Mazkur maqolada hadislarda bayon etilgan ta’lim va tarbiya masalalari tahlil qilinadi. Rasululloh Muhammad (s.a.v.)ning hadislari asosida ilm olish, axloqiy tarbiya, oilaviy mas’uliyat, ustoz-shogird munosabatlari hamda ijtimoiy muomala madaniyati kabi mavzular yoritilgan. Hadislar orqali insonning ma’naviy barkamollikka erishishidagi yo‘llar ko‘rsatiladi. Shuningdek, zamonaviy ta’lim-tarbiyaga hadislarning qanday tadbiq etilishi mumkinligi haqida ham fikr yuritiladi. Maqola islomiy tarbiyaning universal qadriyat sifatidagi o‘rni va ahamiyatini ochib beradi.

Mazkur maqolada din va ma’naviy kamolot o‘rtasidagi uzviy bog‘liqlik yoritib berilgan. Islom dini inson qalbini poklash, axloqiy barkamollikka erishish hamda jamiyatda ezgulikni qaror toptirishda muhim omil sifatida talqin etiladi. Maqolada Qur’oni karim oyatlari va hadisi shariflar asosida ma’naviy yetuklik mezonlari tahlil qilinib, buyuk allomalar va ajdodlarimizning ibratli hayoti orqali ushbu tushunchaning tarixiy ildizlari ochib berilgan. Shuningdek, mustaqillik yillarida O‘zbekistonda din va ma’naviyat sohasida amalga oshirilayotgan islohotlar, yosh avlodni ma’naviy tarbiyalash borasidagi sa’y-harakatlar ham yoritilgan. Maqola jamiyatda sog‘lom ma’naviy muhitni shakllantirishda dinning o‘rni va ahamiyatini chuqur anglashga xizmat qiladi.

Mazkur maqolada vatanparvarlik tushunchasining tarixiy, diniy va ma’naviy ildizlari, uning yosh avlod ongida shakllanishi va jamiyat taraqqiyotidagi o‘rni yoritilgan. Islom dinida vatanga muhabbat iymonning bir qismi sifatida talqin etiladi. Maqolada, shuningdek, vatanparvarlikning zamonaviy shakllari, yoshlarning ijtimoiy mas’uliyati, davlat siyosatida vatanparvarlik g‘oyasining aks etishi haqida fikr yuritiladi. Amaliy hayotdan misollar va yurtimizdagi tarbiyaviy dasturlar asosida tahlil berilgan.

Maqolada kichik tadbirkorlik faoliyatining nazariy asoslari va oʻziga xos xususiyatlari yoritilgan. Kichik tadbirkorlikning iqtisodiyotni rivojlantirishga ijobiy ta'siri asoslangan. Faoliyat koʻrsatayotgan kichik tadbirkorlik sub'ektlari soni, ularning mamlakat yalpi ichki mahsuloti hajmidagi va jami bandlikdagi salmogʻi tahlil qilingan. Iqtisodiy faoliyat turlari boʻyicha yangi tashkil etilgan kichik korxona va mikrofirmalar soni hamda ularning mahsulotlar (ishlar va xizmatlar) eksporti-import hajmi va ulushining oʻzgarish dinamikasi tadqiq etilgan. Kichik tadbirkorlik sub'ektlari faoliyatidagi oʻziga xos muammolar bayon qilingan.

Ushbu maqola Islom dini taʼlimotlarining asosiy jihatlarini, ayniqsa, aqida, fiqh va axloqiy taʼlimotlarni chuqur o‘rganishga qaratilgan. Islomning asosiy manbalari, jumladan, Qurʼon, hadislar, ijmoʼ va qiyos kabi ahamiyatli elementlar yoritiladi. Aqida bo‘limida Islomda eʼtiqod tizimi va uning asosiy tamoyillari, fiqhda esa amaliy qoidalar va musulmonlarning hayotini tartibga soluvchi qonunlar taqdim etiladi. Axloqiy taʼlimotlar, o‘z navbatida, Islomda insonning axloqiy fazilatlarini rivojlantirish va jamiyatda adolat va tinchlikni taʼminlashga qaratilgan qoidalar to‘plami sifatida o‘rganiladi. Maqolada, shuningdek, dinshunoslik nuqtai nazaridan Islom dinining tarixiy va madaniy kontekstdagi o‘rni, uning jamiyatdagi ahamiyati va zamonaviy sharoitdagi taʼsiri ko‘rsatiladi. Maqola Islom dinining ilohiy va amaliy tomonlarini tushunishga yordam beradi va dinshunoslik fanida muhim o‘rin tutadi.