Maqolada raqamli iqtisodiyotning rivojlanishi va raqamli transformatsiya jarayonlari orqali korxona va davlat boshqaruvida samaradorlikni oshirish masalalari o‘rganilgan. Axborot-kommunikatsiya texnologiyalari va sun’iy intellekt vositalari iqtisodiy faoliyatning barcha sohalarida jarayonlarni avtomatlashtirish, ma’lumotlarni tahlil qilish va qaror qabul qilish sifatini yaxshilash imkonini beradi. Shu bilan birga, raqamli transformatsiya orqali resurslardan foydalanish optimallashtiriladi, ish jarayonlari tezlashadi va iqtisodiy samaradorlik oshadi. Maqolada, shuningdek, raqamli iqtisodiyotning ijtimoiy, moliyaviy va regulyativ jihatlari, shaxsiy ma’lumotlarni himoya qilish, innovatsiyalarni tatbiq etish va inklyuziv rivojlanish masalalari ham ko‘rib chiqilgan.

Ushbu maqolada raqamli iqtisodiyotning iqtisodiy mazmuni, mohiyati, uning hozirgi davrda bizga qanchalik zaruriyati borligi va O‘zbekistonda raqamli boshqaruvning bugungi holati haqidagi nazariy qarashlar o‘rganiladi, shuningdek, uning O‘zbekistondagi va xorijdagi holati qiyosiy tahlil qilinadi. Tahlillar asosida O‘zbekiston Respublikasida raqamli iqtisodiyotning ustuvor yo‘nalishlari va rivojlanishiga oid ilmiy taklif va xulosalar ishlab chiqildi.

Investitsiya faoliyati har qanday mamlakat iqtisodiy rivojlanishining muhim omillaridan biridir. Uning samaradorligi to‘g‘ridan-to‘g‘ri xarajatlar hisobining to‘g‘ri yuritilishi va buxgalteriya tizimining aniqligiga bog‘liq. Ushbu maqolada investitsiyalarning iqtisodiy mazmuni, xarajatlar hisobining turlari va buxgalteriya tizimining investitsion jarayonlardagi roli tahlil qilinadi. Shuningdek, O‘zbekiston misolida investitsiya muhiti, kapital qo‘yilmalarning rentabelligi hamda korxonalarda investitsion hisob yuritish amaliyoti ko‘rib chiqiladi.

Ushbu maqolada tashqi muhitning yuqori darajada noaniqligi bilan tavsiflanadigan zamonaviy sharoitda faoliyat ko‘rsatadigan korxonalardagi strategik boshqaruvning metodologik muammolari tahlil qilingan. Tadqiqotning ilmiy-amaliy muamosi bo‘lib, mikrodarajada strategik qarorlarni amalga oshirish davrida tashqi muhitda ro‘y beradigan o‘zgarishlar hisoblanadi. Noaniqlik sharoitida strategik menejmentning nazariy va metodologik yondashuvlarini dolzarbligini tahlil etish tadqiqotning maqsadi hisoblanadi. Strategik menejmentning asosiy tamoyillari, iqtisodiy tahlil, korxonalar iqtisodiyoti hamda ijtimoiy-iqtisodiy tizimlarni boshqarishda noaniqlik konsepsiyasi ushbu maqolaning metodologik asosi hisoblanadi.

Ushbu maqolada O‘zbekiston Respublikasida yashil qurilish tizimini rivojlantirishning ahamiyati, dolzarbligi va istiqbollari yoritilgan. Yashil qurilishning asosiy tamoyillari — energiya tejamkorlik, ekologik tozalik, qayta tiklanadigan resurslardan foydalanish va chiqindisiz ishlab chiqarish masalalari tahlil qilingan. Shuningdek, mamlakatda “yashil iqtisodiyot” konsepsiyasi doirasida amalga oshirilayotgan chora-tadbirlar, xalqaro tajriba va milliy amaliyot o‘rtasidagi o‘xshashliklar ko‘rib chiqilgan. Maqolada O‘zbekistonda yashil qurilishning rivojlanish istiqbollari, muammolari va ularni bartaraf etish yo‘llari haqida ilmiy xulosalar keltirilgan.