Mazkur maqolada raqamli texnologiyalar, xususan internet, ijtimoiy tarmoqlar va mobil qurilmalarning yoshlar ruhiy salomatligiga ko‘rsatadigan ijobiy va salbiy ta’sirlari ilmiy tahlil qilinadi. Yosh avlodning psixologik barqarorligi, kommunikativ faolligi, o‘z-o‘zini anglash darajasi raqamli muhit sharoitida qanday shakllanishi o‘rganiladi. Shuningdek, internetdan haddan tashqari foydalanish oqibatida paydo bo‘ladigan ruhiy charchoq, diqqatning susayishi, ijtimoiy izolyatsiya kabi muammolarni oldini olish bo‘yicha psixologik tavsiyalar beriladi.

Ona tili va adabiy ta`lim jarayonida asosiy diqqat – e’tiborni o`quvchilarda so`z boyligini oshirish, ma`no nozikliklari, farq va o`xshashlikarini his qilish hamda anglab yetish, to`g`ri talaffuz qilish va bexato yozish, so`zlarni to`g`ri qo`llash, fikrni gap va matn tarzida to`g`ri ifodalash ko`nikmalarini shakllantirishga qaratish zarur. Insonda tafakkur va til o`zaro chanbarchas bog`liq bo`lib, ijodiy va mustaqil fikrli, ma`naviy yetuk shaxsni tarbiyalashda ona tili va adabiy ta`lim usuli, shuningdek, vositalarining o`rni, ro`li beqiyos.

Ushbu ilmiy ishda para uzunlikka sakrovchi qizlarda jismoniy sifatlarning shakllanishi va ularni rivojlantirish omillari tahlil qilingan. Tadqiqotning maqsadi — maxsus jismoniy tayyorgarlik mashg‘ulotlari orqali sakrash texnikasini takomillashtirish hamda chidamlilik, kuch, tezkorlik, muvofiqlashtirish va egiluvchanlik kabi asosiy jismoniy sifatlarni rivojlantirish yo‘llarini aniqlashdan iborat. Ish jarayonida sportchilarning individual xususiyatlari, mashg‘ulot sharoitlari va psixologik tayyorgarlik darajasi hisobga olingan.

Yuqori nafas yo‘llari — burun bo‘shlig‘i, burun orti, halqum va hiqildoq kabi murakkab anatomik tuzilmalardan tashkil topgan bo‘lib, ular nafas olish, himoya, rezonans va nutq hosil bo‘lishi kabi muhim fiziologik jarayonlarda ishtirok etadi. Ushbu tuzilmalarning anatomik xususiyatlarini chuqur o‘rganish otorinolaringologiyada tashxis, davolash va jarrohlik amaliyotlarini mukammal bajarish uchun zarur asosdir.

Annotatsiya. Mazkur maqolada jinoyat huquqi nazariyasining asosiy va eng murakkab bo‘g‘inlaridan biri bo‘lgan ayb instituti va uning shakllari har tomonlama yoritilgan. Ayb shaxsning o‘z harakatlari yoki harakatsizligiga nisbatan ruhiy-psixologik munosabatini ifodalaydi va jinoyat tarkibining zaruriy subyektiv elementi sifatida e’tirof etiladi. Shu bois, aybning mavjudligi yoki mavjud emasligi shaxsning jinoiy javobgarlikka tortilishida hal qiluvchi ahamiyat kasb etadi.