Mazkur maqolada fuqarolar va fuqarolik jamiyati institutlarining nazariy-huquqiy asoslari, ularning demokratik jamiyatdagi o‘rni hamda O‘zbekiston Respublikasida davlat byudjetini shakllantirish va ijro etish jarayonlari ustidan jamoatchilik nazoratini amalga oshirish mexanizmlari chuqur tahlil etiladi. Shuningdek, mamlakatimizda ushbu yo‘nalishda qabul qilingan normativ-huquqiy hujjatlar, Prezident farmonlari va siyosiy islohotlar asosida ilmiy xulosalar chiqariladi.

Organik sintez organik kimyoning asoslaridan bo‘lib, oddiy yoki murakkab moddalardan yangi organik birikmalarni sun’iy yo‘l bilan hosil qilish jarayoni hisoblanadi. Bu jarayonlarni chuqurroq o’rganish va tahlil qilish uchun uglerod mavzusini o’rganish juda muhim. Ushbu mavzu o‘quvchilarning ilmiy dunyoqarashini kengaytirish, tabiatdagi jarayonlarni mantiqiy tushuntirish va kimyo faniga bo‘lgan qiziqishni oshirishga xizmat qiladi. Ushbu maqolada uglerod mavzusini o’qitishda “O‘ylang, Juftlaning, Ayting”, “Kaft” metodlaridan hamda “Uzum pishdi bog‘ga kir” o‘yinidan foydalanib darsni tashkil qilish metodikasi va uning natijalari haqida ma’lumot berilgan.

Ushbu maqolada texnik tizimlar bilan bog’liq fanlarni o‘qitishda terminlar, tayanch so‘zlar va iboralarning o‘rni va ahamiyati, ularning o‘quv jarayonidagi roli, hamda samarali qo‘llash usullari tahlil qilinadi. Terminologiyaning to‘g’ri qo‘llanishi talabalarning bilimni chuqur va aniq o‘zlashtirishiga xizmat qilishi. Shuningdek, ilmiy tafakkurni shakllantirishdagi roli yoritiladi va texnik fanlarni o‘qitishda tayanch tushunchalar orqali bilimlarni tizimli ravishda o‘zlashtirish imkoniyatlari ko‘rib chiqiladi.

Ushbu maqolada Shukur Xolmirzayev ijodining bugungi kundagi ahamiyati, uning asarlarida inson ruhiyati, milliy qadriyatlar va hayot haqiqatining badiiy aks etishi tahlil qilinadi. Yozuvchining asarlari zamonaviy o‘quvchi uchun ma’naviy ozuqa bo‘lib xizmat qilishi yoritiladi.

Dorivor tirnoqgul, ya’ni Calendula officinalis L., Asteraceae oilasiga mansub bo‘lgan, farmakognoziya, fitokimyo va klinik fitoterapiya nuqtai nazaridan eng ko‘p o‘rganilgan dorivor o‘simliklardan biri bo‘lib, uning gul xom ashyosi tarkibida triterpen saponinlar va triterpen spirtlari, ayniqsa faradiol mono- va diesterlari, flavonoidlar, karotinoidlar, efir moyi, polisaxaridlar, kumarinlar, fenol kislotalar, sterollar va boshqa biologik faol birikmalar to‘planishi aniqlanganligi sababli ushbu o‘simlikning yallig‘lanishga qarshi, yara bitkazuvchi, antioksidant, epitelizatsiyani tezlashtiruvchi, qisman antimikrob va shilliq qavatni himoyalovchi ta’sirlari ko‘p yo‘nalishli biologik asosga ega ekanligi ko‘rsatilgan. Xalq tabobatida tirnoqgulning qo‘llanish doirasi bundan kengroq bo‘lib, u damlama, tindirma, chayish eritmasi, kompress, surtma va yog‘li ekstrakt ko‘rinishida teri shikastlanishlari, stomatit, gingivit, kuyish, yengil dermatologik holatlar, ba’zan esa me’da-ichak bezovtaliklari va ayollar salomatligiga oid holatlarda ham ishlatilgan, biroq ichki qabul bilan bog‘liq ko‘plab an’anaviy yo‘nalishlar uchun klinik isbot darajasi topikal qo‘llanishga qaraganda nisbatan sustroq ekanligi qayd etiladi. [3], [5], [11].