Maqolada o‘zini o‘zi boshqarish organlari, xususan mahallalar, fuqarolar yig‘inlari va jamoatchilik tuzilmalarining fuqarolik jamiyatini shakllantirishdagi va rivojlantirishdagi tutgan o‘rni chuqur ilmiy-nazariy va amaliy jihatdan yoritilgan. O‘zbekistonda amalga oshirilayotgan demokratik islohotlar jarayonida fuqarolarning ijtimoiy faolligini kuchaytirish, mahalla institutining ahamiyatini oshirish va davlat boshqaruvi bilan jamiyat o‘rtasida samarali vositachilik mexanizmini yaratish muhim vazifalardan biri sifatida ko‘rilmoqda. Maqolada o‘zini o‘zi boshqarish organlarining funksiyalari, ularning huquqiy asoslari, fuqarolik jamiyati institutlari bilan o‘zaro aloqasi, hamda aholining ijtimoiy, iqtisodiy va madaniy hayotidagi faolligini oshirishdagi hissasi tahlil qilingan. Shuningdek, ilg‘or xorijiy tajribalar bilan solishtirma tahlillar asosida, O‘zbekistondagi mavjud tizimning ustun va zaif jihatlari ochib berilgan. Maqola yakunida o‘zini o‘zi boshqarish organlarining fuqarolik jamiyatini yanada mustahkamlashdagi salohiyatini to‘liq ro‘yobga chiqarish uchun zarur bo‘lgan taklif va tavsiyalar ishlab chiqilgan. Ushbu ilmiy ish ijtimoiy fanlar sohasi tadqiqotchilari, davlat boshqaruvi mutaxassislari hamda fuqarolik jamiyatining rivojlanishiga qiziqqan keng jamoatchilik uchun foydali bo‘lishi mumkin.

Ushbu maqolada temperament mavzusining dastlabgi ta’limoti va uning asoschisi Gippokratning qarashlari, temperament xususiyatlarini ilmiy izohlab bergan olim I.I.Pavlovning yondoshuvlari, temperamentning nerv-fiziologik va psixologik asoslari o’rtasidagi farqlar, uning biologik va neyrofiziologik mexanizmlari, shuningdek, zamonaviy ilmiy yondashuvlar tahlil qilinadi. Temperamentning shaxs rivojlanishi, emotsional barqarorlik va ijtimoiy moslashuv jarayonlariga ta’siri mavjud ilmiy adabiyotlar asosida yoritiladi.

Ushbu maqolada hozirgi kun yoshlar modasida tarbiya masalalari, uning ijtimoiy, estetik va madaniy ahamiyati tahlil qilinadi. Maqolada yoshlar modasidagi trendlar va libos tanlovi orqali axloqiy qadriyatlar, madaniy me’yorlar va shaxsiy uslubni shakllantirish jarayonlari yoritilgan.

Nanotexnologiyaning kundalik hayotdagi qo‘llanilishi inson faoliyatining turli sohalarida muhim ahamiyat kasb etmoqda. Ushbu texnologiya yordamida mustahkam, yengil va uzoq muddatli materiallar yaratilmoqda. Tibbiyot sohasida nanotexnologiya dorilarni aniq joyga yetkazish, kasalliklarni erta aniqlash va davolash samaradorligini oshirishda qo‘llaniladi. Maishiy texnikalarda esa energiya tejamkorlikni ta’minlash, suv va havoni tozalovchi filtrlar ishlab chiqishda muhim rol o‘ynaydi. Shuningdek, kiyim-kechak, kosmetika, oziq-ovqat mahsulotlari va elektronika sohalarida ham nanotexnologiya qulaylik va sifatni oshirishga xizmat qilmoqda. Shu tariqa, nanotexnologiya zamonaviy hayotning ajralmas qismiga aylangan.

Maqolada terrorizmga qarshi kurashishning zamonaviy shakllari, yoshlarning bu jarayondagi o‘rni, ma’naviy immunitetni shakllantirish hamda fuqarolik mas’uliyatini yuksaltirish masalalari tahlil qilingan. Terrorizmga qarshi kurashda mafkuraviy tarbiya, ta’lim tizimi va ijtimoiy ongning o‘rni yoritilgan.