Ushbu maqolada O‘zbekiston Respublikasi Jinoyat kodeksining 168-moddasida nazarda tutilgan firibgarlik jinoyatining huquqiy belgilariga ilmiy-huquqiy tahlil berilgan. Firibgarlikning mazmuni, uning tarkibiy elementlari obyekt, obyektiv tomoni, subyekt va subyektiv tomoni amaldagi qonunchilik hamda sud amaliyoti misolida yoritiladi.

Ushbu ilmiy maqolada kvant fizikasini o‘qitish jarayonida vizualizatsiya metodlari hamda multimediya texnologiyalaridan foydalanishning didaktik ahamiyati, pedagogik ustunliklari va o‘quvchi kompetensiyalarini shakllantirishdagi o‘rni tahlil qilinadi. Mazkur bo‘limning murakkab nazariy tushunchalarini o‘zlashtirishda virtual simulyatsiyalar, animatsiyalar, grafik modellar, 3D vizual tasvirlar, interaktiv laboratoriya dasturlari va raqamli o‘quv platformalarining ta’siri ko‘rib chiqilib, ushbu vositalarning talabalarning ilmiy tafakkurini rivojlantirish, abstrakt tushunchalarni real jarayonlar bilan bog‘lash, nazariy bilimlarni modellashtirish orqali chuqurlashtirishdagi samaradorligi yoritiladi. Tadqiqot natijalari shuni ko‘rsatadiki, vizualizatsiya va multimediya texnologiyalariga asoslangan o‘qitish kvant jarayonlarini tushunishni osonlashtiradi, o‘quvchilarning motivatsiyasini oshiradi, ularni faol bilish jarayoniga jalb etadi va o‘zlashtirish darajasini sezilarli ravishda ko‘taradi.

Ushbu maqolada fransuz sotsiologi Emile Dyurgim tomonidan ilgari surilgan “anomiya” konsepsiyasining mazmuni, mohiyati va ijtimoiy hayotdagi ahamiyati yoritilgan. Tadqiqotda anomiyaning me’yorlar, qadriyatlar tizimi va ijtimoiy tartib bilan bog‘liqligi tahlil qilinadi. Shuningdek, Dyurgimning “Ommaviy mehnat taqsimoti” hamda “O‘z joniga qasd qilish” asarlarida anomiya tushunchasining nazariy asoslari o‘rganiladi. Zamonaviy O‘zbekiston jamiyatida ijtimoiy o‘zgarishlar davrida yuzaga kelayotgan anomik holatlar ham qisqacha tahlil etilgan.

Davlat tomonidan aholiga yuridik yordam ko‘rsatish instituti inson huquqlarining muhim kafolatlaridan biridir. Fuqarolarning sud organlariga erkin murojaat qilish, odil sudlovga teng imkoniyatlarda erishishi, ijtimoiy himoyaga muhtoj shaxslarning huquqlarini ta’minlash demokratik jamiyatning poydevori hisoblanadi.

Ushbu maqolada rivojlanish falsafasining mazmuni, tamoyillari va zamonaviy talqinlari tahlil qilinadi. Rivojlanishning dialektik mohiyati, modernizatsiya va sivilizatsion yondashuvlar, shuningdek barqaror rivojlanish konsepsiyasi yoritilgan. Inson omili va uning jamiyat taraqqiyotidagi o‘rni alohida baholangan. Global jarayonlar kontekstida rivojlanish falsafasining dolzarbligi asoslab berilgan.