Mazkur maqolada o‘zbek milliy musiqasining shakllanish jarayoni, uning tarixiy ildizlari va bugungi kunda zamonaviy san’at talablari asosida qayta talqin qilinishi masalalari tahlil qilinadi. Global madaniy jarayonlar ta’sirida milliy musiqaning o‘zgarish xususiyatlari, an’anaviy kuy-qo‘shiqlarning estrada, simfonik va elektron musiqaga uyg‘unlashtirilishi o‘rganiladi. Shuningdek, milliy musiqaning yosh avlod ongida tarbiyaviy ahamiyati va uning madaniy identitetni shakllantirishdagi o‘rni ilmiy nuqtai nazardan yoritiladi.

Мақолада Ўзбекистонда ёшлар (вояга етмаганлар) ҳуқуқбузарликлари профилактикаси миллий тизимини янги бошқарув парадигмаси асосида модернизация қилишнинг концептуал йўналишлари таҳлил қилинади. Президентнинг 2026 йил 5 январдаги ПҚ–1-сон қарори доирасида профилактика “назорат ва реакция” моделидан “барвақт аниқлаш ва бартараф этиш” (проактив) моделига ўтаётгани асосланади. Мақолада “илмий хулоса—тавсия—натижа” циклини ташкилий форматга ўтказиш, манзилли интервенцияларни режалаштириш ва мониторинг орқали натижавийликни баҳолаш масалалари очиб берилади. Шунингдек, рақамли профилактика (data-driven бошқарув, AI/АКТ, “E-ijtimoiy profilaktika” ва тегишли модуллар)ни жорий этишнинг институционал афзалликлари ва ҳуқуқий чекловлари, хусусан шахсга доир маълумотлар ҳимояси ҳамда идоралараро маълумот алмашинуви қонунийлигини таъминлаш талаблари ёритилади. Мақола якунида ювенал адлия нормаларини кодификация қилиш, диверсия ва ресторатив механизмларни кенгайтириш орқали профилактиканинг реабилитацион йўналишини кучайтириш бўйича илмий-амалий таклифлар илгари сурилади.

Мақолада ёшлар ҳуқуқбузарлиги жамиятдаги мураккаб ижтимоий-ҳуқуқий феномен сифатида таҳлил қилинади. Тадқиқотда “Янги Ўзбекистон” ислоҳотлари шароитида ёшлар масаласининг давлат сиёсатидаги стратегик устуворлиги ва профилактика ёндашувларини замонавийлаштириш зарурати асосланади. Ёшлар ҳуқуқбузарлигининг назарий-ҳуқуқий табиати ижтимоийлашувдаги узилишлар, ҳуқуқий онг деформацияси, аномия ҳолатлари, ижтимоий назорат институтлари самарадорлиги каби омиллар билан боғлиқ ҳолда ёритилади. Шунингдек, ёшлар ҳуқуқбузарлигини классификациялаш мезонлари (шахсий-психологик, институционал, ҳудудий, виктимологик ва гендер) ҳамда ахборот маконидаги янги таҳдид — “кибер-девиантлик”нинг криминологик аҳамияти таҳлил қилинади. Хулосада ёшлар ҳуқуқбузарлигини аниқ мезонлар асосида таснифлаш ва профилактика механизмларини, айниқса рақамли муҳитдаги ҳамкорлик ва мониторингни такомиллаштириш бўйича концептуал йўналишлар таклиф этилади.

Bul maqalada qaraqalpaq xalıq folklorınıń kelip shıǵıwı, qáliplesiwi hám janrlıq kóp túrliligi tallanǵan. Folklordıń xalıq tariyxın, úrp-ádetlerin, ruwxıy qádiriyatların sáwlelendiriwdegi ornı hám de zamanagóy dáwirde onıń áhmiyeti jarıtıp berilgen.

Maqolada soliq ma’murchiligini raqamlashtirish jarayonlari va ularning soliq bazasini kengaytirishdagi o‘rni tahlil qilingan. Raqamli texnologiyalarni soliq tizimiga joriy etish orqali soliqlarni yig‘ish samaradorligini oshirish, “soya iqtisodiyoti”ni qisqartirish hamda fiskal shaffoflikni ta’minlash imkoniyatlari ko‘rsatib berilgan. Shuningdek, O‘zbekiston tajribasi xalqaro amaliyot bilan solishtirilib, mavjud muammolar va ularni hal etish yo‘llari yoritilgan. Tadqiqot natijalariga ko‘ra, soliq ma’murchiligini raqamlashtirish davlat byudjeti barqarorligini ta’minlash, tadbirkorlik muhitini yaxshilash va soliq bazasini kengaytirishda strategik omil sifatida namoyon bo‘lmoqda.