Mazkur maqolada ingliz tilini o‘qitish jarayonida kommunikativ yondashuvning nazariy-metodik asoslari, uning an’anaviy grammatik-tarjima usullari bilan qiyosiy ustun jihatlari hamda zamonaviy ta’lim muhitida, xususan, tabiiy fanlar, jumladan biologiya yo‘nalishida ta’lim olayotgan o‘quvchi va talabalarning kasbiy-kommunikativ kompetensiyalarini shakllantirishdagi samaradorligi chuqur tahlil qilinadi. Maqolada kommunikativ yondashuvning real nutqiy vaziyatlarga asoslanishi, talabalarning faol ishtirokini ta’minlashi, fanlararo integratsiyani kuchaytirishi hamda biologik terminologiyani kontekst asosida o‘zlashtirishga imkon yaratishi ilmiy-metodik dalillar asosida yoritiladi. Tadqiqot davomida xorijiy va mahalliy ilmiy manbalar tahlil qilinib, kommunikativ yondashuvning o‘qituvchi va o‘quvchi o‘rtasidagi pedagogik hamkorlikni rivojlantirishdagi o‘rni asoslab beriladi.

Mazkur maqolada bel og‘riqlarining etiologik mexanizmlari, umurtqa pog‘onasi segmentlarida sodir bo‘ladigan funksional buzilishlarning patobiologik asoslari, shuningdek, ularni bartaraf etishda manual terapiya va fizioterapiya usullarining o‘zaro integratsiyasi samaradorligini yoritishga qaratilgan ilmiy tahlillar keltirilgan bo‘lib, ayniqsa, muskuloskelet tizimi faoliyatidagi disbalanslarni tuzatishda qo‘llaniladigan qo‘l bilan manipulyatsiya, yumshoq to‘qimalar mobilizatsiyasi, tortish muolajalari, elektroterapiya, ultratovush, magnitoterapiya, harakat terapiyasi kabi muolajalar kompleks qo‘llanilganda yuzaga keladigan sinergetik ta’sirlar chuqur biologik-fiziologik nuqtayi nazardan sharhlanadi [1], [4], [13]. Bel og‘rig‘ining surunkali shaklga o‘tishida paylar, ligamentlar va paravertebral mushaklarda rivojlanadigan miofastsial disfunktsiyalarni kamaytirishda har ikki usulning to‘g‘ri ketma-ketlikda qo‘llanishi tiklanishga qisqa muddatda erishishni ta’minlashi ilmiy manbalar asosida asoslab beriladi.

Ushbu maqolada badiiy asarda shakl va mazmun tushunchalarining nazariy mohiyati hamda ularning o‘zaro dialektik birligi yoritiladi. Shakl va mazmun kategoriyalarining falsafiy-estetik asoslari tahlil qilinib, ularning badiiy asar yaratilishidagi o‘rni ochib beriladi. Maqolada shaklning badiiy asarning tashqi tuzilishi va kompozitsiyasini belgilashi, mazmunning esa asarning g‘oyaviy-falsafiy mohiyatini ifodalashi misollar asosida asoslab beriladi. Abdulla Qahhorning “O‘g‘ri” hikoyasi hamda Abdulla Qodiriyning “O‘tkan kunlar” romani misolida shakl va mazmunning uyg‘unligi, ularning ijtimoiy muammolarni badiiy aks ettirishdagi ahamiyati tahlil qilinadi. Maqolada badiiy asarning o‘quvchi ongida qayta talqin qilinishi va mazmunning ko‘p qatlamliligi masalasiga ham e’tibor qaratiladi.

Maqolada yozuvchi Abdulla Qodiriyning “Oʻtkan kunlar” romani badiiy tahlil qilinib, asarning sujet kompozitsiyasi, obrazlar tizimi, konfliktlar tabiati dagi hamda roman gʻoyaviy-badiiy qiymati ilmiy nuqtai nazaridan yoritiladi. Tahlilda qahramonlarning o'zaro aloqalari, xarakterlarning ochib berilishini, salbiy obrazlar orqali jamiyatdagi inqirozlarga duch kelinishini kuzatishingiz mumkin. Shuningdek, roman sujetining ekspozitsiyasi, tugun, kulminatsiya bosqichlari tahlil qilinib, konfliktlarning xarakterlararo, ijtimoiy muhit va ichki koʻrinish bilan bogʻliq tomonlari izohlanadi.

Mazkur ilmiy maqolada oliy ta’lim muassasalarida ichki audit nazoratini tashkil etish va amalga oshirishning nazariy-metodologik asoslari hamda amaldagi holati kompleks tarzda tahlil qilinadi. Ichki audit tizimining oliy ta’lim muassasalarida moliyaviy-xo‘jalik faoliyatining shaffofligini ta’minlash, byudjet va byudjetdan tashqari mablag‘lardan maqsadli va samarali foydalanish, moliyaviy intizomni mustahkamlash hamda korrupsion holatlarning oldini olishdagi o‘rni ochib beriladi. Maqolada ichki audit faoliyatini tashkil etish jarayonida uchrayotgan asosiy muammolar, jumladan, normativ-huquqiy bazaning yetarli darajada takomillashmaganligi, ichki audit xodimlarining malaka darajasi, riskga asoslangan audit yondashuvlarining yetarli darajada joriy etilmagani va raqamli texnologiyalardan foydalanish darajasining pastligi tahlil qilinadi. Shuningdek, ilg‘or xorijiy tajribalar asosida oliy ta’lim muassasalarida ichki audit nazoratini takomillashtirishning ustuvor yo‘nalishlari belgilab berilib, ichki audit tizimini modernizatsiya qilish, audit jarayonlarini raqamlashtirish, risklarni boshqarish mexanizmlarini kuchaytirish hamda ichki auditning boshqaruv qarorlarini qabul qilishdagi rolini oshirishga qaratilgan ilmiy-amaliy taklif va tavsiyalar ishlab chiqiladi.