi. Olingan natijalar texnik harakatlar samaradorligi, ayniqsa to‘pni uzatish, jarima to‘pini uloqtirish va himoyaviy harakatlarda sezilarli o‘sishni ko‘rsatgan.