Ushbu maqolada ingliz tili o‘qitish metodikasining zamonaviy yondashuvlari, kommunikativ, interaktiv va integrativ metodlarning afzalliklari hamda ularning o‘quvchilarning til kompetensiyasini rivojlantirishdagi o‘rni tahlil qilinadi. Shuningdek, raqamli texnologiyalar, onlayn ta’lim platformalari va innovatsion pedagogik vositalardan foydalanishning samaradorligi ilmiy asosda yoritilgan.

Мақолада Ўзбекистонда суд қарорларининг ўз вақтида ва тўлиқ ижро этилиши муаммолари таҳлил қилинган ҳамда уларнинг ечимини таъминлаш мақсадида инновацион ёндашув сифатида “суд қарорлари ижросини суғурта қилиш” механизмини жорий этиш таклифи илгари сурилган. АҚШ, Нидерландия, Канада ва Жанубий Корея тажрибалари мисолида ушбу механизмнинг ҳуқуқий ва иқтисодий афзалликлари ёритилган. Хусусан, ижро суғуртаси орқали суд қарори ижро этилмаган тақдирда жабрланувчи шахс тезкор тўлов билан таъминланиши, кейинчалик суғуртачи суброгация ҳуқуқи асосида қарздордан маблағни ундириши назарда тутилган.

Ona tili va adabiy ta`lim jarayonida asosiy diqqat – e’tiborni o`quvchilarda so`z boyligini oshirish, ma`no nozikliklari, farq va o`xshashlikarini his qilish hamda anglab yetish, to`g`ri talaffuz qilish va bexato yozish, so`zlarni to`g`ri qo`llash, fikrni gap va matn tarzida to`g`ri ifodalash ko`nikmalarini shakllantirishga qaratish zarur. Insonda tafakkur va til o`zaro chanbarchas bog`liq bo`lib, ijodiy va mustaqil fikrli, ma`naviy yetuk shaxsni tarbiyalashda ona tili va adabiy ta`lim usuli, shuningdek, vositalarining o`rni, ro`li beqiyos.

Mazkur maqolada hozirgi davrda insoniyat oldida turgan eng dolzarb ekologik muammolar, ularning kelib chiqish sabablari, oqibatlari va ularni bartaraf etish yo‘llari tahlil qilingan. Unda global, mintaqaviy va mahalliy ekologik muammolar — atmosfera ifloslanishi, issiqxona effekti, ozon qatlamining yemirilishi, kislotali yomg‘irlar va suv tanqisligi kabi masalalar ilmiy manbalar asosida yoritilgan. Shuningdek, atrof-muhitni muhofaza qilish, tabiiy resurslardan oqilona foydalanish, chiqindisiz texnologiyalarni joriy etish va ekologik xavfsizlikni ta’minlash bo‘yicha samarali yechimlar taklif etilgan.

Globallashuv jarayonida sport nafaqat ijtimoiy-madaniy hodisa, balki tilshunoslik nuqtayi nazaridan ham alohida tadqiq etilayotgan sohalardan biridir. Sport terminlari milliy tillarning lug‘at boyligini boyitishda, yangi so‘z yasash jarayonlarida va xalqaro muloqotda muhim ahamiyat kasb etadi. O‘zbek va ingliz tillarida sportga oid terminlarning shakllanishida umumiylik va farqlanish mavjud bo‘lib, ular affiksatsiya, kompozitsiya, abbreviatsiya, semantik kengayish va qabul qilingan so‘zlar orqali yasaladi. Mazkur tadqiqot ushbu ikki til paralleligida sport terminlarining yasalishini o‘rganish va ularning lingvistik xususiyatlarini aniqlashga qaratilgan.