Ushbu maqolada sifat menejment tizimining (SMT) tashkilotlarda iste’molchilarning ehtiyoj va talablarini aniqlash, tahlil qilish hamda ularga javob berishdagi o‘rni va amaliy ta’siri yoritilgan. Tadqiqotda ISO 9001:2015 xalqaro standarti tamoyillari asosida SMTning samaradorlik ko‘rsatkichlariga, mijoz qoniqishiga, ichki jarayonlar optimallashuviga hamda raqobatbardoshlikning oshishiga ta’siri empirik va statistik asosda tahlil qilingan. O‘zbekiston tajribasi misolida SMTni joriy etishdagi yutuqlar, huquqiy asoslar, mavjud muammolar va istiqbolli yo‘nalishlar o‘rganilgan. Tadqiqot natijalari SMTning tashkilot barqarorligi va mijoz sodiqligini shakllantirishdagi strategik ahamiyatini isbotlaydi.

Mustaqil demokratik yo'ldan dadil odimlayotgan O'zbekistonning eng ulug' maqsadi, avvalo, xalqimiz manfaatlari ko'zlangan islohotlarni amalga oshirishga qaratilgani bilan e'tiborlidir. Bu jihatlar Konstitutsiyamizda ham mustahkamlab qo'yilgan. Jumladan, Bosh Qomusimizning II bob 13-moddasida “O'zbekiston Respublikasida demokratiya umuminsoniy prinsiplarga asoslanadi, ularga ko'ra inson, uning hayoti, erkinligi, sha'ni, qadr-qimmati va boshqa daxlsiz huquqlari oliy qadriyat hisoblanadi. Demokratik huquq va erkinliklar Konstitutsiya va Qonunlar bilan himoya qilinadi” [1] deyilgan. Ushbu maqolada, jamiyatning yangilanishi sharoitida insonlarning konstitutsiyaviy huquqlarini ta'minlashning dolzarb masalalari haqida fikr va mulohazalar yuritiladi.

Ushbu maqolada jadidchilik harakatining tarixi, uning asosiy g‘oyalari va ta’siri xorijiy olimlarning ilmiy tadqiqotlari asosida tahlil qilinadi. Xususan, ingliz tadqiqotchilari Adeeb Khalid, Geoffrey Wheeler, Edward Allworth va S. Frederick Starr tomonidan olib borilgan izlanishlar asosida jadidchilik harakatining o‘rganilishi ko‘rib chiqiladi. Turkiston o‘lkasidagi jadidchilik harakati, uning siyosiy va madaniy jihatlari chuqur tahlil qilinadi.

Ushbu maqolada islom olamining buyuk muhaddisi Imom Buxoriyning asarlari, xususan, 'Sahih al-Buxoriy'ning xorijiy mamlakatlardagi mashhur universitetlarda o'rganilishi va tadqiq qilinishi yoritiladi. Shuningdek, chet ellik olimlarning Imom Buxoriy merosi haqidagi ilmiy ishlari tahlil qilinadi va ulardan iqtiboslar keltiriladi.

Ushbu maqolada Ikkinchi jahon urushi qatnashchilarining Vatan uchun olib borgan kurashlari, ular keltirgan g‘alaba sabab hozirgi tinch-osoyishta hayotga erishganligimiz va mustaqillik yillaridan hozirgacha nafaqat faxrli urush ishtirokchilari, balki, ilm-fan sohasidagi ziyolilar shaxsiyatlarini abadiylashtirish va chuqur izlanishlar olib borishdagi islohotlar haqida yoritildi. Ta’lim orqali yoshlar ongida buyuk tarixni haqiqiy jonlantirish va taraqqiyot sari ilg‘or qadamlar tashlab, ajdodlarimiz ko‘zlagan maqsadga biz erishishimiz-vazifamiz ekanligi yana bir bor ta’kidlab o‘tildi.