Ushbu maqolada ajrashgan oilalardagi ota-onalar o‘rtasidagi munosabatlarning farzand psixologiyasiga ta’siri turli ilmiy manbalar asosida tahlil qilingan. Adabiyotlar tahlili orqali ajralishdan keyingi oilaviy muhitda farzandning hissiy-emotsional holatida yuzaga keladigan o‘zgarishlar, psixologik bosimlar va moslashuv jarayonlari yoritilgan. Tahlil falsafiy, psixologik va etnopsixologik nuqtai nazardan olib borilgan. Maqolada milliy qadriyatlar kontekstida o‘zbek oilalarida ajrashuv holatining bolalarga ta’siri alohida ko‘rib chiqilgan.

Ushbu maqolada boshlang‘ich sinf o‘quvchilarining matematik savodxonligini oshirishda mental arifmetikaning o‘rni va ahamiyati tahlil qilingan. Integratsiyalashgan yondashuv asosida matematika faniga bo‘lgan qiziqishni oshirish, aqliy rivojlanish, diqqatni jamlash va tez fikrlash ko‘nikmalarini shakllantirishda mental arifmetikaning ta’siri asoslangan. Asosiy qismda to‘rt yechilgan masala orqali mazkur metodikaning amaliy imkoniyatlari ochib beriladi.

Maqolada tibbiy tashxis qilish jarayonida qo‘llaniladigan ko‘p sinfli klassifikatsiya masalalarini yechish uchun ansamblli o‘rganish yondashuvlaridan foydalanish masalasi qaralgan. Stacking, Random Forest va LightGBM ansambl usullaridan foydalanib o‘quv tanlanmalaridagi klassifikatsiya aniqligini hisoblash kabi ishlar natija sifatida olingan.

Ushbu maqolada zamonaviy oʻzbek sheʼriyatining yorqin vakillaridan biri boʻlgan Nodir Jonuzoq ijodida soʻzning koʻchma maʼnoda ishlatilish imkoniyatlari tadqiq etiladi. Badiiy tasvir vositalaridan metafora, metonimiya, oʻxshatish, epitet, jonlantirish, takror va mubolagʻa kabi badiiy tasvir vositalarining qoʻllanilishi misollar bilan tahlil qilinadi. Shoirning til va uslubdagi individual mahorati, uning sheʼrlaridagi lisoniy xususiyatlar, shuningdek, badiiy obrazlarning lingvopoetik jihatlari oʻrganiladi.

Ushbu maqolada Oʻtkir Hoshimov serqirra ijodkor, taniqli davlat arbobi, roman va qissalar muallifi hisoblanadi. Uning asarlarida hayotiy boʻlgan masalalar va urush vaqtida boʻlgan barcha qiyinchiliklar tasvirlangan. “Urushning soʻnggi qurboni” bu asarda ham urush vaqtida odamlarning qanday qiyinchilik koʻrgani, nimalar yetishmasligi ochiq tasvirlab berilgan. Hozirgi kun bilan bogʻlasak, hozirda ham zoʻravonliklar, tahdidlar davom etmoqda. Asar bizni tinchlikka undovchi kuch desak aslo mubolagʻa boʻlmaydi.